Lögrétta - 14.09.1927, Blaðsíða 3
4
L.OGR JETTA
Útrýmið rottunum!
Það er nú fullsannað, að afkvæmi einna
rottuhjóna geta á einn ári orðið 860 rott-
nr. Af þessu er auðsæ þörfin á að útrýma
rottunum. Til þess að ná góðum árangri
er þvi tryggast að nota R a t i n og
R a t i n i n . Ratin sýkir rotturnar, og
þær sýkja svo aðrar rottur, sem þær
umgangast meöan þær eru veikar, og
drepast að 8—10 dögum liðnum. Ratinin
hefir aftur á móti bráðdrepandi verkanir
á þær rottur, sem jeta það.
Ratin-aðferðin
er: Notið fyrst Ratin, svo Ratinin, þá
fæst góður árangur.
Sendið pantanir til
RATINKOXTORET, KÖBENHAYN
Allar upplýsingar gefur
Í.OÚST JÓSEFSSON
heilbrigðisfulltrúi, Reykjavik.
1*0*1 ^4 L- 1
f
Okeypís
og burðargjaldsfrítt sendist okkar
nytsama og mjög myndum prýdda
vöruskrá með gummí- og hreinlœtia
vörum og leikföngum, einnig úrum,
bókum og póstkortum.
BauarlUn, Afd. 07. Köbenham K
heldur ákveðinn fjölda meðmæl-
enda úr hverjum landsfjórðungi.
Með þessu er trygt, að aðrir en
flokkar, sem smala eiga um alt
land, geta ekki borið fram lista.
En að vísu er þetta algert brot
á þeirri meginreglu, að kosning-
in sje leynileg. Ákveðin tala kjós-
enda verður í hvert sinn að lýsa
því yfir fyrirfram, hvem eða
hverja þeir ætli að kjósa. En ef
þeim yrði svo sú skyssa á, að láta
sjást á kjörseðlinum, að þeir
hefðu kosið þessa menn, sem
þeir, til neyddir af löggjafarvald-
inu, áður hafa skuldbundið sig til
að kjósa, þá er seðillinn ógildur.
Svona er samræmið!
Mesta aukning, sem hægt væri
að gera á kjörvaldinu, væri sú, að
hver og einn mætti kjósa þann
er honum sýndist. En líklega væri
þó heppilegra, að sú kosning gilti
aðeins sem prófkosning og færi
fram á manntalsþingum, og væru
atkvæði talin þegar að þinginu
loknu. Væru þá 2 eða 3 atkvæða-
hæstu mennimir, eða þá þeir, er
náð hefðu ákveðnum hundraðs-
hluta greiddra atkvæða í hverju
kjördæmi í kjöri við aðalkosning-
una, sem væri fyrir komið svip-
að og nú er. Öll kjördæmi væru
einmennings kjördæmi, og skift-
ing sú, að s. s. 4000 manns væru í
hverju, og þingmannatala eftir
því, en málstofa ein. En vildu
menn endilega halda í efri deild,
væri sök sjer þó þar sætu ein-
göngu landskjömir þingmenn,
kosnir á sama hátt og nú.
Annars vil jeg geta þess um
kosningaaldurinn, að mjer virðist
hann ekki skifta mestu máli fyrir
kjörrjettinn, heldur þekkingin. En
meðan ekki er fundið ráð til að
meta þekkingu á þjóðmálum við
samningu kjörskrár, svo ekkert
aldurstakmark þurfi að hafa, upp
á við eða niður, þá álít jeg
óheppilegt að rýrnka kosninga-
rjettinn meira en orðið er.
Hallgr. Jónsson (Viðey).
----O-----
Frá Tromsö í Noregi.
Einar Helgason garðyrkjustjóri
hefur í sumar dvalið í Noregi.
Hann skrifar Lögr. 20. ág. frá
Osló:
,,Er búinn að vera alllengi hjer
í Noregi, auðvitað lengst af í
görðunum og það meira að segja
alla leið norður í Tromsö. Þangað
vildi jeg koma. Það mun vera
einna nyrsti staður þar sem nokk-
uð verulega kveður að garðrækt-
inni, en hún er í góðu gengi þar.
