Lögberg - 18.07.1957, Blaðsíða 1

SAVE MONEYI ,
uae
LALLEMAND
quick rising
DRY YEAST
In Y* Lb. Tlns
Makes the Finest Bread
Available at Your Favorlte
Grocer
SAVE MONEYl
11S6
LALLEMAND
quick rising
DRY YEAST
Ln V4 Tlns
Makes the Finest Bread
Avallable at Your Favorite
Grocer
70. ÁRGANGUR
WINNIPEG, FIMMTUDAGINN 18. JÚLÍ 1957
NÚMER 29
Fréftir frá ríkisútvarpi íslands
íslendingadagurinn á Gimli
— 25. JÚNÍ 1957 —
Ríkisstjórnin hefir haft for-
göngu um smíði 12 nýrra fiski
skipa ,sem eru samtals 3000
rúmiestir, og bætast þau í
flota íslendinga á þessu ári.
Þau eru smíðuð í Austur-
Þýzkalandi og verða búin til
togveiða, síldveiða, línu- eða
netaveiða. Auk þess hefir ver-
ið gengið endanlega frá kaup-
um á 5 nýjum fiskibátum,
einnig frá Austur-Þýzkalandi,
amtals 375 rúmlestir. Hjálmar
R. Bárðarson hefir teiknað öll
skipin og gert smíðalýsingar.
Sjávarútvegsmálaráðherra
hefir einkum haft þessi mál
með höndum af hálfu ríkis-
stjórnarinnar, en samningar
voru gerðir af hlutafélaginu
DESA í Reykjavík. Minni
skipin verða tilbúin til heim-
siglingar á þessu sumri. —
Stærr/skipin verða 240 til 250
brúttó-rúmlestir en hin minni
75.
☆
30. JÚNÍ
Sænsku konungshjónin —
Gústaf sjötti Adólf konungur
Svíþjóðar og Louise drottning
— komu til Islands í gær í
opinbera heimsókn. Flugvél
þeirra, Arngrim víking, lenti
á Reykjavíkurflugvelli klukk-
an 15 eins og fyrirhugað var.
Með þeim er meðal annara
Undén utanríkisráðherra. —
Forsetahjónin, herra Ásgeir
Ásgeirsson og frú Dóra Þór-
hallsdóttir, tóku á móti kon-
ungshjónunum við flugvélina
og kynntu þau fyrir ráðherr-
um. Síðan var ekið til Ráð-
herrabústaðarins, þar sem
konungshjónin munu búa
meðan á heimsókn þeirra
stendur. Reykjavík var fán-
um skrýdd og móttakan hin
hátíðlegasta.
1 gær sátu konungshjónin
og fylgdarlið þeirra veizlu
forseta íslands að Hótel Borg.
Þar fluttu forseti og konungur
ræður.
Forseti þakkaði ágætar við-
tökur, er forsetahjónin hefðu
fengið, er þau voru gestir
sænsku konungshjónanna fyr-
ir tæpum þrem árum og minnt
ist heimsóknar konungs til ís-
lands á Alþingishátíðina, sem
króriprins Svía. Þá hefðu Is-
lendingar hlotið að gjöf frá
Svíum safn allra þeirra bóka,
er Island varða og gefnar
hefðu verið út í Svíþjóð, og í
mörg ár uppfrá því hefðu Is-
lendingum borizt verðmætar
gjafir gamalla íslenzkra bóka
og sænskra. „Þær vinargjafir
voru að vísu nafnlausar, en
•oss renndi grun í hvaðan þær
voru komnar, og beinum nú
þakklæti voru til yðar, herra
konungur11, sagði forseti. „ís-
lendingar eru minnugír þess-
arar fyrstu viðkynningar, og
fagna nú í senn gömlum vini
og Svíakonungi. Oss er það
einnig fagnaðarefni að henn-
ar hátign, Louise Drottning,
sækir oss nú heim í fyrsta
sinn, og jninnumst ágætrar
viðkynningar í hennar heima-
landi“, sagði forseti. Hann
sagði einnig: „Nú á síðustu
áratugum er troðin gata á
milli þessara tveggja bræðra-
þjóða. Grasið grær ekki leng-
ur í götunni. Og vér höfum
mikla þökk að gjalda fyrir
hönd íslenzkra námsmanna,
fræðimanna og íslenzks at-
vinnulífs fyrir heillarík skipti
við hávelborna sænska menn-
ingu. Menning Svíþjóðar er
háreist og fjölskrúðug eins og
landið sjálft.“ Loks mælti for-
seti: „Ég hef þegar þakkað
herra konunginum og sænsku
þjóðinni gjafir og góða hluti.
