Lögberg - 19.09.1957, Blaðsíða 4

I
LÖGBERG, FIMMTUDAGINN 19. SEPTEMBER 1957
Lögberg
Oefið út hvern fimtudag af
THE COLUMBIA PRESS LIMITED
303 KENNEDY STREET, WINNIPEG 2, MANITOBA
Utanáskrift ritstjórans:
EDITOR LÖGBERO, 303 Kennedy Stree, Winnipeg 2, Manitoba
Ritstjóri: EINAR P. JÓNSSON
Skrifstoíustjóri: INGIBJÖRG JÓNSSON
Verð $5.00 um árið — Borgist fyrirfram
“Lögberg” is published by Columbia Press Limited,
303 Kennedy Street, Winnipeg 2, Manitoba, Canada
Printed by Columbia Printers
Authorized as Second Class Mail, Post Office Department, Ottawa
WHitehall 3-9031
Nýr utanríkisróðherra
Síðastliðinn föstudag, tókst dr- Sidney Smith á hendur
forustu utanríkismálanna í Diefenbaker-ráðuneytinu og lagði
skömmu seinna af stað til New York á ársþing sameinuðu
þjóðanna; fram að þeim tíma fór Mr. Diefenbaker með utan-
ríkismálin jafnhliða forsætisráðherraembættinu, og mun þá
brátt hafa sannfærst um, að fáir kunni tveimur herrum að
þjóna svo vel sé. Hinn nýi utanríkisráðherra er lögfræðingur
að sérmentun, þótt eigi hafi hann gefið sig við lögfræðilegum
störfum svo teljandi sé; forusta fræðslumála hefir verið hans
megin verkefni.
Dr. Smith er íbúum þessa fylkis að góðu kunnur frá
þeim tíma, er hann gegndi rektorsembætti hér við háskólann;
hann kom að háskólanum á tímum alvarlegrar kreppu og
átti giftudrjúgan þátt í því að rétta við fjárhag hans, enda
fer honum umboðsstjórn ágætlega úr hendi; hans var alment
saknað er hann hvarf frá háskólanum og kvaddi bæjarfélagið
og fylkið.
Síðan dr. Smith fór héðan hefir hann veitt forustu
Torontoháskóla við góðan orðstír og vinsældir; hann er vin-
veittur íslendingum og taldi það heillavænlegt spor, er ís-
lenzka mannfélaginu lánaðist að koma á fót kenslustól í
íslenzku og íslenzkri bókvísi við Manitobaháskólann-
Dr. Smith er eftirsóttur ræðumaður, hann er maður bráð-
fyndinn, en á það líka til að vera kaldhæðinn ef því er að
skipta; hann hefir ávalt látið sér ant um stjórnmál frá því á
æskuárum og jafnan flylt flokk íhaldsmanna; um eitt skeið
stóð honum til boða forusta íhaldsflokksins, en eins og þá
hagaði til, og alt var í grænum sjó varðandi kosningahorfur,
mun honum ekki hafa þótt árennilegt að leggja út á djúpið.
Ekki þykir líktlegt að mikil breyting verði fyrst um sinn
á stefnu núverandi stjórnar í utanríkismálunum, og víst er
um það, að hinn nýdubbaði utanríkisráðherra hefir þegar
lýst yfir því, að hann muni í meginatriðum feta í fótspor
fyrirrennara síns í embætti.
Sæti Mr. Pearsons verður engan veginn auðfylt, því svo
þótti hann mikill fyrir sér á alþjóðaþingum, að stórblaðið
Manchester Guardian taldi hann hæfasta og áhrifamesta utan-
ríkisráðherrann, sem þá væri uppi.
Vonandi er að dr. Smith, sem er þjóðkunnur gáfumaður,
reynist í öllu þeim vanda vaxinn, sem honum nú hefir fallið í
skaut canadisku þjóðinni til framtíðarheilla.
