Lögberg-Heimskringla - 10.12.1970, Blaðsíða 4
4
LÖGBERG-HEIMSKRINGLA, FIMMTUDAGINN 10. DESEMBER 1970
' Lögberg-Heimskringla
* Published every Thursday by
NORTH AMERICAN PUBLISHING CO. LTD.
Prinied by
WALLINGFORD PRESS LTD.
303 Kennedy Sireei, Winnipeg 2, Man.
Ediior: INGIBJÖRG JÓNSSON
President, Jakob F. Kristjansson; Vice-President S. Alex Thorarinson; Secretary,
Dr. L. SiQurdson; Treasurer, K. Wilhelm Johannson.
EDITORIAL BOARD
Winnipeg: Prof. Haroldur Bessason, chairman; Dr. P. H. T. Thorlakson, Dr.
Valdimar J. Eylands, Coroline Gunnarsson, Dr. Thorvaldur Johnson, Hon. Phillip
M. Petursson. Minneapolis: Hon. Valdimar Bjornson. Victoria, B.C.: Dr. Richard
Beck. Icelond: Birgir Thorlacius, Steindor Steindorsson, Rev. Robert Jack.
Subscription $6.00 per year — payable in advance.
TELEPHONE 943-9931
"Second class mail registration number 1667".
Á ferð og flugi
IX.
Veðrið í London var allt öðruvísi en við bjuggumst
við. Okkur hafði verið ráðlagt að taka með okkur hlý
föt og þá ekki síður regnhlífar, en það var óþarfi. Hitinn
suma dagana var þungbær og það var aðeins einu sinni,
að borgin fékk að kenna á verulegu regnfalli þessar
þrjár vikur.
Við vorum að koma út úr Garrick leikhúsinu um
sex leytið á föstudag, 8. ágúst og sáum þá, að loftið var
þungbúið og dropaði ofurlítið. Við vorum svo heppnar,
að ná þegar í leigubíl og komumst heim í hasti. Rign-
ingin hélt áfram alt kvöldið og um nóttina, hafði fallið
1.7 þuml. af regni á 30 mínútum. — Svo mikið vatn
flæddi inn í neðanjarðar járnbrautarkerfið, að loka
varð sumum stöðvunum; það flæddi og inn í leikhús,
matsöluhús og yfir vegina á mörgum stöðum. Við
höfðum sofið værum svefni alla nóttina og allt virtist
komið í sama lag þegar við komumst á ról um morgun-
inn.
Eg saknaði þess, að sjá aldrei þokuna, sem London
hefir lengi verið fræg fyrir. Egi hefi lesið margar sögur
Sherlock Holmes og minnist hann oft á þokuna, sem
var eins þykk eins og “Pea Soup”. Ferðir hans og
Watsons úti í þokunni voru altaf svo æfintýralegar. —
Ástæðan fyrir því, að þokan er horfin er sú, að fyrir
nokkrum árum var bannað að brenna kolum eða öðru
eldsneyti, sem framleiðir reyk og er nú sagt að jafnvel
í nóvember, sem jafnan var þokumesti mánuðurinn, sé
allt sýnilegt í London. — Smámsaman hefir síðan alda-
gömul reyksverta verið hreinsuð af stórhýsum og
öðrum húsum borgarinnar og er nú London talin hrein-
asta stórborgin í Evrópu.
Hæsta byggingin í London, er The Post Office
Tower — Pósthús turninn. Hann er nú hvorki meir né
minna en 620 fet á hæð, ef 40 feta mastur er talið með,
og er hann sívalur í laginu, gerður úr stáli, stein-
steypu og gleri. Hann gnæfir yfir alla borgina. Ekki
var turninn þó gerður til augnayndis, þótt hann sé það.
