Lögberg - 19.07.1951, Blaðsíða 7

LÖGBERG. FIMTUDAGINN 19. JÚLÍ, 1951
7
Bjarg hrapar á stóran bíl á Óshlíðarvegi,
tveir bíða bana, tveir stórmeiddir
í bílnum voru 30 menn, ílest Akureyringar í íþrótla og skemmtiför
Um þrjúleytið á sunnudaginn var stór bifreið, sem í
voru þrjátíu menn, að koma utan Óshlíð frá Bolungarvík
á leið til Isafjarðar. í>oka var hið efra í fjallinu, en veður
annars gott, söngur og kátína meðal fólksins í bílnum
og bros á hvers manns vör. Skyndilega hrópar ein stúlkan
í bílnum, að bjarg komi fljúgandi niður snarbratta hlíðina,
og í næstu andrá skall það aftast á bílnum og tætti hann
sundur, en tveir menn, sem í aftasta sætinu sátu, biðu bana,
og aðrir tveir hlutu slíka áverka, að tvísýnt er um líf þeirra.
Atburður þessi gerðist rétt
innan við svonefndan Sporham-
ar, og all-langt utan við þann
stað, þar sem krossmarkið var
reist í fyrra, er vígsla vegarins
fór fram með hátíðlegri athöfn
og fyrirbænum.
Menn þeir, sem bana biðu,
voru K r i s t j á n Kristjánsson
verzlunarmaður, ættaður úr
Glerárþorpi, og Þórarinn Jóns-
son s^ómaður, báðir frá Akur-
eyri. Þeir, sem mest særðust,
voru Þorsteinn Svanlaugsson
bifreiðarstjóri og Halldór Árna-
son skósmiður, einnig báðir frá
Akureyri.
Fréttaritari Tímans á Isafirði,
sem sjálfur fór á slysstaðinn,
lýsir þessum atburði svo:
íþróttabandalag ísafjarðar
hafði boðið flokki manna úr
íþróttafélaginu Þór á Akureyri
í íþrótta- og skemmtiför til ísa-
fjarðar. Voru það flest íþrótta-
og knattspyrnumenn, sem för-
ina fóru, en þrír íþróttamann-
anna höfðu konur sínar með, og
þrjár ungar stúlkur voru í för-
inni. Komu Akureyringarnir í
bifreið til Arngerðareyrar undir
fararstjórn Þorsteins Svanlaugs-
sonar, sem jafnframt var bíl-
stjóri, en fóru þaðan á báti til
ísafjarðar. Á laugardaginn
kepptu Akureyringar í knatt-
spyrnu og frjálsum íþróttum við
Isfirðinga.
Á sunnudaginn bauð íþrótta-
bandalag ísafjarðar gestunum í
skemmtiför til Bolungarvíkur.
Var farið í stórum bíl, alls þrjá-
tíu manns, þar á meðal þrír Is-
firðingar. Ók Marteinn Einars-
son bifreiðinni, en aðrir ísfirð-
ingar í förinni voru Haraldur
Steinþórsson, formaður íþrótta-
bandalags ísafjarðar, og Sverrir
Guðmundsson, formaður mót-
tökunefndarinnar.
Er dvalið hafði verið um stund
í Bolungarvík, var haldið af stað
aftur inn til ísafjarðar. Rétt inn-
an við Sporhamar varð svo slys-
ið- Stór steinn kom í loftköstum
niður hlíðina og stefndi á bílinn,
°g ein stúlknanna í bílnum, Dóra
Bernharðsdóttir, hrópaði upp
yfir sig. I sömu andrá sáu bíl-
stjórinn og fleiri, sem í bílnum
voru, hvað var að gerast. Bíl-
stjórinn jók hraðann eins snöggt
og hann gat, en veittist ekki ráð-
rúm til þess að forða bílnum
undan bjarginu. Það munaði
svo sem einum metra, að bíll-
inn slyppi. Steinninn skall aftast
á bílinn og mölbraut yfirbygg-
inguna að aftan með þeim af-
leiðingum, sem kunnar eru.
Lausagrjót, sem fylgdi steinin-
um á hrapinu, hraut allt í kring-
um bílinn, en lenti mest aftan
við hann. Hefði steinninn lent
á bílnum miðjum, hefði vart hjá
því farið, að hann hefði kastast
út af veginum, en fyrir neðan
var hengiflug.
