Verkamaðurinn - 22.01.1960, Blaðsíða 3

Föstudaginn 22. janúar 1960
VERKAMAÐURINN
3
Fjárhagsáætlunin og Framkvæmda
sjóíur bæjarins
Oviss útgjöld raunverulega 2 millj. 685 þús. kr.
Eins og frá var sagt í síðasta
blaði var frumvarp að fjárhags-
áætlun fyrir Akureyrarkaupstað
til fyrri unxræðu í bæjarstjórn-
inni í fyrri viku. Samkvæmt
frumvarpinu er gert ráð fyrir, að
lagðar verði kr. 3.000.000.00 í
svokallaðan Framkvæmdasjóð
bæjarins. Sjóður þessi var stofn-
aður fyrir fáum árum síðan, og
hefur hann allt frá því að hann
varð til, verið notaður sem eins
konar varasjóður fyrir Utgerðar-
félag Akureyringa h.f., þ. e. a. s.
úr þeim sjóði hefur bærinn tekið
það fé, sem hann hefur lánað Ut-
gerðarfélaginu. Nú má segja, að
ekki hafi verið hægt að komast
hjá því, að bærinn hlypi þar und-
ir bagga, eins og þar var málum
komið, og ennþá hefur orðið að
hlaupa undir bagga á þessu ári
vegna aflabrests og njikilla
greiðsluvandræða hjá félaginu.
Hins vegar verður það að teljast
dálítið einkennilegt og eiginlega
óviðkunnanlegt, að sjóður, sem
ber nafnið Framkvæmdasjóður,
sé notaður til lánastarfsemi og
væri eðlilegra, að það fé, sem
óhjákvæmilegt er að lána Útgerð-
arfélaginu, væri fært sem sér-
stakur liður á fjárhagsáætlun-
inni, eða að öðrum kosti, að bær-
inn skipti um nafn á Fram-
kvæmdasjóðnum, sem kallaður
hefur verið, og nefndi hann lána-
sjóð.
Sjóður, sem kallaður er Fram-
kvæmdasjóður bæjarins, hlýtur
samkvæmt heiti sínu að vera ætl-
aður til þess að standa straum af
ákveðnum framkvæmdum á veg-
um bæjarins, og þá arðbærum
framkvæmdum fyrir bæjarfélag-
ið, en stundi bærinn lánastarf-
semi til að halda uppi rekstri eða
framkvæmdum, sem ekki eru
beint á vegum bæjarfélagsins, þá
á sá sjóður, sem lánin veitir, að
heita lánasjóður. Hitt er blekk-
ing, að nefna hann Framkvæmda-
sjóð bæjarins. Einhverjir kunna
að kalla þetta orðhengilshátt, en
svo er alls ekki, því að nafnið
Framkvæmdasjóður vekur mönn-
lun vonir um, að bærinn hyggist
ráðast í einhverjar arðberandi
framkvæmdir, og svo verða það
vonbrigði, þegar fé Fram-
kvæmdasjóðs er varið á annan
veg.
Aðeins fjárveitingar úr sjóðn-
um til byggingar dráttarbrautar
hafa verið í fullu og eðlilegu sam-
ræmi við nafn sjóðsins og þann
tilgang, sem menn almennt hafa
talið hann hafa. En það hefur
líka sérstaklega verið ákveðið í
fjárhagsáætluninni hverju sinni,
hversu há upphæð skyldi lögð til
hliðar í þessu skyni. O'g þannig
er það auðvitað, ef bærinn hefur
einhverjar sérstakar fram-
kvæmdir með höndum eða í und-
irbúningi, þá er ákveðið í fjár-
hagsáætluninni, hversu miklu fé
skuli varið til þerra hverju snni.
Það er alveg undantekning, ef
einhverjar framkvæmdir eru
ákveðnar á miðju ári, og komi
það fyrir á auðvitað að taka lán
til þeirra.
