Verkamaðurinn - 27.01.1945, Qupperneq 1
(
XXVIII. árg. Laugardaginn 27. janúar 1945. 4. tbl.
Hannibal og Alþýðusambandsþingið.
Síðan þingi Alþýðusambandsins
lauk, í lok nóvembermánaðar sl.,
hafa sum blöð, bæði hér, í Reykja-
vík og víðar, flutt hinar fáranleg-
ustu fréttir af þinginu. Þar sem frá-
sagnir þessar eru svo ósennilegar,
gerði eg ekki ráð fyrir að nokkur
maður tryði þeim, en svo mikið
kapp er lagt á að flytja þennan
ósannindavaðal, að þrjú blöð hafa
minsta kosti flutt sömu frásögnina.
Getur því ekki hjá því farið, að
manni detti í hug, að það sé hug-
myndin að berja þennan vaðal inn
í fólkið með valdi, ef annað dugar
ekki.
Hannibal Valdimarsson, skóla-
stjóri á ísafirði, skrifar þessa frá-
sögn í „Skutli". Síðan tekur „Al-
þýðublaðið" hana upp, og svo
,,Dagur“ hér á Akureyri. Hannibal
þessi gætir þess vandlega, af skilj-
anlegum ástæðum, að segja ekkert
frá því, hvernig hann hagaði sér á
þessu þingi, en framkoma hans þar
var svo með endemum, og alt hans
orðbragð, að eg tel mér vansæmd
að því að hafa það eftir. Eg verð að
segja, að eg hefi aldrei séð jafn
ruddalegan mann á ræðupalli, sem
þennan Hannibal, og sögðu þó
kunnugir, að þetta væri ekkert,
hann væri miklu vitlausari stund-
um.
Eg, sem þetta skrifa, sat þetta
umrædda þing, og vil því segja frá
gangi mála þar, þó í stórum drátt-
um verði.
Vil eg byrja á því, er kosning
þingforseta fór fram. Fram að því
hafði alt gengið hljóðalaust. Stung-
ið var upp á þrem mönnum: Þór-
oddi Guðmundssyni, Einni Jóns-
syni og Hannibal V. F.n þegar
uppástungan um Hannibal kom
fram, var undireins rokið í þennan
ólánssama mann, sem uppástung-
una átti, og það af einum hægri
manna, og honum sagt, að taka
uppástunguna til baka, (það mun
vera hér, sem Hannibal á við í
grein sinni, að þingfulltrúi hafi
verið beittur andlegri kúgun), því
ekki leið á löngu þangað til að til-
kynnt var að maðurinn hefði tekið
uppástunguna til baka.
Kösning fór þá fram, og er (illum
kunn úrslitin. Því næst átti að
kjósa 1. og 2. varaforseta. Stungið
var upp á þeim Hermanni Guð-
mundssyni og Hannibal V., og jafn-
framt samþykt af þinginu, að sá, er
færri atkvæði fengi, yrði 2. varafor-
seti. Þegar úrslit atkvæðagreiðsl-
unnar voru gerð kunn, þá neitaði
Hannibal að taka kosningu, og
hagaði hann sér þá alveg eins í
þingbyrjun, eins og hanr?, sam-
flokksmenn hans og samherjar
gerðu í þinglok, má þá öllum ljóst
vera, að framkoma, þessara manna
var öll skipulögð frá byrjun til
enda, ög skýlaust trúnaðarbrot við
verklýðssamtökin.
Dálítið þras var á þinginu um
nokkur kjörbréf, sem voru ólögleg.
Verklýðsfélögin á Sandi og Ólafs-
vík létu fulltrúakosningu fara fram
með nafnakalli, en það er þvert of-
an í lög Alþýðusambandsins. Var
félögunum þegar ljóst, að kosning-
inu var ólögleg, og settu sig í sam-
band við Sæmund Ólafsson (sam-
kvæmt frásögn hans sjálfs á þing-
inu) og spurði hann ráða. Sæmund-
ur gaf þau svör, að félögin skyldu
láta þetta danka þangað til að kært
yrði yfir kosningunni (ófyrirgefan-
legt svar frá sambandsstjórnarmeð-
limi, þar sem hann vissi vel hvern-
ig lög Alþýðusambandsins voru).
