Norðurland - 08.10.1904, Blaðsíða 3

7
Nl.
Þá er að geta um tíðarfarið í sumar.
Það hefir verið indælt, svo Norðmenn
diðust að því, og kváðu það mikið betra
en í Noregi, sérstaklega kvikuleysið og
hinar langstæðu stillur væru þar nær ó-
þektar; heyskapur í bezta lagi.bæði gras-
vöxtur og nýting.
Hákarlsafli varð með minna móti, aftur
á móti öfluðu fiskiskipin (2.) vel.
Vel líkar flestum að Stefán í Fagraskógi
varð þingmaður sýslunnar, og sómi var það
fyrir Akureyrarbæ að amtmaður P. Briem
hlaut kosningu bæjarins, og sýndu bæjar-
menn þar, að þeir kunnu að meta áhuga
til framfara, og ágæta mentun, því amt-
maðurinn er einn af vorum fáu embættis-
mönnum, sem nennir (liggur mér við að
segja,) að hugsa og rita um áhugamál
þjóðarinnar, og sýnir í hvívetna að hann
vill vel.
Heilsufar hefir verið gott; skarlatssótt
stakk sér niður hér í 2 húsum, en breidd-
ist ekki út, samgönguvarúð viðhöfð. Misl-
ingar komu hingað á fjörðinn í ágúst
snemma, færeyskt skip sém kom að vest-
an, var með 6 menn veika, það var hér
lögboðinn tíma i sóttvarnarhaldi, og síðan
sótthreinsað, skipstjóri sýndi sérlega Iög-
hlýðni, enda hafa mislingarnir ekki komið
á land að þessu, og vonandi að við slepp-
um við þá héðan af.
Samgöngur hafa verið ágætar hér 1'
sumar á sjó. Milli Eyjafjarðar og Siglu-
fjarðar hefir mátt fara á viku hverri tveggja
mánaða tíma, Thore-skipin komið og farið
til útlanda einu sinni og tvisvar á mánuði;
á herra stórkaupmaður Thor E. Tulinius
hina beztu þökk skylda fyrir ferðir sínar
hingað til vor út á hala Iandsins, og ekki
væri Siglfirðingum það neitt hrygðarefni
þó dregið væri af styrknum til hins sam-
einaða, og Tulinius eða Thore-félagið fengi
það og meira í staðinn.
Q. S. Th. O.
%
Gagnfræöaskólinn
var settur 4. þ. m. Aðsókn mikil
að skólanum, en nemendur ekki allir
komnir.
Útbú íslands banka.
Fyrir löngu var við því búist að
viðskifti við það mundu verða mikil,
en óhætt mun þó að fullyrða, að við-
skiftin hafa farið langt fram úr því
sem við var búist, þennan stutta
tíma scm það hefir staðið hér.
Kvennaskóli Eyfiröinga
var settur 3. þ. m. með fremur
fáum ncmendum. — Er furða hve lítið
menn nota sér skóla þennan f þetta
skifti. Því ekki virðist síður vandað
til kenslukrafta en að undanförnu. —
Forstöðukona skólans er frk. Lund-
fríður Hjarlardótíir, sem í fyrra vetur
fekk bezta orð fyrir kenslu sína og
forstöðu skólans. — Auk hennar er
Kfirl Finnbogason kennari í bóklegum
námsgreinum; hann aflaði sér fyrst
góðrar mentunar hér heima, en lauk
síðan námi við kennaraskóla í Dan-
mörku með góðum vitnisburði. í fata-
saum er kennari frk. Margrét Jóns-
dóttir.
Ætlast mun vera til að vefnaðar-
kensla fari fram í skólanum í vetur.
Nýjar námsmeyjar munu enn geta
komist að skólanum og fram í nóvbr.,
á meðan rúm leyfir.
Fjárfaka
hefir verið hér töluverð undanfarna
daga. Verð á kjöti hefir verið þetta:
48 pd. skrokkar og þar yfir 23 a.
pundið, 40—47 pd. skrokkar 21 eyri,
32—40 pd. skrokkar 19 aura, kjöt
undir 32 pd. 17 aura. Mör hefir
verið keyptur fyrir 22 a. pundið,
gærur á 30 a., hvft haustull á 50 a.,
mislit haustull á 40 a. og tólg á 28 a.
\
Það borgar sig.