Fyrst að fjárhagsháætlun er
samin um hver áramót, og það er
lagaskylda að svo sé gert, þá á
auðvitað þar að ákveða, hversu
miklu fé verði varið til hverrar
einstakrar framkvæmdar. Með
því að leggja svo og svo mikinn
hluta af tekjum bæjarfélagsins í
sjóð, sem ekki er fyrirfram
ákveðið, hvernig verði varið, er
verið að fara í kringum lögin, og
gott ef ekki er um lagabrot að
ræða. Á frumvarpi því til fjár-
hagsáætlunar, sem nú hggur fyr-
ir, er liður, sem heitir óvænt og
óviss útgjöld kr. 185 þús., en
raunverulega má segja, að 2,5
millj. kr. af því fé, sem lagt er í
Framkvæmdasjóðinn sé einnig
ætlað til óvæntra og óvissra út-
gjalda. Er þá samanlagt til
óvissra útgjalda kr. 2 millj. 685
þús. kr., og er það nokkuð hár
hundraðshluti af útgjöldum bæj-
arins í heild eða nærri 11%. Og
fyrst farið hefur verið út á þessa
braut, gæti bæjarstjóm haldið
áfram á sömu leið og komið
óvæntum og óvissum útgjöldum
upp í 20%, 30% eða meira. Færi
þá að verða lítið gagn að fjár-
hagsáætlun, og með því að fara
út á þessa braut missir hún það
gildi, sem hún á að. hafa til að-
halds og eftirbreytni fyrir starfs-
menn bæjarins og bæjarstjórnina
sjálfa. Skál nefnt dæmi um
þetta:
Á sl. ári var hafin bygging bún-
ingsklefa og áhorfendasæta við
íþróttasvæði bæjarins. Litið fé
var fyrir hendi til þessarra fram-
kvæmda og á fjárhagsáætlun að-
eins veittar kr. 100 þús. í þessu
skyni. En hvað gerist, það eru
teknar 500 þús. kr. úr Fram-
kvæmdasjóðnum til þessa mann-
virkis. Ekki skal hér gert lítið úr
nauðsyn þessa mannvirkis fyrir
íþróttamenn bæjarins, en fjár-
veiting til þessa úr Framkvæmda
sjóði stríðir algerlega gegn þeim
hugmyndum, sem menn hafa gert
sér um notkun sjóðsins. Sé hægt
að verja fé úr sjóðnum til
íþróttamannvirkja, er alveg eins
hægt að verja því til gatnagerð-
ar, skólabygginga eða hvers sem
vera skal, með öðrum orðum
óvissra útgjalda.
Fjárhagsáætlun bæjarins á að
gera þannig úr garði, að tekjum
bæjarins sé skipt niður til út-
gjalda, éins og bæjarstjórn telur
réttast hverju sinni, en það á
ekki að láta svo og svo mikinn
hluta teknanna vera óráðstafaðan
fram eftir ári. Með því verður öll
fjármálastjórn bæjarins lausari í
reipum en ella og heldur en
æskilegt er.
Þess vegna á að fella niður
þennan lið, sem nú ber heitið
Framlag til Framkvæmdasjóðs,
og skipta því fé, sem honum er
ætlað strax í byrjun ársins til
einstakra framkvæmda. Væri t.
d. eðlilegt að fara þannig að nú
með þessar 3 millj. kr., að 500
þús. færu til dráttarbrautar, eins
og ætlað er, 500 þús. til íbúða-
bygginga á vegum bæjarins og 1
millj, yrði ætluð til að lána Út-
gerðarfélaginu, ef nauðsynlegt
reyndist, en ella yrði það fé
geymt til ráðstöfunar á næsta ári.
Þá er enn eftir 1 millj. kr. Ef sú
milljón væri strikuð út og út-
svörin lækkuð að sama skapi,
myndi hægt að komast hjá hækk-
un útsvarsstigans nú, og því yrði
vel fagnað af bæjarbúum, enda
illt í efni, ef hækka á á álagning-
arstigann, þegar stöðugt verður
erfiðara að láta launin hrökkva
fyrir brýnustu nauðsynjum og
ennþá eru boðaðar kjaraskerð-
ingar.
Slysavamarkonur, Akureyri!
Hinn árlegi fjársöfnunardagur
verður 7. febrúar og eru konur
beðnar að koma fyrir 5. febrúar
mimum og kaffipeningum, þær
sem það eiga eftir, til eftirtaldra
kvenna: Gróu Hertervig, Hamar-
stíg 39, Fríðu Sæmundar, Mark-
aðnum, Margréti Sigurðardóttur,
Fjólugötu 2, Valgerðar Frahklín,
Aðalstræti 5, og Sesselju Eldjám,
Þingvallastræti 10.