Það er því ljóst, að það var Sæ-
mundi Ólafssyni, samherja Hanni-
bals, að kenna, og engum öðrum,
að félög þessi mistu fulltrúaréttindi
á þinginu.
Þá er það fulltrúinn frá Þórshöfn.
Þessi gamli maður talaði þarna á
þinginu, og sagði frá því, að sér
hefði ekki auðnast að ná saman lög-
legum fundi í tæka tíð. Og fór
kosning hans , fram nokkru eftir
hinn tiltekna tíma. Ef einhver á
sök á því, að þessi maður fékk ekki
fulltrúaréttindi á þinginu, þá eru
það meðlimir hans eigin félags. En
eg er hinsvegar sannfærður um það,
að hann hefði verið miklu betri
fulltrúi á þingi verkamanna en t. d.
Hannibal V. — Honum var boðin
þingseta með málfrelsi og tillögu-
rétti, eins og öðrum, sem líkt var
ástatt um, en það þáði hann ekki.
Varð eg þá, satt að segja, fyrir
vonbrigðum, vegna þess, að ef hann
var kominn suður á þing í þeim
eina tilgangi (eins og hann sagði),
að leggja eitthvað gott til mála og
vinna að framgangi verklýðsmála í
landinu, sem Alþýðusamtökin berð-
ust fyrir, þá gat hann gert það eftir
sem áður, og það hefði verið vel
þegið.
Eg segi fyrir mig, og eg held flest
allra, sem á þinginu voru, að það
hefði verið jafn ljúft. að samþykkja
tillögur frá honum eins og öðrum,
þó hann gæti ekki greitt þeim at-
kvæði sjálfur.
Við atkvæðagreiðslu um kjörbréf
þessa fulltrúa var haft nafnakall.
Þá segir Hannibal V. svo frá, að
þegar röðin hafi komið að Vest-
firðing nokkrum, sem hann nefnir
svo, hafi þeir Hannibal ög hans
menn haft strangar gætur á hon-
(Framhald á 2. síðu.)
ÍW'*" T •
Aðalfundur Sjómannafélags Akureyr-
ar verður haldinn í Verklýðshúsinu á
morgun, kl. 4 e. h.
Mannfall Þjóðverja á austurvígstöðvunum
um 300 þúsund síðustu tvær vikur.
Herafli Þjóðverja í Austur-Prússlandi innikróaður.
Rauðiherinn kominn vestur fyrir Poznan og Breslau.
Hin mikla sókn Rauða hersins
hefir staðið yfir í hálfan mánuð og
sjást þess engin merki, að farið sé
að draga úr þunga hennar.
Hersveitir Rússa hafa rutt sér
leið langt inn í Slésíu og eru kömn-
ar vestur fyrir Breslau og að Oder-
fljóti á löngum kafla beggja vegna
við borgina. Meðal þeirra borga,
sem Rauði herinn hefir tekið í
Slésíu eru Oppeln, Gleiwitz og
Hindenburg.
Vestur af Warszawa heldur Zhu-
kov áfram hraðri sókn áleiðis til
Berlínar og eru hersveitir hans
komnar langt vestur fyrir Poznan,
en af hernaðarlegum ástæðum er
því haldið leyndu, hve langt þær
hafa sótt fram. Þá hafa hersveitir
Zhukovs einnig sótt fram til norð-
vesturs og tekið borgina Bydgod-
szcz (Bromberg).
Hersveitir Rokossovskys hafa rutt
sér leið gegnum Austur-Prússland
austan við hafnarborgina Elbing og
hafa þar með innikróað herafla
Þjóðverja í Austur-Prússlandi.