» Einn hinna nýkjörnu íhaldsþingmanna frá Ontario hefir
látið af þingmensku til þess að dr. Smith geti leitað kosningar
í því kjördæmi.
★ ★ ★
Fréttir frá starfsemi S. Þ.
Framhald af bls. 1
Fyrstu árin voru þátttöku-
ríkin aðeins 50, síðan fjölgaði
þeim smátt og smátt upp í 60
og stóð á þeirri tölu lengi. Nú
eru þátttökuríkin sem kunn-
ugt er 81 og líkindi eru til að
þeim fjölgi enn. í þessu sam-
bandi hefir verið talað um, að
Öryggisráðið sé of fámennt,
en þar sitja fulltrúar 11 þjóða.
Sama er að segja um aðra
meginstofnun Sameinuðu
þjóðanna, Efnahags- og félags-
málaráðið. Þar sitja nú full-
trúar 18 þjóða. Loks hefir
verið rætt um að fjölga bæri
dómurum Alþjóðadómstólsins,
en þeir eru nú 15-
Til þess að framkvæma
slíkar breytingar þarf að
breyta stofnskrá Sameinuðu
þjóðanna og mun þingið taka
til athugunar hvart það sé
ráðlegt.
Komi ekkert óvænt fyrir er
gert ráð fyrir að Allsherjar-
þingið sitji til jóla.
----0---
GOTT ÚTLIT FYRIR BÍLA-
FRAMLEIÐSLUNA
í EVRÓPU
Stálframleiðslan í heimin-
um reyndist meiri 1956 en húrí
hefir nokkru sinni verið áður.
Átti þetta einnig við um stál-
framleiðsluna í Evrópulönd-
unum, þar sem gott útlit er
fyrir að bifreiðaframleiðslan
og skipasmíðar haldi áfram að
aukast og blómstra að minnsta
kosti næstu fimm árin. Þessar
upplýsingar er að finna í
skýrslu, sem Efnahagsnefnd
Sameinuðu þjóðanna fyrir
Evrópu (ECE) hefir nýlega
birt um stálframleiðsluna í
Evrópulöndunum.
Frá því 1949, segir í skýrsl-
unni, hefir stálframleiðslan í
Evrópu aukizt jafnt og þétt
með ári hverju. Sú varð og
reyndin 1956, þótt aukningin
hafi orðið hægfarari en áður
var. Ástæðan fyrir því er vafa
laust hráefnaskortur. Allt árið
varð vart skorts framleiðslu-
hráefnis, sem notað er til stál-
gerðar, einkum reyndist erfitt
að útvega nægjanlpgt koks.
Það hjálpaði, að hægt var að
útvega hráefni frá Ameríku
og auk þess fluttu Evrópu-
löndin inn járn frá Sovétríkj-
unum, sem nam 600,000 smá-
lestum. Án þessa innflutnings
er ólíklegt, að tekizt hefði að
halda stálframleiðslu álfunn-
ar í horfinu árið sem leið.
Litlar verðlagsbreytingar
Tiltölulega litlar breytingar
urðu á verðlagi stáls á árinu,
segir í skýrslu ECE. Þó mátti
marka, að tilhneygingar voru
í þá átt að hækka verðið og
óvíst er hve lengi tekst að
halda verðlaginu niðri.
Það sem vekur hvað mesta
athygli í stálverzlun álfunnar
s.l. ár er að Bretar hafa flutt
inn meira stál en þeir hafa
flutt út og er það í fyrsta sinni
síðan 1952 að það kemur fyrir.
Aukin stálverzlun milli
Vestur- og Austur-Evrópu
Þá þykir það einnig tíðind-
um sæta, að stálverðlun hefir
aukizt milli þjóðanna í Vestur
og Austur-Evrópu. Einkum
hefir útflutningur stáls aukizt
frá Tékkóslóvakíu, Póllandi
og Sovétríkjunum.
Vestur-Evrópuríkin fluttu
talsvert meira út af stáli til
Bandaríkjanna árið sem leið
en þau hafa gert áður. Stafar
það af verkfalli stáliðnaðar-
manna í Bandaríkjunum.