Það hefir verið rætt og ritað um kynbæt-
ur en misjöfn mun trú manna á að þær
borgi sig, en til þess að sýna eitt dæmi
— þó mörg fleiri séu eflaust til — vil eg
segja litla sögu.
Eg bað St. Stefánsson kennara að selja
mér 10 kindur eins og þær legðu sig eftir
sauðabréfi. Eg fekk kindurnar, 6 sauði
veturgamla 2 ær geldar og 2 dilka og þær
lögðu sig á kr. 170 eða kr. 17 til jafnaðar
kindin, þetta sýnir hvað hægt er að hafa
mikið upp úr sauðfénu ef hyggilega er
farið aðj en hér er ekki eitt heldur fleira,
sem liggur til grundvallar, kynbætur, gott
og nægilegt fóður, góð hirðing og góð
húsakynni.
Þetta er Iítið, en af því mætti mikið
læra.
Akureyri 6. október 1904.
Magnús Einarsson.
Spæjarinn.
Skáldsaga eftir Max Pemberton.
[Framhald.)
XXIV.
Ljðsið fœrist nær.
Marian svaf illa um nóttina og vaknaði
til fulls, þegar klukkan á kirkjuturni hins
helga Marteins sló fjórðung stundar eftir
4 um morguninn. Hún hafði ekki ætlað
að sofna, en var svo úrvinda, að hún gat
ekki haldið sér uppi, og í einnar stundar
svefni fluttist hún aftur í Alexandersvígið
með hinum óumræðilegu skelfingum í
klefanum niðri í jörðunni.
Þegar hún vaknaði, sat hún enn á stóln-
um við gluggann; hún var stirð í öllum
limum af kulda, og raunir næturinnar lágu
þungt á henni. Fyrstu augnablikin gat
hún ekki komið því fyrir sig, hvernig á
því stæði, að hún væri ekki í rúminu —
að hún skyldi sitja þarna og horfa út á auð-
ar göturnar um þetta leyti sólarhringsins.
En svo fekk hún aftur minnið skyndilega,
og henni fanst það hræðilegt. Hún stóð
upp og Iauk upp hurðinni að litlu stofunni,
sem þau höfðu. Var Páll kominn aftur til
hennar? sagði hún við sjálfa sig. Eftir
hverju var hann að bíða? Hvert var það
nýja ólán, sem nú var að höndum borið ?
Hann skyldi nú vera dauður!
Hún var ráðþrota og örmagna af sorg
og efa og laumaðist eftir dimmum gang-
inum að dyrunum á svefnherbergi hans;
þær stóðu galopnar. Hún sá rúmið, en
enginn hafði í því sofið. Þeir fáu hlutir,
sem hann hafði keypt, síðan er þau komu
til Lundúna, lágu þar á víð og dreif —
gleraugu, ofurlítill kassi með áhöldum til
að raka sig, skrifpúlt. Fjóluvöndur, sem
hann hafði haft í nezlunni, þegar þau höfðu
farið saman í búðir fyr tveim dögum, var
á þvottaborði hans. Hún tók hann og kysti
visin blómin. Hún kraup niður við rúm
hans og bað drottinn að láta hann koma
aftur til hennar, áður en dagurinn væri á
enda liðinn.
Það var kynlegt, hve mjög tilfinningin
fyrir því, að hún væri upp á hann komin
fór vaxandi á þessari stund og varð henni
ljós. Fyrir einu ári hirti hún ekkert um
það, að hún var einstæðingur í veröldinni;
en nú var það um garð gengið. Hún gerði
sér ekkert ýkja-miklar hugmyndir um gáf-
ur Páls, en hún þekti hjartalag hans og
hugarfar og um hann dreymdi hana vak-
andi og sofandi og honum unni hún af
öllu sínu hjarta. Hún hafði titrað, þegar
hann hélt henni í faðmi sér. Til hans hafði
hugurinn fyrst runnið, þegar hún vaknaði;
oft hafði hún sofnað með nafn hans á
vörum sínum. Henni fanst einstæðings-
skapur liðinna ára, barátta þeirra og fá-
tækt liggja langt, langt að baki sér. Stund-
um fanst henni, að það líf, er hún lifði,
vera óverulegt og stefnulaust; henni kom
þá til hugar, að hún drægi sjálfa sig á
tálar og dagur reikningsins hlyti að vera
í vændum; en hún rak þær hugsanir burt
tafarlaust. Hún var kona og hafði lært að
unna karlmanni hugástum.