Sækir Rauði herinn nú að Könings-
berg, höfuðborg AustUr-Prússlands
úr austri, suðri og vestri.
í Moskva er tilkynt að af liði
Þjóðverja hafi fallið 295 þús. menn
fyrsta hálfa mánuð sóknarinnar,
auk þeirra sem hafa særst eða verið
teknir til fanga (tala fanga 86 þús.).
„Stórhríðarmót“
skíðamanna.
Skíðanefnd íþróttahúss Akureyrar
ráðgerir að halda fyrsta skíðamót vetr-
arins innan skams. Er ráðgert að svo-
kallað „Stórhríðarmót“ verði haldið ann-
an sunnudag, þ. 4. febr. inn í Búðargili.
Verður kept í svigi karla, A-, B- og C-
flokks. Er nú gott færi til skíðaiðkana,
1 enda eru skíðamenn bæjarins famir að
nota sér það og æfa af kappi undir
skíðamót vetrarins. Um miðjan febrúar
hefst Skíðamót Akureyrar og verður
nánar skýrt frá tilhögun þess þegar þar
að kemur. Þá hefir verið tilkynnt að
Skíðalandsmót í. S. í. verði að þessu
sinni haldið á ísafirði.
Ríkisstjórnin leggur 3 ný skattafrumvörp
fyrir Alþingi.
Þrátt fyrir undanfarin veltiár var
fjárhagur ríkissjóðs í heldur bágu
ástandi, er fráfarandi stjórn valt úr
sessi. Enda hafði hún alt önnur
áhugamál og var fráfall hennar því
ekki grátið nema af heildsölum og
öðrum er höfðu fengið að raka sam-
an miljóna gróða á kostnað almenn-
ings.
Ríkisstjórnin hefir því orðið að
fara þá leið að leggja ný skatta*
frumvörp fyrir Alþingi til þess að
reyna að afla fjár í ríkissjóð til að
standa straum af óumflýjanlegum
útgjöldum.
Hefir ríkisstjórnin lagt þrjú
skattafrumvörp fyrir þingið, sam-
kvæmt beiðni f jármálaráðherra, og
eru skattar þeir, er frumvörpin gera
ráð fyrir, þessir:
1. Veltuskattur. Er skattur þessi
lagður á veltu atvinnurekstrar á ár-
inu 1945 og er skatturinn Vfl% af
heildsölu og umboðssölu, 1% af
smásöluveltu og 1% af veltu iðju
— og iðnfyrirtækja. — Áætlað er að
skattur þessi nemi 9—10 miljónum
króna.
2. Gjald af söluverði fiskjar er-
lendis. Þessi skattur er lagður á ein-
staklinga og félög, sem selt hafa ís-
varinn fisk erlendis á árinu 1944 og
nemur hann 2% af heildarsölu-
Verði aflans (miðað við veiddan
afla). — Tekjur ríkissjóðs af þessum
skatti eru áætlaðar 2.1 milj. kr.
3. Viðauki á ýms gjöld, þ. e. 100%
á vitagjald, aukatekjur ríkissjóðs,
stimpilgjald, leyfisbréfagjöld og
lestagjald. Ennfremur 50% viðauki
á innlendar tollvörur og eignaskatt.
— Tekjur ríkissjóðs af þessum við-
auka er áætlað að nemi 2.8 milj kr.
Heildartekjur af öllum þessum
skattafrumvörpum eru áætlaðar
um 15 milj. kr.
Blaðið mun síðar skýra nánar frá
þessum frumvörpum.
..1 1 .....................■ ' —
Listi vinstri manna
í Verkamannafélaginu.
Vinstri menn í Verkamannafél.
Akureyrarkaupstaðar bera fram
iista við allsherjaratkvæðagreiðslu
um stjórn og trúnaðarmannaráð,
og er hann þannig skipaður:
Formaður:
Steingr. Aðalsteinsson, Þingv.str. 14.
Ritari:
Adolf Friðfinnsson, Sólvöllum.
(Framhald á 4. síðu).