Verkamaðurinn - 01.04.1960, Blaðsíða 3
Föstudaginn 1. apríl 1960
VERKAMAÐURINN
3
TBEnHIHRIlIS
- vikublað -
Eemur út á Akurejri á föstu-
Útgefandi er Sosíal-
ig Akureyrar. Skxif-
blaðsins er £
. Þorsteim Jðnatansson
islcriftarverð 3er. 50.oo arg.
Blaðið ©r prentað £ Prent-
verki Odda Björnssonar h.f.
t. *«*. í í 'tb.*
HÆTTUSPIL
ÁHRIFIN a£ efnahagsráðstöfunum íhalds-
kratastjórnarinnar eru nú farin að koma í
ljós, ekki aðeins í viðskiptum hér innanlands,
heldur einnig í viðskiptum okkar við aðrar
þjóðir. Og árangurinn af þeim virðist ekki
ætla að verða glæsilegri á þeim vettvangi en
í innanlandsviðskiptunum.
Þannig lítur nú út fyrir, að strax í fyrstu
lotu eigi að koma fyrir kattarnef miklu af
þeim viðskiptum, sem við höfum átt við
Austur-Evrópuríkin á undanförnum árum og
hafa reynzt okkur mjög hagstæð vegna þess,
að þar höfum við getað selt flestar fram-
leiðsluvörur okkar á góðu verði og að mestu
eftir hendinni, þannig að ekki hafa safnast
birgðir af óseljanlegum vörum í landinu.
En viðskipti við vöruskiptalöndin byggj-
ast að sjálfsögðu á því, að við kaupum þaðan
vörur fyrir þær, sem við seljum þangað. En
nú er boðað, að veita eigi heildsölum leyfi
til að kaupa vörur yfirleitt hvar sem þeim
sjálfum dettur í hug og án tillits til þess,
hvort þau lönd, þar sem vörurnar eru keypt-
ar, vilja aftur kaupa okkar vörur. Til þess að
koma á þessani breytingu í utanríkisverzlun-
inni voru stóru eyðslulánin tekin erlendis.
Með þeim á fyrst í stað að greiða þær vörur
sem við kaupum af löndum, sem ekki vilja
kaupa af okkur fyrir jafn mikla upphæð
gjaldeyris og við eyðum til kaupa hjá þeim.
En ekki er annað líklegra en að afleiðingin
verði sú, að í landinu hrúgist upp miklar
miklar birgðir framleiðsluvara, sem við ekki
getum selt eða þá aðeins fyrir mjög lágt
verð. Gæti þá svo farið, að illt yrði ástandið,
þegar búið er að eyða stóru lánunum.
Á þriðjudaginn var mátti lesa í sjálfu Al-
þýðublaðinu, öðru aðalmálgagni ríkisstjóm-
arinnar, fyrstu fréttimar af því, hversu nú
horfir í afurðasölumálunum. Þar var frá því
sagt, að hætta væri á því, að setja yrði í gúanó
allt að 20 þúsund tunnur af freðsíld, vegna
þess að tekið hefði fyrir sölu hennar til Aust-
ur-Evrópu. — Gjaldeyrisverðmæti þessarrar
síldar mun nema um það bil 12 milljónum
króna. Einnig var upplýst, að ef ekki rættist
úr um sölu freðsíldarinnar myndi ekki verða
af neinum vorsíldarveiðum, en með því töp-
uðust gjaldeyrisverðmæti sem nema tugum
milljóna miðað við undanfarin ár.
Upplýsingar þessar komu fram í viðtali
við Sturlaug Böðvarsson útgerðarmann á
Akranesi, og upplýsti liann jafnframt, að
ástæðan fyrir sölutregðunni myndi vera sú,
að dregið hefði verulega úr innflutningi frá
vöruskiptalöndunum í Austur-Evrópu. Inn-
flytjendur myndu vera að bíða eftir væntan-
legum frílista og héldu að sér höndum um
vörukaup að austan á meðan. En afleiðingin
væri svo sú, að ekki væri unnt að selja vör-
urnar austur, þetta ætti ekki aðeins við um
lreðsíldina, heldur væri einnig farið að gæta
sölutregðu með freðfisk og fiskimjöl.
Þetta er sem sagt fyrsti árangurinn af
„frjálsu verzluninni“. En hvar stendur þjóð-
in, þegar hún hefur glatað mörkuðum fyrir
framleiðsluvörumar.
BÆJARGJALDKERASTARF
Starf bæjargjaldkera lijá Húsavfkurbæ er laust til um-
sóknar. Laun samkv. VII launaflokki (cirka kr. 6200—
6300 mánaðarlaun).
Umsækjandi þarf að hafa góða þekkingu á bókhaldi
og vera vanur skrifstofustörfum.
Umsóknarfrestur er til 23. apríl n. k.
Nánari upplýsingar veitir bæjarstjóri.
BÆJARSTJÓRINN í HÚSAVÍK.
Frá Vmnumiðlunarskrifstofunni:
Frarnboð:
Stúlkur til heimilis- og barnagæzlu á kvöldin.
6 kaupakonur (ungar) frá maílokum.
Eftirspurn:
6 ráðskonur, á sveitaheimili og með vinnuflokkum.
Tvenn hjón á sveitaheimili (sumar- eða ársráðning,
gjarna með börn).
3 stúlkur á Kristnesshæli (1 vön strax, 2 frá maí-
lokum).
VINNUMIÐLUNARSKRIFSTOFA AKUREYRAR
Strandgötu 7. — Símar 1169 og 1214.
