Norðurland - 26.11.1904, Blaðsíða 3

35
Nl.
endur hreppsnefndaroddviti Einar Árna -
son á Eyrarlandi og hreppstjóri Sigur-
geir Sigurðsson á Öngulsstöðum.
Endurskoðunarmenn: sýslunefndarm.
Kristján Benjamínsson á Tjörnum og
Eiríkur Halldórsson á Veigastöðum.
Að síðustu var stjórnarnefndinni falið
að sjá um allar framkvæmdir búsins.
Félagsm.
%
Sextánmælí.
Það var einn góðan veðurdag í haust
að síra Matthías gekk sér til skemt-
unar út að Glerárbrú, sem þá var í
smíðum. Hitti hann þar uppáhalds-
gæðing sinn, skáldahestinn Pegasus,
hljóp þegar á bak og féll þá óðar
niður vísa þessi og var sextánmælt.
Fold grær. Framast aldir.
Fjölgar drótt. Minkar ótti.
Brýr telgjast. Fley fjölga.
Frævist skógur. Sjást plógar.
Leið styttist. Hlær heiði.
Hægist þjóð. Rísa bæir.
Sál brýnist. Skín skóli.
Skoðum þrif. Vert er að lifa.
Daginn eftir handsamaði Páll Jóns-
son klárinn, þó styggur sé, skelti hon-
um á skeið yfir brúna, hálfsmíðaða
og varð þar eftir vísa þessi og er
hún og sextánmælt.
Barr fellur. Blíða þverrar.
Brátt vetrar. Snemma náttar.
Jörð frýs. Híma hjarðir.
Hríð vex. Dynur víðir.
Ský dökkna. Skafl þykknar.
Skör lengist. Vök þrengir.
Föng rýrna. Þraut þyngist.
Þor lifi. Aftur vorar.
Síðast sást til klársins á flugaferð
norður í Þingeyjarsýslu.
X
Skólarnir syðra.
Lærði skólinn gamli hefir fengið
nýja reglugerð og nýtt nafn, heitir nú
»Hinn almenni mentaskóli í Reykjavík«.
Skólinn skiftist í 2 deildir, gagn-
frœðadeild og lœrdómsdeild, er hvor
um sig skiftist í 3 ársbekki. í gagn-
fræðadeild á að kenna íslenzku, dönsku,
ensku, kristin fræði, sagnfræði og
félagsfræði, landafræði, náttúrufræði,
stærðfræði, teiknun, handavinnu, leik-
fimi og söng. í lærdómsdeild á að
kenna íslenzku og íslenzka bókmenta-
sögu, dönsku, ensku, þýzku, frönsku,
latínu, sagnfræði, félagsfræði, náttúru-
fræði, leikfimi og söng.
Á skólanum eru í vetur 63 nem-
endur, helmingi færri en fyrir 20 ár-
um. Ekki er hún mikil afturförin.
Lœknaskólinn hefir 14 nemendur, 4
af þeim eru nýir.
Prestaskólinn hefir 9 nemendur og
eru 4 nýir.
Barnaskóli Reykjavíkur. Þar eru 450
börn í 17 deildum.
Stýrimannaskólinn. Nemendur eru 46,
16 í eldri og 11 í yngri stýrimanna-
deild og 19 í yngstu deild.
Flensborgarskóli. Nemendur eru 57,
en 13 af þeim eru í kennaradeild.
$
JCýjar bækur,
Fjörutíu íslendinga þætíir. Þor-
leifur Jónsson gaf út. Kostnaðarmaður:
Sigurður Kristjánsson.
X
Skarlafssóffin
er nú um garð gengin á Svalbarðs-
strönd að svo miklu leyti sem kunn-
ugt er og sótthreinsun nýafstaðin á
síðasta heimilinu. Sóttvörnum á því
svæði er því lokið.
Hyggilegt er það eigi að síður að
treysta varlega sótthreinsuninni og
hafa ekki óþarfar samgöngur við veik-
indasvæðið fyrstu vikurnar.
Héraðslæknir segir það hafið yfir
allan efa að skarlatssótt hafi komið
upp á Oddeyri, eins og getið er um
í síðasta blaði. Eitt barn hefir sýkst;
sóttvörn hefir verið fyrirskipuð við
veikindaheimilið.
