Kvennablaðið - 08.10.1910, Blaðsíða 3

KVENNABLAÐÍÐ.
75
og veita þeim bæði aðgang að háskólum sín-
um og fulla viðurkenningu á eftir. Margar
ágætar konur hafa sótt þangað þekkingu sína.
Meðal annara má nefna frú Bichlichev, sem
eftir endað nám sitt við Sorbonne fékk kenn-
arastöðu í stærðfræði á Frakklandi. En hún
kaus þó síðar að flytja sig heim til Rúss-
lands, og stofna þar kennaraskóla í stærð-
fræði.
í Engiandi er Miss Meyer alþektur stærð-
fræðingur. í Ameríku er Mrs. Franklin að-
stoðarmaður við „American Journal of Mathe-
rnatics". Sömuleiðis má ekki gleyma því aö
stjörnuturninn í París lét fyrir nokkr-
um árum konur gera mikið af þeim útreikn-
ingum, sem hann þurfti við, þegar verið var
að reikna út braut jarðstjörnunnar Venus.
Og margar fleiri konur mætti tilnefna, sem
hafa haft sórstaka stærðfræðilega hæfileika.
Konur, sem vinna fyrir sér.
Menn eru farnir að gera greinarmun á því
hvort konur hafi sjálfstæða atvinnu, eða hvort
þær sjálfar sjái um sig. Mörg gift kona, og
mörg dóttir á heimili geta haft einhverja
sjálfstæða atvinnu, en þó ekki talist að sjá
um sig sjálfar, eða standa á sínum eigin fót-
ura. Nú eru hagfræðiskýrslur þjóðanna
farnar að gera greinarmun á þessu, og hefir
eitt þýzkt blað riðið á vaðið með að aug-
lýsa þær. Skýrslurnar ná frá árinu 1897—
1907. Allar stöður kvenna eru hér taldar,
heimilisverkin líka, enda hafa hingað til flest-
ar konur haft af þeim atvinnu sína.
Efst á blaði er Austurríki. Þar vinna 48
procent konur fyrir sér sjálfar, þar næst
Frakkland með 34°/o, Ítaiía með 32%, Dan-
mörk og Belgía 28%, Ungverjaland 26%,
Bret’and og írland með hér um bil 25%,
Noregur 24%, Svíþjóð 21%, Holland 17%,
Bandaríkin og Spánn 14°/o og Rússland með
8V2 %.
Þessar tölur virðast vera mjög undarlegar,
enda er ekki víst að þær séu fullkomiega á-
reiðanlegar. Þær standa ekki í neinu sjáan-
legu hlutfalli við réttindi kvenna að neinu
leyti. T. d. að Spánn og Bandaríkin hafi
jafnan hluta af konum, sem vinni fyrir sér.
Og þó vita allir að hvergi er konum betur
launað öll þeirra störí en í Ameríku,
Innlendar fréttir.
Konur í hreppsnefndum og sókn-
arnefndum. Þótt ekki gangi sem skyldi að
fá konur til að gefa sig fram, til að taka við
kosningu í þær nefndir, sem lögin heimila
þeim sæti, þá eru þær þó að byrja það, og
koma vonandi fleiri á eftir.
í Vindhælishreppi í Húnavatnssýslu var
kosin ein kona í fyrravetur: frú Jóhanna
Arnljótsdóttir Hemmert, í Viðvíkurhreppi í
Skagafirði komst ein köna að, húsfrú Guðrún
kona Magnúsar bónda í Hofdölum, og í Ax-
arfirðinum var frú Sesselja á Skinnastöðum
kosin í hreppsnefnd.
í sóknarnefndum vitum vór af frú Sig-
riði Jónsdóttur á Reynistað, frú Helgu Guð-
jónsdóttur á Sauðárkróki, frú Jóhönnu í Asi
í Hegranesi, og frú Önnu Thoroddsen í
Reykjavík. Auk þess geta fleiri verið kjörn-
ar, sem vér höfum engar fregnir af.
I Stykkishólmi var við síðustu kosningar
kona á kjörskrá, frú Kristín Sveinsdóttir, af
því hreppsnefndin þar hafði skorað á konur
að setja konu á listann. En þegar til kom,
vildu ýmsar konur nefna aðra konu til. Þetta
gerði snndurlyndi meðal kvenna, svo við
kosningarnar féil frú Kristín Sveinsdóttir með
eins atkvæðis mun, fyrir fuhtrúa karlm.
héraðslækni Guðm. Guðmundssyni.
Af þessu geta konur lært hve nauðsyn-
legt það er við kosningar að haida vel sam-
an, og láta ekki skoðanamun á fulltrúaefn-
unum koma sér til að hætta við að sækja
kosningarnar, heldur taka höndum saman að
koma konu að, þegar þær eru svo hepnar
að geta átt kost á henni hæfri. Auðvitað
fæst aldrei neinn sá fulltrúi, hvorki karl né
kona, sem enginn flnnur neitt að. —
Konur út um landið eru vinsamlega
beðnar að muna að senda Kvbl. allar þær
fréttir, sem snerta sérsiaklega konur, einkum
um kosningar þeirra í hreppsnefndir, skóla-,
fræðslu- og sóknarnefndir. Sömuieiðis at-
kvæðafjölda og alt þar að lútandi.