Kirkjublaðið - 01.09.1891, Blaðsíða 6
38
Söngkver í barnaskólum.
---^——
Ein af nauðsynlegum bókum, sem oss vantar tilfinn-
anlega við barnaskóla hjer á landi, er ódýrt sálmakver,
er hentugt væri að hafa við bænir á undan eða eptir
hinni daglegu kennslu 1 skólunum; því þótt nota megi
ýmsa sálma í hinni nýju sálmabók í þessu skyni, þá eru
meðal annars þau vandkvæði á, að sú bók er eðlilega
stærri og dýrari en svo, að ætlazt megi til, að hvert
skólabarn eigi og hafx hana. Enda mun enn vanta mikið
á, að hún sje til á hverju heimili á landinu, sem þó æski-
legt væri. En ódýrt sálmakver, sem kostaði kringum
hálfa krónu, ætti eigi að vera ofætlun að flestöll skóla-
börn gætu eignazt.
Til þess að reyna aðbæta úrþessari þörf, vil jegþví
leyfa mjer, þar sem aðrir enn eigi hafa hreift því, svo kunn-
ugt sje, að mælast til þess, að skáld vor og aðrir, sem kynnu
að vera þess umkomnir, vildu góðfúslega styðja að þvi,
að kostur yrði á slíku kveri, sem hjer er um að ræða,
með því að leggja til nokkra stutta, ljósa og hjartnæma
sálma, helst eigi lengri en 2—4 vers, er hafa mætti við
bænagjörð í barnaskólum, og sem sjerstaklega væru við
barnanna hæfi, lagaðir eptir þekking þeirra og skilnings-
þroska.
í fullu trausti þess, að þessi tilmæli mín fái góðar
undirtektir og beri árangur, vil jeg taka fram, að jeg er
fús til þess að takast á hendur útgáfu á slíku kveri, sem
auk þess, að það ætti að geta verið til ljettis við söng-
kennsluna, mundi vekja og glæða góðar tílfinningar í
hjörtum hinna ungu.
Jeg vonast til þess, að Jónas Helgason, organisti við
dómkirkjuna, sem öðrum fremur hefur þekkingu ogreynslu
í slíkum efnum, muni rita í blaði þessu nokkrar bending-
ar til leiðbeiningar um það, hvaða sálmalög mundu vera
bezt til fallin i kveri þessu, 'og eins að hann að öðru
leyti muudi taka þátt í því með mjer að annast um út-
gáfuna.