En það sem ég vildi bæta við
líkt og Gunnar sagði við
Njáíl „Góðar eru gjafir þínar,
en þó met ég meir vináttu
þína og sona þinna.“
Konungur þakkaði hlýleg
orð forseta og glæsilegar mót-
tökur í dag, er gleðja myndu
alla sænsku þjóðina, konung-
ur kvaðst minnast heimsókn-
ar íslenzku forsetahjónanna
til Svíþjóðar með óblandinni
ánægju. Konungur sagði að
enda þótt liðin væru 27 ár
síðan hann heimsótti ísland í
fyrsta-sinn, væru honum enn
í fersku minni hin sterku áhrif
frá íslenzku þjóðinni, virðu-
legum þjóðarerfðum hennar
og hinni sérkennilegu og
hrikalegu náttúrufegurð lands
ins, og sér hefði verið það til-
hlökkunarefni að efna að
nýju til presónulegra kynna
af íslandi. Konungur kvaðst
einkum vilja leggja áherzlu á
þá miklu þakkarskuld, er
Svíar ættu Islendingum að
gjalda, að því er snerti þýð-
ingu íslenzks skáldskapar og
sagnritunar fyrir þjóðarvit-
und annarra norrænna þjóða.
„Hefði eigi Snorra Sturluson-
ar notið við, væri fróðleikur
vor Svía um fornsögur þjóðar
vorrar mjög í molum“, sagði
konungur. „Þessi mikla sagna-
ritun hefir haft þýðingu fyrir
heim allan. Það verður ekki
gengið á hlut annarra nor-
rænna bókmennta, þótt sagt
sé, að ísland hafi lagt af mörk-
um eitthvað þýðingarmesta
f r a m 1 a g Norðurlanda til
heimsbókmenntanna“, sagði
konungur. Hann gat þess og,
að það hefði verið Svíum mik-
ið fagnaðarefni, er hinn mikli
nútímaskáldsagnahöfundur
Islendinga, Halldór Laxness,
hefði fengið bókmennta-
verðlaun Nóbels fyrir tveim
árum. Einnig sagði konungur,
að hinn vakandi áhugi Islend-
inga á bókmenntum sínum
ætti tæplega sinn líka með
nokkurri annarri þjóð. Loks
sagði konungur, að heimsókn
hans og drottningar væri tákn
Deirrar óskar sænsku þjóðar-
innar að styrkja og auka vin-
áttutengslin milli þjóðanna og
óskaði hann Islandi bjartrar
og hamingjuríkrar framtíðar.
☆
30. JÚNÍ
I dag heimsóttu sænsku
konungshjónin háskólann,
Þjóðminjasafnið og Listasafn
ríkisins, síðan hlýddu þau
messu í Bessastaðakirkju,
snæddu hádegisverð með for-
setahjónunum að Bessastöð-
um og síðdegis var móttaka
hjá Reykjavíkurbæ í Mela-
skólanum. I kvöld er hátíða-
sýning í Þjóðleikhúsinu, sýnt
er Gullna hliðið eftir Davíð
Framhald á bls. 4
íslendingadagurinn á Gimli,
5. ágúst n.k., sá 68., verður ef-
laust ekki síztur af bræðrun-
um. Hann á að byrja með bíla-
skrúðför, sem vonast er til að
margir verði þátttakendur í.
Verðlaun verða gefin fyrir
fegurstu vörubílg í flotanum í
skrúðförinni; þ.e. fyrstu, önn-
ur og þriðju verðlaun. Mælist
nefndin til þess að sem flest
verzlunarfélög taki þátt í þess-
um þætti með því að skrýða
vörubíla sína til þátttöku í
flotanum.
Forseti dagsins verður Eric
Stefánsson, verzlunarstjóri á
Gimli. Vita þeir, sem hann
þekkja að ekkert verður látið
ógjört til þess að dagurinn
verði okkur til ánægju og
sæmdar.
