Kirkjublaðið - 01.03.1893, Blaðsíða 12

Kirkjublaðið - 01.03.1893, Blaðsíða 12
60 tegundir þessarar auknu starfsemi, um fjelagsskap presta og innbyrðis aðstoð og uppörfun, sem þeir geta veitt hverir öðrum. Aukna starfsemin er hin aukna sálusorg. Hennar gætir svo víða allt of litið gagnvart hverjum ein- staklingi safnaðarins. Gjörum hana, kærir bræður, að sjer- legu íhugunarefni voru og jafnframt að umtalsefni i Kbl. Niðurlag páskaræðu vorið 1892. Eptir sjera Jóhannes L. Lí. Jóhannsson. Hin dimma sorgarhátíð langafrjádagsins er liðin, en aptur komin hin bjarta gleðihátið páskadagsins. Svo sem sólin er á þessum tíma árs á leið sinni úr suðrinu aptur til vor, sem búum í þessum norðlægu löndum, svo skín nú á ný skært fyrir oss hin eilífa rjettlætissólin, Jesús Krístur, sem nálega sýndíst horfin í dauðans myrkri, já, hún skín svo skært, að hún heíir aldrei skinið skærara, en einmitt þá er hún kemur í páskaguðspjallinu aptur fram f fullu veldi og hefir sigrað allt andlegt myrkur og allan andlegan dauða. Hvergi sjáum vjer þann sannleik, að annað líf sje til eptir þetta og að vjer eigum sjálflr upp að rísa, svo áþreifanlega staðfestan, sem í upprisu endurlausnarans. Það er fyrst með þessum höfuðlærdómi og undirstöðuatriði alls kristÍÐdóms, að trúin á eilíft líf og likamlega upprisu er orðin að vissu meðal mannanna og sannarlega innlend í heimi þessum. Aður höfðu menn að vísu ýmsar hugmyndir um annað líf, en mjög óljósar, þær voru því eins og draumórar sofandi manna, er lítið eða ekkert verður á byggt, þar sem ódauðleikahugmynd kristindómsins skín í fullu, eigi að eins andlegu, heldur einnig líkamlegu ljósi fyrir upprisu Krists. Það er eigi að undra, þótt hugmyndirnar um ódauðleikann væri ófull- komnar og óljósar meðal heiðingjanna, því að þær voru líka myrkar hjá Gyðingum, og ódauðleikatrúin kemur fremur óvíða fram í gamla testamentinu og allrasízt með berum orðum, enda voru til sumir Gyðingar, sem neituðu ódauðleik sálarinnar og upprisu likamans. I þessu sem

x

Kirkjublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjublaðið
https://timarit.is/publication/137

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.