Starfsemi Filmíu
endurvakin
Nokkra undanfama vetur hef-
ur félagsskapur undir nafninu
Filmía starfað hér í bæ, eins og
víðar um land, og gengist fyrir
sýningum úrvalskvikmynda frá
ýmsum tímum, allt frá tímum
þöglu myndanna og til síðustu
ára. Einhverra hluta vegna sofn-
aði þessi starfsemi hér á síðasta
ári, en nú hafa nokkrir irngir
menn bundist samtökum um að
endurvekja þessa klúbbstarfsemi,
og hefur þegar verið ein sýning,
en gert er ráð fyrir, að þær verði
alls 10 á þessum vetri, og verður
sú næsta á morgun kl. 3 e. h. í
Borgarbíó. Ennþá er hægt að
taka við allmörgum nýjum félög-
um, og er þess vænzt, að þeir,
sem vilja vera með gefi sig fram
í Borgarbíó á.milli kl. 2 og 3 á
morgun. — Gjald fyrir skírteini,
sem gildir sem aðgöngumiði að
öllum sýningunum er kr.
85.00. ,
Myndin, sem sýnd verður á
morgun, er bandarísk og heitir á
frummálinu The Long Voyage
Home. Um hana segir svo í leik-
skrá:
Bandarísk frá 1940. Gerð eftir
leikritum O’Neill. Leikstjóri
John Ford. Handrit: Dudlev
Nihols. Myndataka: Gregg To-
land. Helztu leikendur: John
Wayne, Thomas Mitchell, Jan
Hunter. Myndin fjallar um áhöfn
á flutningaskipi, sem siglir í
stríðsbyrjun hlaðið skotfærum
frá höfn í Karíbahafi, til Evrópu.
Hér leggja saman fjórir snilling-
ar auk ágætra leikara og skapa
meistaralega lýsingu á mönnum
í skugga stríðsins, auk þess sem
leikstjóri og myndasmiður laða
fram óviðjafnanlega, myndræna
fegurð.
Eiginmaöur minn, faðir, tengdafaðir og afi okkar,
JÓHANN JÓNSSON, vélstjóri,
Eiðsvallagötu 9, sem andaðist 16. þ. m. verður jarðsunginn frá
Akureyrarkirkju þriðjudaginn 26. þ. m., og hefst athöfnin
klukkan 2 eftir hádegi.
Agústa Hinriksdóttir,
Stefania Jóhannsdóttir, Gísli J. Guðmann,
Hrönn Jóhannsdóttir, Ingiberg Egilsson,
Jón Sævar Jóhannsson og dótturdætur.
1 ¥
f Ég þakka öllum félögum mínum, vinum og félags-
± samtökum fyrir margs konar og mikla vinsemd, gjafir
£ og kveðjur á fimmtugsafmœli minu.
| EYJÓLFUR ÁRNASON.
SKRÁNING
atvinnulausra karla og kvenna
fer fram, lögum samkvæmt, dagana 1., 2. og 3. febrúar
n. k. í Vinnumiðlunarskrifstofu Akureyrar, Strandgötu
7, II. hæð.
Akureyri, 20. janúar 1960.
VINNUMIÐLUN AKUREYRARBÆJAR.
AÐALFUNDUR
Verkamannafélags Akureyrarkaupstaðar
verður haldinn í Alþýðuhúsinu sunnudaginn 24. jan.
kl. 1.30 e. h.
D A G S K R Á :
1. Inntaka nýrra félaga.
2. Venjuleg aðalfundarstörf.
3. Kjaramálin.
4. Önnur mál.
Fjölmennið, stundvislega.
STJÓRNIN.
Árshátíð
Verkakvennafélagsins Einingar og
Verkamannafélags Akureyrarkaupstaðar
verður í Alþýðuhúsinu n. k. laugardag, 23. janúar, og
hefst kl. 9 e. h.
SKEMMTIATRIÐI:
1. Sýning litskuggamynda.
2. Upplestur.
3. Gamanleikur.
4. Eftirhermur og gamanvísur (Karl Guðmunds-
son, leikari).
5. Dans.
Aðgöngumiðar verða seldir í dag á skrifstofu verka-
lýðsfélaganna frá kl. 3—7 e. h. — Verð miða kr. 40.00.
SKEMMTINEFNDIN.
Frá Kaupfélagi Eyfirðinga
Félagsmenn vorir eru vinsamlega beðnir að skila arð-
miðum sínum vegna viðskipta ársins 1959 fyrir 31.
janúar næstk.
Arðmiðum ber að skila í aðalskrifstofu vora, og skulu
þeir vera í lokuðum umslögum, er séu greinilega merkt
nafni og númeri félagsmanns.
KAUPFÉLAG EYFIRÐINGA