Breiðablik - 01.08.1907, Blaðsíða 4
36
BREIÐABLIK
sæti, að hún skuli geta verið í huga
nokkurs manns í sama bili ?
Skoðanamunur er sjálfsag"ður
og- óumflýjanlegfur. Hann verður
ávalt til g"óðs, ef rétt er með farið.
Samræmisaflið í sálum mannanna
kemur því til leiðar. Þegar hugir
mannanna eru á valdi kærleikans,
skilja þeir hver annan og taka til
greina hverja bending, sem með-
mæli fær í samvizkum þeirra. Að-
alatriðið verður því ávalt þetta,
þegar eitthvað ber á milli: Hefir
kærleikurinn vald áhugum þeirra?
Jónatan fylgdi föður sínum og
gamalli stefnu í ísrael. Davíð var
maður nýrrar tíðar og nýrrar
stefnu.
Samt voru miklir kærleikar með
þeim Jónatan og Davíð.
HEIðURSDAGUR.
Minni Vestur-Islendinga 2. ágúst 1907 að Gimli.
Þab er einn dagur í lífi mannanna, sem
um fram aðra daga. er nefndur heiöurs-
dag-ur. Það er giftingardagurinn. Þann
dag er meira um fagnað en aðra daga.
Þá er öllu tjaldað, sem til er, til að gjöra
bæði fagnað og heiður sem mestan.
Dagurinn í dag er heiðursdagur íslend-
ingsins. Hvar sem hann á heima minnist
hann þess í dag, að hann er íslendingur.
Hann minnist þess ekki feiminn og með
niðurlútu höfði, eins og sá sem þarf að
skammast sín fyrir eitthvað. Hann minn-
ist þess eins og skáldin fornu, er þau
gengu fram fyrir hirð erlendra konunga
og voru spurð hvað manna þau væri.
Eg er íslendingur!
Þess er minst í dag á fósturjörð vorri.
Nú er alt stórmenni landsins komið sam-
an í dag á Þingvöllum með konungi sín-
um og erlendum höfðingjum. Nú er þar
meiri hátíð haldin og viðhöfn veglegri en
ef til vill nokkuru sinni áður í allri sögu
þjóðar vorrar.
En aðal-atriðið í þeirri viðhöfn og því
hátíðahaldi er þetta: Þjóðin er að standa
upp og segja snjallara rómi og hvellara
en nokkuru sinni áður:
Vér erum ekki danskir menn. Vér
erum ekki dönsk þjóð. Land vort ekki
dönsk hjálenda.
En vér erum íslendingar. Þjóð vor er
íslenzk þjóð. Og landið vort á enginn
annar í öllum heimi en íslenzka þjóðin
sjálf. ísland er land íslenzkrar þjóðar frá
efstu fjallatindum út til yztu miða. Guð
gaf henni það. Þar hefir hún drýgt öll
örlög sín. Það sem guð hefir gefið henni
má enginn af henni taka.
Greinilegar en nokkuru sinni áður segir
hún Dönum þetta í dag, — dönskum kon-
ungi og danskri þjóð. Og skilji Danir það
ekki í dag, rennur einhvern tíma upp sá
annar ágúst, ab þeir mega til með að
skilja.
Konungi Dana segir hún: Viljir þú
vera konungur vor, mátt þú ekki að eins
vera konungur Dana, heldur um leið og í
jafn-sönnum skilningi konungur íslend-
inga. Þú verður að láta þér jafn-ant um
þjóðréttindi og sjálfstæði íslendinga eins
og þú lætur þér um þessi óðul Dana. Þú
verður að vera konungur sjálfstæðrar ís-
lenzkrar þjóðar og varðveita frelsi hennar
eins víst og þú ert konungur danskrar
þjóðar og varðveitir frelsi hennar.
Þess vegna er þessi 2. ágúst meiri heið-
ursdagur en áður hefir runnið upp í sögu
þjóðar vorrar. Og þess vegna verða
ókomnir þjóðminningardagar vorir meiri
og meiri heiðursdagar. Því hvernig sem
réttlátum kröfum þjóðar vorrar verður
tekið nú í sumar og hvernig sem dansk-
lundaðir íslendingar kunna að reyna að