Þá hefir stálútflutningur frá
Evrópu til Austurlanda aukist
til muna, einkum til Indlands,
Japan og Kína. í þessum lönd-
um er mikil ^ eftirspurn eftir
stáli-
Góð framiíð fyrir höndum
Bifreiðaframleiðendur eru
enn stærsti stálnotandinn í
Evrópu og er útlit fyrir að
svo verði enn um hríð, segir í
skýrslu ECE. Jafnvel þótt
ekki sé hægt að gera sér vonir
um aukinn bílaútflutning til
Bandaríkjanna frá Evrópu frá
því sem nú er, þá er eftirspurn
eftir nýjum bílum það mikil
innan Evrópu sjálfrar, að gera
má ráð fyrir að bílaframleið-
endur geti haldið núverandi
framleiðslu, eða aukið hana
næstu 5—10 árin. Það hefir
komið í ljós, að tekjur ein-
staklinga eru hlutfallslega
jafnmiklar í mörgum Evrópu-
löndum og tekjur manna í
Bandaríkjunum og má því bú-
ast við auknum bílamarkaði
um sinn.
Sama er að segja um skipa-
smíðar, segir ECE, þær munu
þrífast vel enn um 5—10 ára
skeið.
"Bef-el" $180,000.00
Building
Campaign Fund
'—180
Make your donatlons to the
"Betel" Campaign Fund.
123 Princess Street,
Winnipeg 2.
Sæmdur sfórriddarakrossi Fólkaorðunnar
Mikilshóttar kosningasigur
Á sunnudaginn var fóru fram almennar kosningar til
þjóðþingsins í Vestur-Þýzkalandi, og lauk þeim með frægum
og fágætum kosningasigri fyrir hinn kristilega demokrata-
flokk undir forustu Konrads Adenauer, sem nú er nálega
82 ára að aldri; mun það lengi í minnum haft, að því er
blaða- og útvarpsfregnir herma, hve þessi aldrurhnigni stjórn-
málavíkingur sótti kosningarnar af miklu kappi, ferðaðist
náttfari og dagfari um landið þvert og endilangt og flutti
slíkan sæg af ræðum, að til eindæma mun mega teljast;
hvar, sem hann lagði land undir fót, þyrptust að honum
þúsundir til að hlýða á hinar eldlegu ræður hans, er mótaðar
voru framtíðartrausti og föðurlandsást.
Kosningar þessar voru eigi aðeins glæsilegur persónu-
sigur fyrir Adenauer sjálfan, þær voru mikill menningar-
legur sigur fyrir þýzku þjóðina, Norður-Atlantshafsbanda-
lagið og friðarhorfur mannkynsins í heild; úrslitunum hefir
hvarvetna verið fagnað hið bezta, að Rússlandi undanteknu,
því málgögn stjórnarinnar í Moskvu telja sigur Adenauers
amerísku hervæðingarbrjálæði einkum til hagsmuna.
Pynerandl ræðlsmaSur fslands í British Columbia.. Mr. L. H. Thorlakson, einn af forstjórum Hudson’s
Bay verzlunarinnar, hefir af forseta íslands verið sæmdur stórriddarakrossl hinnar íslenzku Fálkaorðn;
tilkynninsr utn heiðursvtðurkenninKuna l)arst Mr. Thorlakson frá sendiherra íslands í Canada or
Bandaríkjunum, Hon. Tlior Thors, þar sem farið er lofsamleguin orðum um cmbættisfærzlu fráfarandi
ræðismanns og störf hans i þágu íslenzkrar menningar. — A inyndinni sjást frá vinstrt til hægri: Mr.
Jolin Sigurdson ræðismaður, Mrs. Sigurdson, Mrs. Thorlakson og Mr. Tliorlakson. en hlnn nýi ræðismaður
afhenti heiðursmerkið á íslendingadagssamkomu við Priðarboganu.