Fjallkona dagsins verður
■ frú F. E. Scribner á Gimli, og
hefir nefndin áreiðanlega ver-
ið heppin í vali hennar, eins
og ávalt áður.
Ræða fyrir minni Islands
verður flutt af séra Benjamín
Kristjánssyni, presti Grundar-
þinga í Eyjafirði, og þá önnur
ræða fyrir minni Canada flutt
af Stefáni Hansen, sem er einn
af yfirmönnum Great-West
Life félagsins og einnig Mem-
ber of the Royal Commission
on Education in Manitoba. —
báðir þessir ræðumenn svo
vel þektir, að hér er ekki þörf
á að örðlengja um þá. Skáld
dagsins, Franklin Johnson, frá
Árborg, flytur frumsamið'
kvæði fyrir minni Islands. Þá
er ekki sízt þess að geta að
Karlakór Scandinava, undir
stjórn Arthurs ‘Andersons,
fyrverandi forseta Viking
Club, syngur þar íslenzka
söngva, og að kvöldinu verður
samsöngur, sem ávalt hefir *
verið vinsæll á Islendinga-
dögum. I þetta sinn syngja
þær Johnsons-systur frá Ár-
borg við þessa kvöldskemmt-
un og spáir það vel fyrir þeirri
kvöldstund.
Margt fleira verður til
skemmtunar og þar á meðal
myndasýning. — íþróttasam-
keppni dagsins verður opin
hverjum sem vill taka þátt í
henni. Verðúr keppt um Ouds-
sons skjöldinn og Hanson
bikarinn eins og fyr. íþrótta-
keppni fyrir börn verður með
líku sniði og verið hefir áður.
Svo verður auðvitað dans á
eftir, bæði fyrir unga og aldna,
í danssal listigarðsins og er
naumast hægt að hugsa sér á-
nægjulegri endálok eins dags,
en þau að líða í dansi undir
ljftfum tónum góðrar hljóm-
sveitar.
Þetta er nú bara stutt yfir-
lit, en ef það er vel athugað
ofan í kjöl-inn inunu menn
finna, að hér er í vændum
efnisrík og athyglisverð sam-
koma. S. E. B.
Mannskæð hitabylgja
Geisileg hitabylgja hefir
skollið yfir Norðurálfuna á
ýmissum stöðum undanfarna
daga, svo sem á Italíu og
Frakklandi, þar sem á þriðja
hundrað manns hafa látið lífið
af völduih sólstings; elztu
menn muna ekki ofsahita
líkan þessum.
I Danmörku ríktu um sömu
mundir afskaplegir hitar, er
ollu víðtækum skemdum á
uppskeru af öllum tegundum
vítt um landið.
Góð tíðindi
Þau góðu tíðindi hafa Lög-
bergi borizt frá Reykjovík, að
uppgripa síldarafli sé 1 a
flestum- miðum umhverfis
landið, og verðlág hið bezta.
Kirkjuþingið 1957
Það mun allra manna mál, þeirra er til þekkja, að hið
73. ársþing Hins ev. lút. kirkjufélags íslendinga í
Vesturheimi, sem haldið var í Mountain prestakalli,
dagana 23.—26. júní, hafi verið einhver hin allra
ánægjulegasta samkoma af því tagi, sem haldin hefir
verið á síðari árum. Margt stuðlaði að þessu: mikil
veðurblíða, frábær undirbúningur og gestrisni heima-
fólks, bæði safnaða og prests. En fagnaðarefnið mesta
var þó það að sjá kirkjufélaginu bætast þeir starfs-
kraftar, sem myndin að ofan ber vitni. Myndin sýnir
(frá vinstri til hægri) séra John Fullmer, Gimli, séra
J. Oscar Larsen, Árborg, séra Clifford Nelson, Seattle,
séra Edward Day, Selkirk, séra Albert Neubauer,
Blaine, Washington. Að framan stendur Laufey Olson
við hlið fráfarandi forseta. Frú Laufey er nýútskrifuð
af Djáknaskóla sameinuðu lút. kirkjunnar, og helgar
alla krafta sína kristile^um uppeldis- og fræðslu-
máíum. Hún starfar 1 Árborg—Riverton presta-
kallinu í sumar.