Síma- og loftskeyta kerfið var orðið ónóg í borg-
inni, og í stað þess, að grafa upp strætin til að leggja
fleiri línur (cables), tók stjórnin það ráð að nota hið
nýja microwave kerfi. En microwave geislinn getur
aðeins farið beina línu eins og sólargeislinn, og varð
því sendistöðin að vera svo há, að microwave geislarnir
lentu ekki á byggingum, trjám né hæðum, og nú nær
microwave sambandið frá London yfir allar Bretlands-
eyjar og meginland Evrópu.
Ofarlega á turninum eru hringmyndaðir gangar
umhverfis turninn. Og sézt þaðan í allar áttir yfir alla
borgina. Hún liggur eins og stórt kort fyrir augunum.
Þarna eru og kíkirar festir út um gluggana í allar áttir.
Stórhýsi borgarinnar líta út eins og eldspýtnastokkar.
A björtum degi sézt Windsor kastalinn, sem er í 20
mílna fjarlægð. Um alla borgina sjást grænir blettir —
smáir og stórir lystigarðar, þar sem fólk getur notið
náttúrunnar. — Winnipeg, sléttuborgin okkar, mætti.
vel fara að fordæmi London, og mynda fleiri græna
garða í stað þess að grípa öll auð svæði og nota fyrir
bílstæði.
A næstu hæð fyrir ofan útsýnis ganganna er mat-
sölustaður, 520 fet frá jörðu og snýst gólfið hægt í
kring, þannig að gestir sjá úr sætum sínum mismun-
andi myndir af London meðan þeir eru að snæða, og
þar fyrir ofan er svo “Highest Cocktail Bar” í London.
Ekki veit eg hvort gólfið snýst þar líka. — Hraðfara
lyftur flytja gesti á nokkrum augnablikum upp í þessa
skemmtistaði.
Auðséð er, að þegar Bretar reisa stórbyggingu eins
og þessa, kemur ekki einungis nothæfni til greina,
heldur einnig frumleiki og fegurðarskyn byggingar-
meistaranna. — Verkið var hafið 1961 og því lokið
1965, byggingin opnuð fyrir almenning ári síðar.
Mikill fjöldi drykkjustaða eru í London, sérstak-
lega þeir, sem nefndir eru “pubs”, en í þeim er aðallega
veittur bjór og ennfremur matur, þeim sem þess óska.
Einn daginn vorum við að lítast um á Fleet stræti, aðal
blaðaútgáfu strætinu og komum þá að Old Cheshire
Cheese Pub. Nafnið minnti mig á eitthvað. Jú, það var
Samúel gamli Johnson, sem uppi var á átjándu öld.
Hann og félagar hans sátu þarna löngum, og kappræddu
um áhugamál sín. Þetta mun vera elzta Pub í London.
Við tróðum okkur inn; bekkirnir voru þétt settnir
af konum sem körlum og urðum við að fara upp á loft.
Þar dróg þjónn bjór í glösin úr stórri tunnu og kom
með mat. Þar sátu ung hjón frá Bandaríkjunum og
buðust þau til að fylgja okkur að gamla heimili John-
sons, og var það heppilegt, því við urðum að fara um
rangala bak við Fleet stræti til að finna húsið; í því er
stutt til allra veggja, en það er fjögra hæða hátt. Ekki
nema tvö herbergi á hverri hæð, og er afar íornlegt.
Samúel Johnson er talinn fjörgjafi bókmennta-
lífsins á átjándu öld; hann stofnaði félag bókmennta-
manna árið 1764. í félaginu voru menn eins og Gold-
smith, Burke, Reynolds og fl., og voru þeir oft á mál-
fundum í Old Cheshire Cheese.
Johnson skrifaði mikið meðal annars, hina miklu
orðabók sína, en umræður hans þóttu skara fram úr
skrifum hasns, og hann er nú frægastur af bók sem
hann skrifaði ekki sjálfur.