í aftasta sætinu voru sex
menn. Tveir þeirra, Kristján
Kristjánsson, einn fremsti í-
þróttamaður Akureyrar og mjög
efnilegur spjótkastari, og Þór-
arinn Jónsson, knattspyrnumað-
ur, biðu báðir bana samstundis.
Þeir voru báðir ókvæntir. Þor-
steinn Svanlaugsson, fararstjóri
Akureyringanna, og Halldór
Árnason hlutu báðir mjög mikil
meiðsli. Tryggvi Gestsson, sem
einnig sat í aftasta sætinu, hlaut,
skrámur á andliti og áverka á
handlegg, en Arngrímur Krist-
jánsson, tvíburabróðir Kristjáns
heitins, slapp ómeiddur.
Skemmra var til Bolungar-
víkur en Hnífsdals af slysstaðn-
um, og var þegar hlaupið af stað
út eftir til þess að sækja hjálp.
Áður en til Bolungarvíkur
kæmi, mættu mennirnir bifreið,
sem var á leið inn eftir, og sneri
hún þegar við til Bolungarvíkur.
Var læknir, Hinrik Linnet, sótt-
ur í henni til Bolungarvíkur, og
kom hann þegar á vettvang.
Nokkru síðar komu svo læknir
og skátar frá ísafirði.
Þeir Þorsteinn Svanlaugsson
og Halldór Árnason voru tafar-
laust fluttir í sjúkrahús á ísa-
firði, þar sem gert var að sárum
þeirra. Voru þeir meðvitundar-
lausir báðir, en eru nú komnir
til sjálfs sín. Báðir hafa hlotið
mjög mikla áverka. Þorsteinn er
mikið skorinn á annarri kinn og
kinnbeinið brotið, auk þess sem
hann hefir fengið heilahristing,
og Halldór er einnig mikið skor
inn í andliti, en óbrotinn, að tal-
ið er. Læknar í ísafirði eru fá-
orðir um líðan þeirra, og munu
þeir ekki úr hættu.
Varðskipið Ægir var í fyrri-
nótt sent til ísafjarðar til þess
að sækja lík þeirra, sem fórust,
og flytur það þau og flest af
ferðafólkinu til Akureyrar í
nótt. Mun skipið koma þangað
klukkan níu til tíu árdegis í dag
Tíðindamaður frá Tímanum
átti í gærkvöldi tal við Sigurð
Bárðarson, formann íþrótta-
félagsins Þórs á Akureyri, en
hann var þá staddur á Isafirði.
Ætlaði hann að verða eftir á
Isafirði, ásamt Einar Gunnlaugs-
syni frá Akureyri, unz séð yrði,
hvernig þeim Þorsteini og Hall-
dóri reiddi af.
Minningarathöfn um hina
látnu Akureyringa fór fram í
ísafjarðarkirkju síðdegis í gær.
Flutti séra Sigurður Kristjáns-
son þar stutta minningarræðu.
Að henni lokinni voru kisturn-
ar bornar til skips, og gengu
íþróttamenn og skátar á ísafirði
á undan þeim. ísfirzkir íþrótta
menn báru kisturnar úr kirkju
á bíl, en félagar frá Akureyri af
bílnum á skipsfjöl.
Fánar voru hvarvetna í hálfa
stöng á ísafirði í gær og sorgar-
svipur yfir öllu. Þykir Isfirðing-
um dapurlega hafa aðborið, er
þeir buðu Akureyringum í
heimsókn til kappleikja og
skemmtana.
—TIMINN, 10. júlí
Ágæt síldveiði var í fyrrinótt og gær víða
á svæðinu milli Horns og Skaga
Allmörg skip komu að landi í
gær með góða eða ágæta veiði.
Síldarverksmiðjan á S k a g a -
strönd byrjuð móttöku. Söltun
leyfð þegar og síldin er orðin
söllunarhæf.
Lausafregnir þær, sem Tím-
inn flutti í gær, um síld á
Húnaflóa, hafa nú verið
staðfestar, og hafa mörg
síldarskip fengið góðan afla
á Húnaflóa og við Horn.
Var bezta veður á þessum
slóðum í gær, skafheiðríkt
og víða hvítalogn.
Mjög veiðilegt.
Sjómenn telja mjög veiðilegt
á þessum slóðum nú, og er þang-
að kominn fjöldi skipa. Torfu-
lagið er miklu betra en verið
hefir undanfarin sumur, og
minna um stökksíld, og síldin
stór og ákaflega falleg. Mikill
veiðihugur er í sjómönnum, og
vænta menn þess, að nú þegar
fáist góð veiðihrota, ef veður-
lag helzt svipað.