TILKYNNING
NR. 6/1960
Innflutningsskrifstofan hefur ákveðið eftirfarandi há-
marksverð á brauðum í smásölu:
Rúgbrauð, óseydd, 1500 gr........... kr. 6.70
Normalbrauð, 1250 gr................ — 6.70
Séu nefnd brauð bökuð með annarri þyngd en að of-
an greinir, skulu þau verðlögð í hlutfalli við ofangreint
verð.
Á þeinr stöðum, sem brauðgerðir eru ekki starfandi,
má bæta sannanlegum flutningskostnaði við hámarks-
verðið.
Utan Reykjavíkur og Hafnarfjarðar má verðið vera
kr. 0.20 hærra en að framan greinir.
Söluskattur er innifalinn í verðinu.
Reykjavík, 24. marz 1960.
VERÐLAGSSTJÓRINN.
Til fermingargjafa:
SKRIFB0RÐ, mikið úrval
SNYRTIB0RÐ, margar gerðir
K0MMÓÐUR, 3ja og 4ra skúffa
PLÖTUSPILARASKÁPAR
FRANSKAR K0MMÓÐUR
BÓKAHILLUR, með og án glers
RÚMFATASKÁPAR
SKRIFBORÐSSTÓLAR
ARMSTÓLAR
VEGGTEPPI o. m. fl.
Allt með gamla verðinu.
BÓLSTRUÐ HÚSGÖGN H. F.
Hafnarstrœti 106. — Simi 1491.
Fylgist með tímanum
Vel menntaður api, sem slapp frá pólskum sirk-
usflokki, er var á ferð um Tel Aviv, lék þar laus-
um hala í þrjá sólarhringa unz hann loks náðist
aftur og var lokaður inni í búri sínu. En á meðan
hann gekk laus tókst honum að ræna fjölmarga ís-
skápa í íbúðum í borginni.
Apanum hefur greinilega verið kunn orðin sú
staðreynd, að það eru ekki allir ávextir fastir á
trjám, hann fór því í kæliskápana og tæmdi þá af
eplum, appelsínum og banönum. Hann var ekki í
neinum vandræðum með að komst inn í húsin, opn-
ir gluggar komu honum alveg að sömu notum og
opnar dyr.
Vel siðaður þjófur
Þessi saga gerðist á Manhattan í sjálfri New
York. Þjófurinn eldroðnaði og varð skelkaður
mjög, þegar húsmóðirin, frú Margaret Wortsmann,
kom allsnakin út úr baðherberginu og truflaði
hann á svo óvenjulegan hátt við að leita í íbúðinni.
En þjófsi áttaði sig þó fljótt, og mælti: „Viljið
þér gera svo vel að klæða yður í nauðsynlegustu
föt, svo að eg geti bundið yður og tekið peninga
yðar?“ Frúin hlýddi, hún fór í baðkápu og þjófur-
inn batt hana vendilega áður en hann hvarf á brott
með 2.000 kr. í peningum og 7 þúsund króna virði
í skartmunum.
Stórvirkir þjófar
Þjófar, sem eins og flestir stéttarbræður þeirra,
starfa um nætur, hafa framið umfangsmeiri þjófn-
að á Adríahafsströnd ítalíu, á milli borganna Ra-
venna og Ancona, en algengt er að stéttin ráðist í.
Ströndin er þarna fögur og eftirsótt af ferðamönn-
um og sumardvalarfólki, en þjófarnir hafa á köfl-
um rænt mestu af sandinum. Margvíslegur útbún-
aður hefur verið reyndur til að stöðva þjófana og
koma í veg fyrir að þeir kæmust með tæki sín til
strandarinnar, en allt án árangurs.
Þjófamir selja byggingamönnum á ítalíu sand-
inn dýrum dómum. Á einstökum stöðum hefur ver-
ið ekið burtu allt að 10.000 kúbikmetrum. Það er
svo sem hægt að stela fleiru en gulli og gimstein-
um, og satt bezt að segja munu menn hér skilja
svona þjófnað betur, því að hér hefur það ýmsa
góða menn hent að stela sandi og grjóti. Það er
bara í svo smáum stíl hjá okkur, að ekki er orð á
hafandi.
Hvað varð um nefið?
í borginni Dusseldorf gerðist það í fyrra mán-
uði, að 31 árs ökumaður var handtekinn og ákærð-
ur fyrir að hafa bitið nefið af opinberum embætt-
ismanni að skyldustörfum. Ökumaðurinn hafði
gerzt rostafullur inni á veitingakrá eftir að af-
greiðslumaðurinn neitaði honum um meiri veiting-
ar. Lögregluþjónn var kvaddur á vettvang, en öku-
maðurinn réðist á hann, hafði hann undir og beit
af honum nefið. Lögregluþjónninn liggur nú á
sjúkrahúsi, þar sem reynt verður að festa á hann
gerfinef.
Talar með falskri tungu
I Aachen í Þýzkalandi var tungan skorin úr
manni vegna krabbameins í henni. Nú hefur gerfi-
tunga verið grædd í munn hans í staðinn, og hann
er sem stendur að læra að tala með henni. Maður-
inn er 66 ára, en honiun miðar þó nokkuð áfram
við námið. Skurðlæknirinn telur góðar vonir um
árangur af aðgerðum sem þessarri. Gæti þá svo
farið, að flest færi að verða falskt í munnum
manna.
Notkun eiturs
Eitt sinn var það á fundi, þar sem danski þing-
maðurinn Slengerik talaði, að kona ein hrópaði til
hans af miklum æsingi:
— Ef þér væruð maðurinn minn, þá gæfi eg yð-
ur inn eitur.
Slengerik svaraði þegar í stað:
— Kæra frú, ef þér væruð konan mín, þá myndi
eg taka það sjálfur.