Kvennablaðið - 08.10.1910, Blaðsíða 4
76
KYENNABLAÐIÐ
Utan úr heimi.
í borginui Baltimore í Ameríku eru sett-
ar 15 konur sem lögregluþjónar. Þær eiga
að sjá um alt velsæmi, sem kemur konum
við á götunum. Annars er það að tiðkast
að setja konur sem lögregluþjóna. í Stokk-
hólmi eru þannig tvær lögreglukonur, sem
eiga að hafa eftirlit með börnum og konum.
í Noregi eru þær bæði í Kristjaníu, Drammen
og víðar og í Finnlandi hafa þær einnig ver-
ið settar í Helsingfors. Þar eru nú einnig
tvær konur, sem eru settar af stjórninni til
að hafa eftirlit með öllum verksmiðjum í
landinu. Til þeirra geta verkamenn og
verkakonur snúið sór með kvartanir sínar
og þykir það gefast mjög vel. í Noregi
er ein kona, Betty Kjelsberg sett, sem op-
inber eftirlitsmaður yfir verksmiðjunum.
Sömuleiðis heyrast sterkar og ákveðnar
kröfur um að fá konur til urosjónar í fang-
elsunum, þar sem börn og konur eru. Og á
stöku stað hefir það komist á. öllum ber
saman um að það sé nauðsynlegt til þess að
vernda fangana fyrir ofbeidi og ósæmilegri
meðferð, sjá um hreinlæti og að fangaklef-
arnir séu ekki svo illa útbúnir, að vistin þar
só skaðvæn fyrir heilsu fanganna o. fl.
í heilbrigðisnefndir og sem eftirlitsmenn
við hýbýlaskoðun, sem víða er lögskipuð í
borgum, eru nú konur að komast að. Er
það einkum til tryggingar því að fátækling-
arnir séu ekki beittir ósanngirni og misrétti
frá húseigendum, þannig, að hýbýli þau, sem
þeir leigja, séu í alla staði samkvæm kröfum
byggingarnefnda og heilbrigðisnefnda; og að
íbúarnir gangi sómasamlega um þau og upp-
fylli sjálfir þau skilyrði, sem af þeim er kraf-
ist í reglugerðum þessum. Þessir skoðunar-
menn eru víða illa þokkaðir, en konurnar
hafa komið sér mun betur og áunnið sér
traust manna. Allir slikir skoðanamenn verða
að ganga á sérstakt námsskeið, þar sem þeir
kyuna sér alt það, sem viðkemur staríi þeirra
í byggingarmálum og heilbrigðismálum.
Spánskar konur hafa haft mikil á-
hrif á síðustu kosningarnar í Madríd. Þær
hafa hópum saman gengið um göturnar og
útbýtt kosningaseðlum og „agiterað" á allan
hátt. Ein kona mætti kosningadaginn á kjör-
staðnum í staðinn fyrir manninn sinn, sem
var veikur. Hún kom með sjúkdómsvottorð
frá lækninum og krafðist að kjósa í staðinn
fyrir mann sinn. Kjörstjórnin tók seðil henn-
ar gildan, þrátt fyrir það að konur hafa ekki
kosningarrétt, á Spáni. Þessi kona er því
fyrsta konan sem þar hefir kosið við pólitísk-
ar kosningar.
í sænska kosningaróttarsambandi kvenna
eru nú 165 félagsdeildir með 11 —12000 fé-
lögum.
í Un g ver j al a ndi hefir verið stofnað
karlmannafólag til að vinna fyrir kosningarrótti
kvenna. Formaðurinn er prófessor G. Dirner.
Það kvað ekki liggja á liði sínu, heldur „agi-
tera“ mjög duglega fyrir konunum.
í Frakklandi eru þingmennirnir alt
af meira og meira að hallast að kosningar-
rétti kvenna. Yið síðustu kosningarnar létu
mörg þingmannaefnin spyrja sig um skoðun
sína á því máli á þingmálafundunum, og svör-
uðu því, að þeir mundu vinna að því að
konur fengju kosningarrétt.
í Austurríki hefir nefnd frá kvennrétt-
indafélögunum beðið forsætisráðhorrann Bie-
nerth barón að vinna að því að 30. grein í
lögunum um íélagsskap verði feld burtu. I
henni er konum bannað að vera í pólitískum
félögum.
Forsætisráðherrann tók þvi vel, en kvað
öll þau lög þurfa að endurskoðast.
Nefndin heimsókti einnig innanríkisráð-
herrann, sem hét að gera alt sem hann gæti
til að koma þessu máli í gott horf. Sömu-
leiðis kvaðst hann vera mjög hlyntur háskóla-
námi kvenna. Einkum námi þeirra í læknis-
fræði.
Suffragettafélagið enska, sem
stofnað var 1905 tekur ekkert árstillag af
meðlimum sínum. En allir verða þeir að
vera skyldir til að vinna það, sem fyrir þá er
lagt fyrir „málið“, t. d. fara út á götur eða
stræti og halda þar fyrirlestra, þótt ekki sjá-
ist þar nokkur maður.
En þótt árstillag sé þar ekki, þá gera með-
limir þess alt hvað þeir geta til að safna fé:
selja blöð og ritlinga, aðgang að fundum, þar
sem ætíð er skotið saman, halda bazara o.s.
frv. Til dæmis um vöxt félagsins og alþýðu-
hylli má nefna það, að tekjur þess árið 1909
—1910 voru 40,000 pd. sterl. og af blaði
þeirra, „Yotes for Women“, sem byrjaði að
koma út 1910 eru nú gefin út 40,000 eint.,
sem Suffragetturnar gera alt t,il að útbreiða
og selja. A árinu hafa þær haldið yfir 20,000
fundi í öllu konungsríkinu og 162 konur gef-
ið sig fram til að ganga í fangelsi fyrir mál-
efni þeirra. Er hugsanlegt að slíkt sé ein-
ungis dutlungar eða bi jálsemisköst „úr einstöku
kerlingu", eins og mótstöðumenn þeirra segja?