Fyrslu skipin í höfn.
Allmörg skip eru nú þegar
komin til hafnar með góðan afla,
og í gær mátti víða sjá menn í
nótabátunum og virtust sumir
hafa fengið ágæt köst. Talstöðv-
arnar voru lítið notaðar í gær
og þykir kunnugum það benda
til þess, að margir hafi verið í
síld. Var búizt við fleiri skipum
með afla til verksmiðjanna í
nótt.
Síld til Siglufjarðar.
Fréttaritari Tímans á Siglu-
firði sagði í gær, að fyrsti bát-
urinn, sem þangað kom í gær
með síld, hafi verið Garðar frá
Rauðuvík. Kom hann kl. sex í
gærkvöldi með 500 mál. Þessa
Business College Education
In these modern times Business College
Education is not only desirable but almost
imperative.
The demand for Business College Educa-
tion in industry and commerce is steadily
increasing from year to year.
Commence YourBusiness Traimnglmmediately!
For Scholarships Consult
THE COLUMBIA PRESS LIMITED
PHONE 21804
895 SARGENT AV WINNIPEG
síld fékk Garðar í fimm köstum
í fyrrakvöld og fyrrinótt. Mest
fékk hann 200 mál í kasti. Var
það á Húnaflóa, skammt frá
Kolkugrunni. Þar voru allmörg
skip og bátar á veiðum og marg-
ir í síld. Fengu flestir eitthvað
og sumir allgóða veiði.
Beiri síldveiði norðar.
Skipverjar á Garðari sögðu þó,
er fréttaritari Tímans átti tal við
þá í gær, að betri síldartorfur
hefðu verið norðar í fyrrakvöld
og hefðu fleiri skip verið þar og
fengu margir góð köst.
Síldin var yfirleitt góð viður-
eignar, var vel uppi í fyrrinótt
en fór niður skömmu fyrir há-
degi í gær. Bjuggust sjómenn
hins vegar við, að hún myndi
koma upp aftur þegar liði að
kveldi í gær, enda voru farnar
að berast fréttir um það í gær-
kveldi.
Sigurður með fullfermi.
Á leiðinni til Siglufjarðar í
gær voru nokkrir bátar með síld,
þar á meðal ólafur Bjarnason
með 500 mál. Þá bárust og
fregnir um það um kl. 8 í gær-
kveldi, að Sigurður frá Siglu-
firði hefði fengið fullfermi eða
um 1000 mál og væri á leiðinni
til Siglufjarðar með það.
Austasta síldin við
Skagagrunn.
Hjá Garðari frá Rauðuvík í
fyrrinótt voru ýmis skip sem
fengu veiði sem fyrr segir. Þar
fékk t. d. Vonin frá Grenivík
400 mál og einn bátur fékk 50
mál í kasti austur á Skaga-
grunni. Var það austasta síldin,
sem veiddist. I nánd við Garðar
voru einnig tvö útlend skip og
var annað þeirra norskt.
Fann rekneta „trossu"
með 40 netum.
Vélskipið Stígandi fann á
Húnaflóa í fyrrinótt rekneta
trossu með 40 netum. Virtust
þau vera frá erlendu skipi og af
líkri gerð og þau, sem Rússar
nota. Ekki var vitað um eiganda
í gærkveldi.
Löndun hafin á Skagaslrönd.
I fyrstu hafði ekki verið ætl-
unin að opna verksmiðjuna á
Skagaströnd strax, en þegar séð
var að veiðin er svona vestar-
lega, tók síldarverksmiðju-
stjórnin þá ákvörðun kl. 3 í gær
að leyfa þar löndun með öðrum
krananum fyrst í stað en báðum
eða fulla löndun síðdegis í dag,
ef veiði verður mikil í nótt.
Einn bátur, Mummi, var kom-
inn þangað með síld í gærkveldi
og nokkrir fleiri voru á leiðinni.
Djúpavík.
Verksmiðjustjórinn í Djúpu-
vík, Sigurður Guðjónsson, skýrði
Tímanum svo frá í gær, að
þangað hefðu komið Illugi með
1100 mál, sem hann fékk í tveim-
ur köstum út af Rit í fyrrakvöld,
og gat þó ekki hirt allt úr seinna
kastinu, Sæfinnur með 200 mál
og Páll Pálsson frá Hnífsdal með
400. Höfðu þessar bátar báðir
fengið afla austur af Horni í
gærmorgun. Var Páll Pálsson
með sumt af aflanum í nótabát-
unum, því að sjálfur bar hann
ekki allt. — Pólstjarnan kom
með síld til Djúpuvíkur á þriðju
dag, 206 mál, og var fita þeirrar
síldar 20,5%.