Einkum er það Ytreberg kennari,
sem er orðlagður um allan Noreg
fyrir dugnað sinn og áhuga í
garðrækt. — Hann er Norðlend-
ingur, á sjötugsaldri, hefur um
áratugi gefið sig að garðræktinni
jafnhliða kenslustörfum, en nú
orðið helgar hann henni alla sína
krafta, enda hefur hann stóra
garða, gróðurhús og græðireiti í
brekku, hallandi mót suðaustri,
ofan til í bænum. Garðarnir eru í
skjóli hárra bjarka*-og ýmiskonar
annar trjágróður vex þar einnig
í skjólinu.
Bærinn liggur á eyju, í skjóli
hárra ása nokkuð inn frá hafinu,
í hljei fyrir hafáttinni. Veðráttan
er miklu betri í Tromsö en í
Reykjavík og stormurinn ekki ná-
lægt því eins sterkur, enda er í
þetta auðsjeð á gróðrinum. T
byrjun ágústmánaðar var þar
fult af fjölbreyttu blómskrúði,
rósir í fullum blóma og margt
annað, sem ekki hefur lánast að
fá til að blómgast hjerna fyr en
mánuði seinna, rjett um það
leyti sem slagviðrin byrja.
Vetrarveðráttan í Tromsö er
miklu harðari og jafnari en í
Reykjavík, snjórinn liggur yfir og
hlífir gróðrinum allan veturinn.
Tromsö er myndarlegur bær
með 7—8 þúsund íbúum en í
öllu fylkinu eru um 80 þúsund
íbúar, eða sem næst því eins og
á Islandi utan Reykjavíkur. Fólk-
ið stundar jöfnum höndum land-
búnað og sjávarútveg. Skamt frá
Tromsö er myndarleg tilrauna-
stöð fyrir grös og aðrar fóður-
jurtir, fárra ára gömul, og bún-
aðarskóli er þar í álíka fjarlægð
eins og Hvanneyri frá Reykjavík.
Þótt ekki sje hægt að jafna
saman aðstöðu allri með gróður-
rækt í Tromsö og Reykjavík, þá
þykir mjer samt betur farið en
heima setið, og ekki er jeg von-
laus um að gagn geti hlotist af
ferðinni, enda var svo til ætlast“.
----o----
Jinarajadasa og jafnaðarstefn-
an. Indverski spekingurinn, Jin-
arajadasa kvað sig hlyntastan
jafnaðarstefnunni þeirra stjórn-
málastefna, sem nú eru efst á
baugi. Og gat ekki hjá því farið,
að jafneindreginn bræðralags-
maður og hann hallaðist að þeirri
mannúðarstefnu. Var þess vegna
mjög fjarri, að þessi göfugi gest-
ur færi nokkurum niðrandi orð-
um um stefnu jafnaðarmanna.
H. J.
Lögfræðingafundur hefur verið
haldinn hjer undanfarið, og hafa
sótt hann m. a. nokkurir utan-
bæjarmenn. En lögfræðingar
munu alls vera hjer á landi 108,
þar af 70 í Rvík. Á fundinum
var rætt um samvinnu ísl. laga-
manna, starfskjör lögfræðilegra
embættis- og sýslunarmanna,
fangelsismálefni, • endurskoðun
einkamálalöggjafar, endurskoðun
refsilöggjafar og um ísl. lögbók.
Ekki er enn kunnugt um árang-
ur fundarins, en margt væri það
í löggjöf landsins, sem þarft væri
að tekið yrði til góðrar athugun-
ar og endurskoðunar og hefur
fundurinn vikið á ýmislegt af
því merkasta og ætti ekki að
láta lenda við orðin tóm. Ætti
stjómin einnig að taka í taumana
um sum þessi mál, og þó fyr
hefði verið, s. s. um endurskoð-
un hegningarlaganna, fangelsis-
málin o. fl., eins og áður hefur
verið vikið að í Lögrj.
Hvalreki. Á Sandi var nýlega
rekinn á land stór hópur grind-
hvala, um 300. Er það sjaldgæft
hjer, en algengt t. d. í Færeyj-
'um og mikill bjargræðisvegur
þar.
Strand. Togarinn Austri strand-
aði nýlega á Illugagrunni á Húna-
flóa og er sagður ónýtur orðinn,
vegna brims. Hann var eign
Kárafjelagsins, hafði verið á síld-
veiðum og gengið ágætlega.