Alt var kyrt í húsinu, kyrrara en nokk-
uru sinni á daginn. Uti féll stálgrátt ljósið
á lokaða glugga og hljóðar götur. Borgin
mikla lá f dái,

Takið eftir!
Kaupið það, sem ykkur vantar, í verzlun
Stefáns Sigurðssonar & Einars Qunnarssonar
því þar fáið þið góð kaup.
Þar fæst:
Hengilampar, borðlampar, eldhúslampar, dyralampar og luktir,
náttlampar og tilheyrandi lampaglös og kveikir.
Olíudunkar stórir og smáir.
Mikið úrval af hálstaui fyrir konur, karla og börn, með sér-
lega góðu verði. Vetrarhandskar loðfóðraðir, og skinnhandskar
hvítir og mislitir.
Álnavara, svo sem karlmannafatatau, peysufataklæði, fjölbreytt
sirz, kjólatau, svuntutau, hvít iéreft, tvististau, sértingar, fóðurtau
o. fl. o. fl.
Ýmiskonar prjónaður fatnaður.
Álnasilki, kvenslipsi, lífstykki sérlega vönduð.
Úrval af leggingarböndum úr ull, silki, lérefti og flaueli.
Flauel í fjórum litum.
Vetrarhúfur handa karlmönnum og drengjum.
Mikið af leirtaui, þar á meðal porcelins- kaffi- og choko-
ladistell, sykurkör og rjómakönnur og Asietter.
Leirkrukkur stórar og smáar, vaskastell, mjólkurkönnur, kaffi-
könnur o. fl.
Servantfötur, mjólkurfötur, kaffikvarnir og katla, naglbita, hjól-
sveifar, nafra, kommóðuskrár og kommóðulauf með hönkum af
ýmsri gerð.
Karlmanna- og barnaskór.
Ýmsar plettvörur og leikföng.
Mikið úrval af peningabuddum, vindla- og bréfaveskjum,
vasabókum og skrifmöppum.
Vel þur og hrein hvít haustull er tekin á 55 aura pundið,
og aðrar íslenzkar vörur eftir því.
Komið og verzlið, þið munuð ekki iðrast þess.
Nýjar vörur koma með s/s „Mjölni" 10.—12. þ. m.
tt:::::::::::::::::::::::::::::::::::::::::::::;:::::::::::::::::::;::::::::::::;::::::::::::::: ♦• ::::
Allir skiftavinir
verzlunar
Sn. Jónssonar
á Oddeyri eru vinsamlega beðnir
að borga, að svo miklu leyti sem
þeim er frekast unt, fyrir þ. 6.
október það sem þeir skulda
verzluninni, og svo að semja
fyrir þann dag um það, sem
þeir ekki geta greitt.
Með vinsemd og virðingu
Akureyri þ. 2. septbr. 1904.
Jóhannes Stefánsson.
Fyrir
smiði.
Verkfæri þau, sem eg hefi útsölu
á, frá hinni nafnkunnu verksmiðju
C. Tþ. Rom & Co.
sel eg með MIKLUM AFSLÆTTI
til nóvembermánaðarloka. Óað, sem
þá verður óselt, sendi eg verksmiðj-
unni aftur, og er vanséð að smiðir
geti, eftir þann tíma, fengið fyrsta
flokks verkfæri með jafngóðu
verði.
Akureyri, 4. október 1904.
Sggert Jfaxdal.
Góð kaup.
t>ar eg hefi í hyggju að hætta
verzlun minni, sel eg allar vöru-
birgðir mínar með
miklum afslæííi.
Allir þeir, sem kaupa fyrir borg-
un út í hönd, ættu því að skoða
vörur mínar áður en þeir kaupa
annarstaðar.
Allar íslenzkar vörur teknar
með háu verði.
Akureyri, 4. október 1904.
Sggerf JJaxdal.
Xa rtöflur
selur undirritaður í haust.
Jóhann Vigfússon.
Hér með tilkynnist hinum
háttvirtu viðskiftavinum
verzlunar Guðmundar &
Stefáns á Svalbarðseyri
að þeir verða að borga
skuldir sínar að öllu fyrir io. okóber
n. k., ella koma og semja um skuld-
irnar fyrir 15. september n. k. Verði
út af þessu brugðið, þá neyðist verzl-
unin til að innkalla skuldirnar með
lögsókn.
Vinsamlegast
Svalbarðseyri 20. ágúst 1904.
Guðmundur Pétursson,