Hásetahlutur á Illuga í þess-
ari veiðiferð mun hafa verið
rúmar 2000 krónur.
Ingólfsf jörður.
Verksmiðjustjórinn á Ingólfs-
firði skýrði svo frá, að þangað
væru komin þrjú skip — Frygg,
sem fékk afla sinn á Húnaflóa-
djúpi, 177 mál, og Smári frá
Hnífsdal með 500 mál og Flosi
frá Bolungarvík með 450 mál.
Tveir hinir síðartöldu voru báð-
ir drekkhlaðnir og höfðu þeir
fengið aflann við Horn.
Söllun leyfð strax.
Þá tók síldarsöltunarnefnd þá
ákvörðun í gær að leyfa söltun
þegar er síld væri söltunarhæf.
Samkvæmt frásögn fréttaritara
Tímans á Siglufirði í gærkveldi,
er síldin sem þangað hefir bor-
izt mjög stór og feit og fullkom-
lega söltunarhæf. Má því búast
við, að síldarsöltun hefjist þá og
þegar. Á Norðurlandi verða um
50 söltunarstöðvar í sumar og
eru þar af sex nýjar.
Nægar tunnur eru í landinu
og einnig salt. Búið er að selja
Frá Aðalfundi Sölumiðslöðvarinnar:
Framleiðsla þessa órs orðin
nærri eins og allt síðastliðið ór
Aðalfundur Sölumiðstöðvar Hraðfrystihúsanna (S. H.)
var haldinn í Breiðfirðingabúð hér í bæ dagana 20. og 21.
júní og fóru þar fram venjuleg aðalfundarstörf, skýrsla
félagsstjórnar var lesin, stjórnarkjör fór fram. Þá voru og
haldin erindi um framleiðslu- og markaðsmál. Á fundin-
um voru mættir fulltrúar nær 50 hraðfrystihúsa, en alls
eru í samtökunum 57 hraðfrystihús víðsvegar á landinu.
Framleiðslan líiil síðasia ár
en fer nú vaxandi.
Fyrsti fundurinn hófst á mið-
vikudag kl. 2 síðdegis með því
að stjórnarformaður Elías Þor-
steinsson, las upp skýrslu fyrir
starfsárið 1950—1951.
I skýrslu sinni gat Elías þess
m. a. að heildarframleiðsla hrað
frystihúsanna innan samtaka
S.H. - hefði s.l. ár orðið 16,800
smál., en það er um þriðjungi
minna en 1949. Stafaði sú minnk
un á framleiðslunni einkum af
því að markaðir voru ótryggir
fyrri hluta árs 1950, og starfs-
grundvöllur varla fyrir hendi
til reksturs hraðfrystihúsanna
vegna ósamræmis á kostnaði
innanlands og .verðlagi á fiski
erlendis.
Elías taldi horfur miklu væn-
legri á þessu ári. Það sem af er
árinu er framleiðsla hraðfrysti-
húsanna orðin nær því eins mik-
il og á öllu árinu 1950. Þá er og
búið að selja og senda úr landi
alla framleiðslu síðasta árs af
hraðfrystum fiski, og 7000 smál.
af þessa árs framleiðslu.
Markaðshorfur góðar í
Bandaríkjunum.
Jón Gunnarsson og Magnús Z.
Sigurðsson erindreki S.H. í Ame-
ríku og Evrópu fluttu skýrslur
um markaðshorfur.
Á þessu ári hefir opnast nýr
geysimikill markaður fyrir hrað
fryst karfaflök í Bandaríkjun-
um. Á síðasta ári voru seld 1600
tonn af karfa þangað, en allar
fyrir fram rúmlega 300 þús tunn-
ur Norðurlandssíldar.
Einar Hálfdáns fullfermdur
til Bolungarvíkur.
Um miðjan dag í gær kom
Einar Hálfdáns með fullfermi
eða um 600 tunnur síldar til Bol-
ungarvíkur, að því er fréttarit-
ari Tímans skýrði blaðinu frá í
gærkveldi.
Síld þessi veiddist í gærmorg-
un um 10 mílur austur af Horni.
Á þessu svæði var mikil síld en
fremur fáir bátar, en þeir, sem
þarna voru, fengu flestir full-
fermi. Þar á meðal voru Flosi,
Smári og Páll Pálsson, sem fyrr
er sagt frá.