Því miður er nokkur grunur um að
veikin hafi nokkuru áður gert vart við
sig í einu húsi 1' sömu götunni. Lækni
var ekki gert aðvart. Allir sjá hvílík
hætta vofir yfir bænum, ef menn van-
rækja þannig skýlausa lagaskyldu.
Kynbófafélag naufgripa
í Höfðahverfi hélt, eins og áður er
getið, stofnfund sinn að Grýtubakka
I. þ. m. og gengu þá í félagið um
40 menn með 120 kýr. Þó var búist
við að félagar mundu verða fleiri bráð-
lega. Formaður félagsins er Þórður
Gunnarsson kaupmaður í Höfða.
Félagið er í 3 deildum, á Látra-
strönd, í Höfðahverfi og Ut-Fnjóska-
dal. — Deildarstjórar eru Þorsteinn
Gíslason á Svínárnesi, Bjarni Arason
á Grýtubakka og Jóhannes Bjarnason
á Þverá. Eftirlitsmaður er Björn Jó-
hannsson á Skarði.
Kvöldskemfun
sú, er getið var um í næstsíðasta
blaði hafði dregið að sér hústylli og
þótti skemtun hin bezta. Fjöldi manna
varð frá að hverfa af því ekki var hús-
rúm, og var því ráðið að endurtaka
skemtunina, en því miður getur ekki
af því orðið að svo stöddu vegna
veikinda í húsi síra Geirs Sæmunds-
sonar.
Samsöng
hafði Sigurgeir Jónsson næstliðinn
sunnudag á Hótel Akureyri. Um 40
sungu, karlar og konur. Auk þess
léku saman á fiolin og orgel þeir P.
Bernburg og Sigurgeir Jónsson. Hús-
fyllir var og góð skemtun.
Ekki þarf að efa að Sigurgeir Jóns-
son á hingað gott erindi, jafnmikla alúð
og hann leggur við kenslu sfna og jafn-
mikla þekkingu og hann hefir í ment
sinni.
Talsímafélag
er nýstofnað í Reykjavik til þess
að halda uppi talsímasambandi í bæn-
um og grendinni.
Skipsfrönd
urðu 2 syðra í f. m. Timburskipið
*Fjallkonan« strandaði á Vogavík og
gufubáturinn *Oddur< á Grindavík.
Manntjón varð við hvorugt strandið.
Mannaláf.
Sigríður Jónsdóttir, ekkja Jóns Þorkels-
sonar rektors, en systir síra Magnúsar
Jónssonar, andaðist í Reykjavík 21. f. m.
á níræðisaldri. Þjóðkunn ágætiskona.
Pétur Ottesen dbrm. á Ytra-Hólmi á
Akranesi andaðist 20. f. m. Frábær at-
orkumaður.
Spurning:
Ber sóknleysingja (L 12/s 1882) að greiða
offur til sóknarprests?
Svar:
Lög 3/4 1900 virðast telja offur með
föstum tekjum presta og ber því að svara
spurningunni játandi, sbr. lög 11. maí 1882
II. gr.
X
Leiöréffing. Misletrast hefir í sfðasta
blaði í eftirmælum Stefáns Thorarensens:
gáfumensku fyrir göfugmensku.
X
Spæjarinn
Skáldsaga eftir Max Pemberton.
IFramhald.]
XXVII.
»PáIl er ekki hér,« sagði hún með ákafa,
»hannfórfrá mér í gær og ætlaði að heim-
sækja Talvi greifa, en er ekki kominn
heim aftur. Eg cr hrædd um að honum
hafi viljað til eitthvert slys. Það er ómögu-
legt að hann hafi yfirgefið mig, án þess
að segja nokkuð við mig um það. Eg heiti
Marian Best og eg hefi margsinnis heyrt
yður nefndan. »Mætti eg ekki tala ofurlít-
ið við yður —«.
Hún stóð þarna, eins og komin að spreng
af mæði og beið svarsins, en gamli mað-
urinn horfði undrandi á hana. Auðséð var að
hann hafði gaman af þessu eins og væri
það skáldleikur, svo rumdi í honum fljót-
leKa °g hann sagði við þjóninn.
