Lögberg - 26.07.1951, Blaðsíða 8

8
LÖGBERG, FIMTUDAGINN 26. JÚLÍ, 1951
Úr borg og bygð
Malreiðslubók
Dorcasfélag Fyrsta lúterska
safnaðar hefir nú til söiu splunk-
urnýja matreiðslubók, er það
hefir safnað til og gefið út; bók
þessi er með svipuðum hætti og
hinar fyrri, vinsælu matreiðslu-
bækur, er Kvenfélög safnaðar-
ins stóðu að; þetta er afar falleg
bók með fjölda gamalla og nýrra
uppskrifta, sem koma sér vel á
hvaða heimili, sem er.
Matreiðslubók þessi kostar
$1.50 að viðbættu 10 centa burð-
argjaldi.
Pantanir, ásamt andvirði,
sendist:
Mrs. A. MacDonald
11 Regal Ave. St. Vital
Sími 205 242
Mrs. H. Woodcock
9 St. Louis Road, St. Vital
Sími 209 078
eða til Columbia Press Limiled.
695 Sargent Ave.
Sími 21 804.
☆
Mr. Tani Björnsson baritón-
söngvari frá Seattle, Wash.,
heldur Söngsamkomu í lútersku
kirkjunni á Gimli á fimtudag-
inn 2. ágúst næstkomandi, kl.
8 e. h., Daylight Saving Time.
Aðgangur 50c. Hann heldur
einnig söngsamkomu í lútersku
kirkjunni í Árborg, og verður
það auglýst síðar hvenær sú
skemtun fer fram; veitið athygli
auglýsingum á hvorum staðnum
um sig.
☆
Látinn er nýlega á Gimli
Thorsteinn Kardal 54 ára að
aldri, mætur maður og vinsæll,
húnvetnskur að ætt; hann lætur
eftir sig konu og börn. Mr. Kar-
dal starfaði mikið að hagsmuna-
málum fiskimanna og var for-
maður félagsskapar þeirra í
fylkinu; meðal systkina hans er
Ólafur N. Kardal tenórsöngvari.
☆
Miss Florence Jóhannson er
nýkomin heim eftir þriggja
vikna dvöl í Austur-Canada, þar
sem hún meðal annars sat þing
útsæðis-sérfræðinga í Guelph,
Ont. Einnig heimsótti hún syst-
ur sína og tengdabróður, sem
búsett eru að Exeter í Ontario-
fylki.
Miss Theodora Herman er um
þessar mundir stödd í heimsókn
suður í Duluth, Minn.
☆
Ferðafélagið The V i k i n g
Travel Service, sem Gunnar
Paulson hefir veitt forustu,
gengur nú undir nafninu Viking
World Travel Service, Inc., og
hefir félagið aðalskrifstofu að
The Hotel Belmont Plaza, 541
Lexington Avenue 49th Street —
Plaza 5 — 8687 New York.
☆
Mr. John Johnson frá Vogar,
Man., var staddur í borginni í
fyrri viku, ásamt frú sinni og
tveimur sonum.
☆
Frú Auróra Taylor frá Ed-
monton, var stödd í borginni á
fimtudaginn vaí ásamt tveimur
börnum sínum éC leið norður til
Gimli í heimsókn til föður síns,
Mr. Sigurjóns ísfeld.
☆
Mr. Chris Halldórsson þing-
maður St. George kjördæmis,
var staddur í borginni um miðja
fyrri viku.
☆
TAKIÐ EFTIR!
Nýjar íslenzkar hreyfimyndir
verða sýndar á Islendingadaginn
að Gimli að kvöldinu. — Einnig
verður hinn ágæti Baritone-
söngvari, Elmer Nordal sólóisti
fyrir karlakórinn og syngur einn
ig nokjcra einsöngva á íslenzku
og ensku.
☆
Frú Ingibjörg Jónsson fór
norður til Mikleyjar á mánu-
dagskvöldið og mun dvelja þar
í vikutíma.
☆
I byrjun fyrri viku kom hing-
að til borgar hr. Sveinbjörn
Sveinbjörnsson verkstjóri hjá
rafveitu Reykjavíkur, og einnig
viðriðinn Sogsvirkjunina;
hann dvaldi nálægt þriggja
mánaða tíma hjá Westinghouse
félaginu í New Jersey og eins
um hríð í Wisconsin; foreldrar
hans voru þau Sveinbjörn
Björnsson skáld frá Narfakoti á
Vatnsleysuströnd og Þórkatla
Sigvaldadóttir frá Á s b ú ð í
Hafnarfirði. Sveinbjörn dvelur
hér fram yfir Islendingadaginn
á Gimli; hann er til heimilis hjá
þeim Mr. og Mrs. Jón Gauð-
laugson.