Ungur maður, James Boswell, rúmum þrjátíu árum
yngri en Johnson, komst í vinskap við hann og fékk
inngöngu í klúbbin. Boswell dáðist að mælsku Johnson’s
og skrifaði orð sem draup af vörum hans á þessum
málfundum, og var einnig fylginautur hans á ferða-
lögum. Að Johnson látnum skrifaði svo Boswell æfi-
sögu hans og fléttaði inn í hana hin snjöllu sámtöl og
kappræður Johnsons, og er þessi bók vinsæl enn.
Johnson var af fátæku fólki kominn og átti lítið
ofan sig og á, þar til hann giftist ekkju, sem átti ein-
hverjar jarðeignir og eignaðist þá síðar þetta heimili,
sem við vorum nú að skoða. Hún var 21 ári eldri en
hann, var lítil og feit, og þótti heimsk og ósjáleg, og
lét hann stjana við sig; en honum þótti vænt um hana
og syrgði hana mikið þegar hún dó. Hann átti nú engan
að; hvorki systkini né annað frændfólk, og gat ekki unað
því að vera einn. Hann skaut því skjólhúsi yfir marga
einstæðinga, sem stundum notuðu sér gjafmildi hans.
Við klifruðum nú upp einn stigann á eftir öðrum;
skoðuðum borðstofuna, setustofuna og svefnherbergin.
Lítið var þarna af húsgögnum en myndir voru á veggj-
um af Johnson og félögum hans og öðrum framamönn-
um átjándu aldar. Skrifstofa og bókhlaða Johnsons var
á efstu hæð, og eg var hissa á því. Hann var maður
feitlaginn í meira lagi og þjáðist af brjóstþyngslum.
Eg var sannarlega farin að mæðast þeðar eg komst upp
þangað — þarna var hin mikla orðbók hans á stóru
borði og nokkrar bækur hans á hillum. Þarna efst
undir hanabjálkalofti hefir hann fengið bezt næði fyrir
ritstörf sín.
Eg hafði ákveðið að ljúka þessum ferðasöguþátt-
um í þessu blaði, en hefi víst orðið nokkuð langorð og
verður því niðurlagið að bíða blaðs sem kemi\r. út eftir
áramótin. Eg þakka vinsamleg bréf sem mér hafa bor-
ist um þessa ferðaþætti.
—I. J.
Season's Greetings
WESTKOME SUPERMARKET LTD.
WHERE QUALITY COUNTS
Comer of Wellington Ave. and Ðeverley
737 WELLINGTON AVE.—PHONE 774-3491, 774-3492
SHOíULDER LAMB — Cured and Smoked
LEG OF LAMB — Cured and Smoked
Heavy or Medium Smoked Available
By Professional Experis
Good Supply of "RÚLLUPYLSA" Available
WE WILL SHIP ACROSS THE COUNTRY.
IF WE GET ORDERS SOON
WE ALSO SPECIALIZE IN QUALITY MEATS
FOR YOUR HOME FREEZER AT LOW PRICES
Robert Harold Isfeld, son of
Gestur and Bertha Isfeld of
Winnipeg Beach, Manitoba,
graduated October 22, 1970,
“in absentia” from The Uni-
versity of Manitoba with a
Bachelor of Education degree.
He received his teacher’s
training in 1959-60 and com-
pleted his Bachelor of Arts in
1969.
He is married, has three
children and is presently the
Vice-Principal at Kelsey Ele-
mentary School in The Pas,
Manitoba.
Say
Merry
Christmas
in music
with
BALDWIN
You’ve gota lot golng
for you with Baldwln.
Llke a complete accom-
paniment—chords, pedal
notes, percusslon—that
plays automatlcally in
your choice of rhythm
patterns ALLwhen you
hold down just one key
with just one finger.
Do your Chrlstmaa
shopping for the
whole tamlly today at
Now Available
BALDWIN "VIVA"
The Organ That
Self Instructs
Exclusively at
JAMES CR0FT
& Son Ltd.
235 PORTAGE AVENUE
PHONE 947-0407
Rep. Gunnar Erlendsson
Ste 21-694 Sherbrook St.
Phonet 775-1379