Sjómenn mjög vongóðir.
Fráttaritari Tímans á Siglu-
firði sagði, að sjómenn væru tiú
mjög vongóðir um 'veiði. Veður
var hið bezta í gærkveldi og út-
lit fyrir gott veiðiveður í nótt.
Síldarleil úr flugvél hafin.
Reglulegt síldarleitarflug mun
nú hefjast eins og að undan-
förnu. Munu þeir skipstjórarnir
Guðmundur Guðjónsson og
Árni Stefánsson stjórna því
Fiskirannsóknaskip verða einn-
ig á miðunum úti fyrir Norður-
landi og leita þau síldar.
—TÍMINN, 6. júlí
líkur eru til að miklu meira
magn verði selt þangað í ár. Ef
framleiðslan er vönduð, eru lík-
ur til að íslendingum skapist ör-
uggur karfamarkaður í Banda-
ríkjunum. Fiskverð hefir verið
hagstætt vestan hafs.
Þá kaupa Bretar talsvert
magn af hraðfrystum fiski, eink-
um skarkola og lúðu og allmik-
ið af hraðfrystum þorski. I ísrael
hefir einnig skapast góður mark-
aður og eru líkur til, að þangað
megi selja verulegt magn af
hraðfrystum fiski 1 haust.
Viðskipti við Tékkóslóvakíu,
Pólland, Ungverjaland og Aust-
urríki hafa hins vegar minnkað
á árinu. Þessi lönd vilja að vísu
kaupa fisk frá íslandi en örðug-
leikar um kaup á vörum í stað-
inn. M .a. á Landsbankinn all-
stórar inneignir hjá Tékkum,
sem gengur erfiðlega að nota.
Stafar það af því, að áhugi ís-
lenzkra innflytjenda fyrir tékk-
neskum vörum hefir dvínað og
afgreiðsla á vörum þaðan hefir
verið mjög sein og í sumum til-
fellum engin.
Seint 1 gærkvöldi fór fram
stjórnarkjör og var fráfarandi
stjórn endurkjörin. Hana skipa:
Elías Þorsteinsson, formaður,
Ólafur Jónsson, Ólafur Þórðar-
son Óskar Jónsson og Sigurður
Jónsson. Varamenn: Huxley
Ólafsson, Ingvar Vilhjálmsson,
Þórður Ólafsson, Jón Gíslason
og Björn G. Björnsson.
—Mbl. 22. júní
60-70 stúlkur koma,
er bóndinn auglýsti
eftir róðskonu
I vor var mikið framboð á
fólki til sveitastarfa, einkum
kvenfólki og unglingum. Bóndi
af Snæfellsnesi fór í vor til
Reykjavíkur og auglýsti eftir
ráðskonu sumarlangt. Ákvað
hann að sjálfsögðu stað og stund,
þar sem samningar skyldu fara
fram.
Nú rann hin þráða stund upp,
og brá bónda heldur en ekki í
brún, er hann leit yfir söfnuð-
inn, því að komin var löng bið-
röð. Það voru á milli sextíu og
sjötíu konur, sem vildu fá ráðs-
konustöðuna hjá honum. Flestar
voru á aldrinum sextán til
tuttugu og fimm ára, en þó ein
og ein nokkuð farin að reskjast,
og sú elzta sextug.
Eftir nokkurt þóf valdi bónd-
inn eina úr hópnum. En Tíminn
hefir ekki haft spurnir af því,
hvort heppnin hafi verið með í
spilinu, en vonandi sómir sigur-
vegarinn í þessum stóra hópi,
sem keppti um ráðskonustöðuna,
sér vel á heimili hins snæfellska
bónda.
—TÍMINN, 10. júlí
HOWARD T. SPOHN , C. S. CARLSEN FRED W. CAIL
Howard T. Spohn, aðalframkvæmdarstjóri Drewrys Manitobadeildar, Western Breweries Limited,
kunngerir, að Fred W. Cail, sölustjóri hjá Drewry’s, sé í þann veginn að láta af þeirri stöðu.
Eftirmaður hans verður C. S. Carlsen. Mr. Cail hefir starfað í tuttugu og sex ár í þjónustu
Drewry’s sem sölustjóri í Manitoba. Mr. Carlsen kom nýlega til Winnipeg frá Toronto, en þar, og
í Evrópu, gaf hann sig að bílaiðnaði. Meðan á síðustu styrjöld stóð, var hann í röð andspyrnu-
manna í Danmörku og Noregi gegn innrásaröflunum. * * *
* * *