Þann 29. júní síðastliðinn voru
gefin saman í hjónaband í
Fyrstu lútersku kirkju, þau
Miss Olive Hannesson og Mr.
John Topp; brúðurin er einka-
dóttir þeirra Mr. og Mrs. T.
Hannesson hér í borg, en brúð-
guminn sonur Mrs. Topp og
manns hennar C. R. Topp, sem
nú er látinn.
Séra Valdimar J. Eylands
framkvæmdi hjónavígsluathöfn-
ina. Svaramenn voru Miss
Shirley Hammond og Mr. Alec
Topp. — Framtíðarheimili ungu
hjónanna verður hér í borginni.
☆
Frú Lára Sigurdson frá Van-
couver, er nýlega komin hingað
til borgar og dvelst hér um slóð-
ir nálega þriggja vikna tíma;
hún brá sér norður í Árborg og
Riverton, þar sem hún af fyrri
ára dvöl á margt vina; frú Lára
er dóttir Elíasar Elíassonar tré-
smíðameistara í Vancouver, sem
nú er staddur hér í borginnj.
Vöruskiptin
óhagsfræð um rúml.
50 millj. kr.
Útflutningur 80 millj. kr.
meiri en í fyrra
f u___________
Vör uskipta j öf nuð ur inn eftir
fyrstu fimm mánuði þessa árs, er
óhagstæður um 52.5 milljónir
króna, en á sama tíma í fyrra
orðinn óhagstæður um 56,5 mill-
jónir króna. Hagstofan birti í
gær þessar niðurstöðutölur vöru
skiptanna.
Maí nú og í fyrra
I maímánuði einum varð vöru-
skiptaj öfnuðurinn óhagstæður
um 22,7 millj. kr. — Þá nam
heildarverðmæti útfluttrar vöru
57,8 millj. kr., en innflutrar 80,6
milljónir. I maí í fyrra varð út-
flutningurinn 51,8 millj. kr. og
innflutningur 49,2 millj.
Rúmlega 80 millj. kr. meiri
útflulningur
Vöruskiptajöfnuðurinn í maí
lok var orðinn óhagstæður um
52,5 miiljónir kr., sem fyrr segir.
Verðmæti innfluttrar vöru á
þessu tímabili nemur 299,6 millj.
kr. og útflutrar vöru 247,0 millj.
kr. Frá áramótum til maíloka í
fyrra nam innflutningurinn 221.8
rnillj. kr ., og útflutningurinn
165,3 millj. kr. —Mbl. 7. júli
KAUPENDUR LÖGBERGS
Á ÍSLANDI
Gerið svo vel að senda mér sem fyrst greiðslu fyrir
yfirstandandi árgang Lögbergs, kr. 75.00. Dragið
ekki að greiða andvirðið. Það léttir innheimtuna.
Æskilegt að gjaldið sé sent í póstávísun. Þeir tam
eiga ógreidda eldri árganga, eru vinsamlega beðnir
að snúa sér til mín.
B J 0 R N GUÐMUNDSSON
BÁRUGATA 22 REYKJAVÍK
íslendingadagurinn
haldinn að
SILVER LAKE, WASHINGTON
5. ágúst 1951
SEATTLE, WASHINGTON
klukkan 2 e. h. Daylight Saving- Time
Forseti dagsins Söngstjóri
P. J. FREDRICKSON SÉRA E. H. SIGMAR
The Star Spangled Banner
Ó, Guð vors lands
SKEMTISKRÁ:
H. E. Magnússon býður gesti velkomna
Einsöngur..............MRS. E. H. SIGMAR
Ræða á íslenzku - - - - SÉRA E. H. FÁFNIS
Einsöngur.................SÉRA E. H. SIGMAR
Accordian Band - SIG. THORLÁKSON
Einsöngur - - - - DR. EDWARD PÁLMASON
Ræða á ensku..............SÉRA E. H. SIGMAR
Einsöngur..............- SÉRA E. H. FÁFNIS
Eldgamla ísafold — God Bless America
íþróttir kl. 3.30 e. h. Dans frá kl. 6.30 til kl. 9.30
HOT DOGS — HAMBURGER
Kaffi fríít allan daginn
Nefndin:
IV J. FREDRIQKSON, K. THORSTEINSON, J. .1, MIDDAL, JÓN
MAGNOSSON, w. kristjanson, steve johnson, lincoln
JÓHANNSON, EINAR p. GUÐJOIINSEN
Flag Presenfation
Sunday July 22nd saw another
one of these happy occasions
when the Sunrise Lutheran
Camp is made aware of having
friends and supporters when it
was honored by a visit of officers
and members of the Jón Sigurð-
son Chapter of the I.O.D.E. who
came there to present to the
Camp a Flag with a flag staff
that had been erected on the
grounds during the week.
The dedication ceremony was
performed by its Regent Mrs. B.