»Jón, eg ætla að fara út«.
Furstinn fletti af sér ferðadúkunum með
mikilli viðhöfn og sté niður úr vagninum.
»Viljiðþér rétta mér hendina, vina mín,«
sagði hann með afsökunar róm. »Eg er gam-
all maður, og mér verður ekkert gott af vín-
inu hérna á Englandi. Búið þér hátt uppi?
Þarf eg að fara upp margar tröppur?«
Marian roðnaði.
»Við erum ekki rík,« sagði hún. »Við
þorðum ekki að flytja inn á gistihús.«
En það er algerlega óhæfilegt,« sagði
furstinn, »við verðum að sjá yður fyrir
öðru húsnæði. Fallega andlitið yðar þolir
ekki sólsterkjuna uppi undir þakinu. Ó,
já, við ætlum alveg upp í himininn!«
Sterkvaxni þjónninn studdi hann upp
tröppurnar og Marian var léttara um
hjartaræturnar en nálega nokkuru sinni
áður á æfinni. Hún treysti hjálpinni og
hjálpin kom henni svo vel, er hún var
svo einmana. Hún fekk traust á þessum
gamla manni, málrómurinn, limaburðir hans,
vingjarnlega augnaráðið og djarfmannlega
höfðingja látbragðið, alt vakti það traust
hennar.
Furstinn gekk inn í litlu, fátæklegu stof-
una og átti fult í fangi með að komast að
hægindastólnum. Hann hncig niður í hann
með þakklætis og viðhafnarlegu andvarpi,
en svitinn stóð í dropum á sköllótta enn-
inu á honum. Hann þurkaði hann af sér
með afarstórum vasaklút og dró þungt
andann.
»Þetta er fullkomið gufubað«, sagði hann,
másandi í stólnum. Þér verðið, vina mín,
að senda eftir hárskera, til þess að baða
á mér höfuðið, eða, ef þér viljið það síður,
þá gefið þér mér ögn af rauða víninu,
sem stendur þarna á matvæ!aborðinu.«
íslenzkt smjör
selur fyrir peninga
Jóhann Vigfússon.
Þér, háttvirtu viðskiftamenn,
sem skuldið verzlun
okkar undirritaðra og
engin eða lítil skil haf-
ið sýnt á þessu ári, eruð
hérmeð vinsamlegast beðnir að borga
skuldir yðar fyrir næstkomandi nýár,
eða að öðrum kosti semja um þær
við okkur fyrir 15. desember n. k.
þeir, sem eigi verða við þessum
tilmælum okkar og hvorki borga
eða semja um skuldir sínar fyrir
áðurgreindan tírna, mega búast við
lögsókn, á sinn kostnað, straks úr
nýári.
Eins og að undanförnu tökum við
6 % af öllum skuldum sem standa
yfir nýár.
Oddeyri 11. des. 1904.
Kolbeinij & Ásgeir
Haustull
°g
prjónasaum
kaupir
Carl Höepfners verzlun
HÆSTA VERÐI.
góðir fiskimeni)
geta kornist að góðum
kjörum á fiskiskipum undirritaðs
rneð því að semja sem allra fyrst
við
Sigoa/da Jórsfeinsson
á Akureyri.
Rjúpur o,
haustull
kaupir hæsta verði
Jóh- Vigfússor).
Húsið
37 í Aðalstræti er til leigu frá
1. janúar næstkomandi.
Semja má við
Jakob Gíslason,
St. Sigurðssoi) & E. Gunnarssoi)
hafa ákveðið að selja álnavöru og glisvarning með niðursettu verði nú í næsta
mánuði. — Notið nú tækifærið meðan það býðst nú í jólaösinni. — Von er á
nægum vörum þessa daga með »Kong Inge«.
íslenzkar vörur eru hér einnig borgaðar mjög vel.
Komið og reynið.
Akureyri 25/n 1904.
Steján Sigurösson & S'inar Sunnarsson.

Otto Monsteds
dansKa smjörlíki
ER BEZT.