Páll Zóphóníasson á Hólum er
ráðinn nautgripa- og sauðfjár-
ræktarráðunautur Búnaðarfje-
lagsins frá 1. júní n. á. Sjö aðrir
sóttu.
Trúlofun sína hafa opinberað
ungfrú Margrjet Thors og Hall-
grímur Hallgrímsson verslunarm.
sonur sr. Friðriks Hallgrímsson-
ar.
Dómsmálaráðherra hefur skip-
að nefnd til þess að athuga hvort
eða hvernig spara megi á starfs-
mannahaldi ríkisins og stofnun-
um þeim, sem reknar sjeu eða
styrktar af ríkisfje. 1 nefndinni,
sem mun taka til starfa í haust,
sitja Bjöm í Gröf, Hannes dýra-
læknir í Stykkishólmi og Har.
Guðmundsson alþm.
Mentaskólinn. íhaldsstjórnin á-
kvað að láta leggja miðstöðvar-
hitun í mentaskólann eins og
lengi hefur verið beðið um, og
hefur verið að því unnið í sumar.
Nú hefur hinn nýi kenslumála-
ráðherra bætt því við, að ákveða
að sett skuli rafmagnsloftræsting
í kenslustofumar og dúkar á gólf.
Eru þetta alt þarfar umbætur.
Slys. Þegar póstur var síðast á
ferð um Breiðamerkurjökul
sprakk jökullinn snögglega þar
sem lestin var stödd og hrapaði
í sprunguna maður og sjö hestar.
Maðurinn, Jón Pálsson frá Svína-
felli, og fjórir hestar týndust al-
veg, en þremur hestum náði
pósturinn upp, með herkjum.
Leikfjelagið. Stjóm þess hefur
verið endurkosin á nýafstöðnum
aðalfundi, Indriði Waage form.,
Friðf. Guðjónsson ritari og Borg-
þór Jósefsson gjaldkeri.
Mannalát. 9. þ. m. andaðist
Jón S. Bergmann skáld, eftir
langa legu. Hann var fæddur 30.
apríl 1874 á Króksstöðum í Mið-
firði. Hann varð snemma kunnur
af ýmsum lausavísum sínum og
kvæðum og hefur margt af þeim
verið gefið út. Jón stundaði ann-
Velox
skilvindan
góða er hljóðlítil og ljett í
snúningi.
Skilur sjerlega vel, einföld
og hæg í hreinsun og end-
ist ágætlega.
Fæst í 3 stærðum.
No. 0 skilur 65 lítr.
— 1 — 120 —
— 2 — 220 —
V elox
strokkurinn
strokkar rjómann á 15—20
mínútum. 3 stærðir 5, 10 og
15 lítra.
Y arahlutir
ávalt fyrirlig'gjandi.
"V" erslun
lóis PórðarsoBir
Reykjavík.
ars lengst af sjómensku en var
ekki ávalt við eina fjölina feldur,
skapmikill og nokkuð vínhneygð-
ur stundum. Hann gat verið
skemtilegur og var fróður á ýmsa
þjóðlega ment og hafði yndi af
kvæðum, rímum og sögum. Hann
var prýðilega hagmæltur og oft
hnittinn og hvassyrtur eins og
stökur hans sýna og fljótur að
yrkja.
Páll ísólfsson ætlar innanskams
að hefja kirkjuhljómleika sína á
ný. Gerir hann ráð fyrir að
halda fimm hljómleika fyrir jól
og leika að mestu leyti verk,
sem ekki hafa heyrst hjer áður.
Sú góða nýbreytni verður tekin
upp að selja við vægu verði að-
gang að öllum hljómleikunum
saman, eða á 5 kr. og ættu þeir,
sem það geta, að nota sjer það
mikið.
Nýtt elliheimili á að fara að
reisa hjer í Rvík í haust, fyrir
forgöngu þeirra sömu sem nú
reka elliheimilið Grund. Hafa
þeir fengið lánaðan gamalmenna-
hælissjóð Rvíkur, um 90 þús. kr.,
með 5% vöxtum, afborgunar-
lausan fyrstu 10 árin.
Prentsmiðj an Aeta.