S. Benson assisted by the Rev.
Harald S. Sigmar who gave the
dedication prayer. Mr.s J. B.
Skaptason honorary Vice-Regent
then hoisted the flag on the staff.
Mrs. H. A. Gray, president of
the Lutheran Women’s League
accepted this most appropriate
gift on behalf of the League and
left no doubt in the minds of the
donors of the appreciation of the
League and the Camp Board for
their friendly and substantial
interest toward the Camp.
On tHe invitation of the camp
director, Mrs. Ingibjörg Olafsson,
refreshments were served in the
camp’s dining room to all guests
present.
The day was bright and ideal
weather favored this pleasant
and patriotic occasion. —S.O.B.
Skoti nokkur ákvað að kasta
hlutkesti um það, hvort hann
skyldi gefa konu sinni kjól eða
ekki. Hann varð að kasta ellefu
sinnum, áður en nei kom upp.
Giftingar
Gefin voru saman í hjóna-
band 15. þ. m., af séra Skúla
Sigurgeirssyni í Lútersku kirkj-
unni að Kandahar, þau Andrés
Anderson og Ellin Aldís Auch-
staetter, bæði til heimilis í
Kandahar. Brúðguminn er son-
ur Sigtryggs Andersonar og
Soffíu Einarssonar konu hans.
Brúðurin er dóttir Charles
Auchstaetter og Kristínar Björn-
sonar konu hans. Mrs. Hamilton
og dóttir hennar aðstoðuðu
brúðurina, Mrs. Hamilton er
systir brúðarinnar; og Björn
stóð upp með bróður sínum. Miss
Johnson var við hljóðfærið og
Miss Hamilton söng einsöng.
Norm bróðir brúðarinnar og
Sigurður bróðir brúðgumans
vísuðu til sætis.
Að giftingunni afstaðinni var
setin vegleg veizla á heimili for-
eldra brúðarinnar. Séra Skúli
mælti fyrir minni brúðarinnar.
Ungu hjónin tóku sér ferð á
hendur vestur um land. Fram-
tíðarheimili þeirra verður að
Kandahar.
☆
Gefin voru saman í hjónaband
þann 17. þ. m., þau William
Henry Blackport og Guðrún
Kristbjörg Reykdal, af séra
Skúla Sigurgeirssyni. Giftingin
fór fram á heimili foreldra brúð-
arinnar, sem er skamt frá bæn-
um Dafoe. Brúðguminn er son-
ur Mr. og Mrs. J. Blackport að
Lockwood, Sask. Brúðurin er
dóttir Jóns heit. Ásgrímssonar
Reykdals og ekkju hans, Jónínu
Kristjönu Gíslason. Mr. og Mrs.
Robert Smith aðstoðuðu brúð-
hjónin.
Eftir giftinguna voru bornar
fram rausnarlegar veitingar. —
Séra Skúli mælti fyrir minni
brúðarinnar.
Brúðhjónin fóru í ferðalag
vestur um fylki. — Framtíðar-
heimili þeirra mun verða að
Lockwood, Sask.
Hún: — Aður en við giftumst
kallaðir þú mig alltaf engil, en
nú kallar þú mig ekki neitt.
Hann: — Það sýnir að ég get
stillt skap mitt.
Skógrækt
Suðurnesja
og fleira
1 frétt af aðalfundi Skógrækt-
arfélags Suðurnesja, er birt var
hér í blaðinu fyrir skömmu var
minnst lítillega á nauðsyn þess-
að friða Reykjanesskagann. —
Flutningsmaður tillögunnar var
Egill Hallgrímsson, en hún var
svohljóðandi:
„Aðalfundur Skógræktarfélags
Suðurnesja haldin í Alþýðuhús-
inu í Keflavík, miðvikudaginn
16. maí, ályktar að fela stjórn fé-
lagsins að beita sér nú þegar fyr-
ir friðun Reykjanesskagans.
Einnig heitir fundurinn á alla
Suðurnesjamenn að vinna ótul-
lega að framgangi þessa máls.
Fundurinn vill jafnframt vek-
ja athygli á því, að við friðun
Reykjanesskagans myndu skap-
ast auknir möguleikar til þess
að koma þar upp viðáttumiklum
nytjaskógi, trjáræktarstöðvum
og skrúðgörðum heima í byggðar
lögum Suðurnesja“.
Aðrar ályktanir fundarins
varðandi skógræktarmál voru
þessar:
„Aðalfundur Skógræktarfélags
Suðurnesja haldinn miðvikudag-
inn 16. maí 1951, beinir þeirri
áskorun til stjórnar félagsins, að
hún haldi svo fljótt sem unnt er
útbreiðslufundi og sýndar verði
fræðslu- og skógræktar myndir í
sambandi við þá.
Enn fremur beinir fundurinn
þei^n tilmælum til félagsstjórn-
arinnar, að hún athugi færi á
því, að tekin verði kvikmynd af
gróðursetningu trjáplantna og
fögrum stöðum á_ Suðurnesjum,
þar eð slík mynd yrði mikilvæg-
ur þáttur í útbreiðslustarfsemi
félagsins og merkileg heimild
síðar“.
„Aðalfundur Skógræktarfélags
Suðurnesja 1951, telur æskilegtr
að félagið hafi eigið land
til skógræktar og felur því
stjórn félagsins að útvega það.
Vill fundurinn benda félags-
stjórninni á land til afnota sunn-
an skógræktargirðingarinnar við
Háa-Hialla“. —Mbl. 14 júlí
MESSUBOÐ
Fyrsta Lúterska Kirkja
Séra Valdimar J. Eylands.
Heimili 686 Banning Street. Sími
30 744.
Guðsþjónustur á hverjum
sunnudegi:
Á ensku kl. 11 f. h.
Á íslenzku kl. 7 e. h.
Sunnudagaskóla kl. 12.15 e. h.
Allir ævinlega velkomnir.
☆
Lúterska kirkjan í Selkirk
Sunnudaginn 12. ágúst:
Ensk messa kl. 11 árd.
íslenzk messa kl. 7 síðd.
Allir boðnir velkomnir!
S. Ólafsson
☆
Messur við Manitobavatn
Sunnudaginn, 29. júlí
Silver Bay kl. 2 e. h. á ensku
Oak View kl. 3.30 e.h. á ensku
Vogar kl. 7.30 e.h. á íslenzku
Allir boðnir velkomnir!
Skúli Sigurgeirson
☆
— Gimli Lutheran Parish —
Harald S. Sigmar, prestur
Sunnd. 29. júlí:
9:00 a.m Betel
11:00 a.m. Gimli, á ensku
1:30 p.m. Árnes, á ensku
3:00 p.m. Riverton, á ensku
7:00 p.m. Gimli á ensku.
Allir æfinlega velkomnir!
GIMLI FUNERAL HOME
51 First Avenue
Ný útfararstofa meS þeim full-
komnasta útbúnatSi, sem völ er
á, annast viröulega um útfarir,
selur líkkistur, minnisvaröa og
Íegsteina.
Alan Couch, Funeral Director
Phone—Business 32
Residence 59
ISLENDINGADACURINN
í GIMLI PARK
MÁNUDAGINN 6. ÁGÚST, 1951
F O R S E T I, Séra V. J. Eylands —--F.JALLKONA, Frú Ingibjörg Jónsson
HIRÐMEYJAR
Mrs. Eline MacLachlan Smith-Miss Jóhanna Nielsen
Skemmtislcrá hefst kl. 2 e. h. Daylight Saving Time
SKEMMTISKRÁ:.
íþróttir byrja kl. 11 f. h.
1. O Canada (Karlakórinn og allir syngja)
2. Ó, Guð vors lands (Karlakórinn og
allir syngja)
3. Forseti, Séra V. J. Eylands, setur
hátíðina
4. Karlakórinn syngur undir stjórn A. A.
Anderson /
5. Ávarp Fjallkonunnar, Frú Ingibjörg
Jónsson
6. Einsöngur, Elmer Nordal
7. Ávarp gesta
8. Karlakórinn syngur, Gunnar Erlends-
son við hljóðfærið
9. Minni íslands, ræða, Björn Jónsson,
læknir, frá Baldur, Man.
10. Minni íslands, kvæði, Trausti G. Isfeld
frá Selkirk, Man.
11. Einsöngur, Elmer Nordal, tvö íslenzk
lög
12. Minni Canada, ræða, W. M. Benidick-
son, M.P. frá Kenora, Ont.
13. Minni Canada, kvæði, Gus. Sigurðson,
frá Vancouver, B.C.
14. Karlakórinn.
15. God Save the King
Skrúðganga að landnema minnisvarðanum, Fjallkonan leggur á hann blómsveig. —
Community Singing, kl. 8 undir stjórn Paul Bardal, M.L.A. Kl. 9 dans í Gimli Pavilion,
Jimmy Gowler Orchestra spilar fyrir dansinum. Aðgangur í skemmtigarðinn 50 cenK
fyrir fullorðna en frítt fyrir börn innan 12 ára. Aðgangur að dansinum 75 cent.
Gjallarhorn góð. Special Train fer frá Winnipeg kl. 9 f. h. Fer frá Gimli kl. 12 á
miðnætti. íslenzkar hljómplötur, nýkomnar. frá íslandi, verða spilaðar að morgninum
og þegar hlé er áður en Community söngurinn byrjar. — Allur tími miðaður við
Daylight Saving Time. — Nýjar kvikmyndir frá íslandi verða sýndar að kvöldinu.