Verkamaðurinn - 29.04.1960, Blaðsíða 3
Föstudaginn 29. apríl 1960
VERKAMAÐURINN
3
fESÍAMifiUSI
- vikablað -
Kemux ut á Akureyri á föstu-
Útgefandi er Sásial-
strati 88. Sími 1516. Hit-
stjáxi^Þorsteizm Jonatan|son
BXaðið ©r prentað £ Prent-
rerki Odds Biörnssonar B.f.
ÞJÓÐIN FACNAR
Sjóréttarráðstefnunni í Genf er lokið. Þeg-
ar hún hófst var það von íslenzku þjóðarinn-
ar, að þar yrði gerð einhver sú samþykkt, sem
tryggði að við gætum verið óáreittir með
okkar 12 mílna landhelgi og öðlast rétt,
studdan alþjóðalögum, til að færa ennþá út
fiskveiðitakmörkin á landgrunni íslands.
En nú er ráðstefnunni lokið án þess að
nokkur samþykkt hafi verið gerð, sem gildi
hafi fyrir okkur. Við höfum ekki fengið það
tryggt, að aðrar þjóðir virði landhelgi okkar
eða fiskveiðilögsögu, og við höfum ekki feng-
ið alþjóðlega viðurkenningu á rétti okkar til
landgrunnsins. Samt íagnar þjóðin öll þeim
úrslitum, sem á ráðstefnunni urðu. Ástæðan
er sú, að það lá við borð, að verr færi og sam-
þykktir yrðu gerðar, sem færu beinlínis í
bága við okkar hagsmuni og gerðu okkur erf-
iðara fyrir.
Bretar og Bandaríkjamenn börðust af
feikna hörku fyrir því, að samþykkt yrði sex
mílna landhelgi og sex mílna fiskveiðiland-
helgi að auki, en að innan þeirrar fiskveiði-
landhelgi mættu þær þjóðir fiska áfram, sem
það hefðu gert að undanförnu. Það var ekk-
ert til sparað í ógnunum og mútum að fá
nægt íylgi með þessarri tillögu, og þegar til
lokaatkvæðagreiðslu kom, skorti aðeins eitt
atkvæði á að þessi tillaga Bretanna og Banda-
ríkjamanna næði fram að ganga.
Þetta eina atkvæði, sem skorti, tryggði
okkur óbreytt ástand, óbreyttan rétt að al
þjóðalögum. Og það var miklu betri útkoma
heldur en verið hefði, efcþessum ríkjum
hefði tekizt að fá viðurkenningu ráðstefn-
unnar fyrir því, að við værum í órétti með
okkar 12 mílur og að ekki kæmi til greina, að
við færðum fiskveiðilögsöguna ennþá út,
hver nauðsyn, sem okkur kynni að virðast á
því. Tillaga fjandmanna okkar féll og því
íagnar þjóðin öll úrslitunum, enda þótt við
fengjum ekki þá viðurkenningu, sem við ósk-
uðum eftir.
Og við höfum ennþá ríkari ástæðu til að
fagna vegna þess, að við vitum, að tilraun
Breta og Bandaríkjamanna nú til að fá sam-
þykkt um sex plús sex mílur var úrslitatil-
raun. Það vita nú allir, að framar þýðir ekki
að reyna að fá neitt slíkt samþykkt. Öll þau
ríki, sem nú þegar hafa 12 mílna landhelgi
hafa hana áfram og fleiri bætast í hópinn
Það er fullvíst, að á næstu sjóréttarráðstefnu
hvenær sem hún verður haldin, 'verður fylk
ing 12 mílna ríkjanna orðin stærri og öfl
ugri. Þess vegna er sigurinn okkar nú og
framvegis. En hitt þarf að taka til athugunar.
hvort við eigum lengur að vera þekktir fyrir
að vera í sérstöku vináttu- og hernaðarbanda
lagi við þær þjóðir, sem mest hafa gert til að
þrengja okkar rétt og möguleika tjl sjálf-
stæðrar lífsbaráttu í þessu landi. Eigum við
að kyssa iljar ræningjanna?
Ef Bretar gera aftur innrás í fiskveiðiland
helgi okkar eigum við hiklaust að svara með
því að segja okkur úr Atlantshafsbandalag-
inu. Við getum ekki verið í bandalagi við
neitt það ríki, sem treður á rétti okkar og
ógnar afkomumöguleikum þjóðarinnar.
EININGARKONUR!
Sækið allar útifundinn 1. maí. — Fylkjum liði
í kröfugöngunni. — Hefjum volduga sókn
til bættra lífskjara.
STJÓRN EININGAR.
AÐALFUNDUR
SKÁKFÉLAGS AKUREYRAR
verður haldinn föstudaginn 29. apríl kl. 8.30 e. h. í
Gildaskála KF.A.
TILHÖGUN:
1. Inntaka nýrra félaga.
2. Venjuleg aðalfundarstörf.
3. Önnur mál.
Félagar fjölmennið.
STJÓRNIN.
Frá Barnaskóla Akureyrar
Skráning 7 ára barna (fædd 1953) fer fram í skólan-
um föstudaginn 6. maí kl. 1 síðd. Frá skiptingu milli
skólanna er skýrt á öðrum stað í blaðinu. Ef barn get-
ur ckki mætt, þarf að tilkynna það. — Skólasýning
verður sunnudaginn 8. maí kl. 1—6 síðd. — Skólaslit
fara fram þriðjudaginn 10. maí kl. 2 síðd. Foreldrar
velkomnir rneðan húsrúm leyfir.
SKÓLASTJÓRI.
Frá OddeyrarskóSanum
Skólanum verður slitið 10. maí kl. 5 síðdegis. Skóla-
vinna barnanna verður til sýnis sunnudaginn 8. maí
kl. 2—5 síðdegis. Allir velkomnir.
Inntökupróf barna, sem fædd eru 1953, fer fram í
skólanum föstudaginn 6. maí kl. 3 síðdegis. Vorskól-
inn hefst miðvikudaginn 11. maí kl. 9 árdegis.
Geymið þessa auglýsingu.
SKÓLASTJÓRI.
AKUREYRINGAR - NÆRSVEITARMENN
Höfum opnað sameiginlega rakarastofu að Hafnar-
stræti 105 (áður rakarastofa Valda og Bigga). — Fljót
og góð afgreiðsla.
SIGVALDI SIGURÐSSON,
INGVI FLOSASON,
HARALDUR ÓLAFSSON.
SKRÁNING
atvinnulausra karla og kvenna
fer fram, lögum samkvæmt, dagana 2., 3. og 4. maí
n. k. í Vinnumiðlunarskrifstofu Akureyrar, Strand-
götu 7, II. hæð.
Akureyri, 22. apríl 1960.
VINNUMIÐLUN AKUREYRAR
Símar 1169 og 1214.
„Af ávöxtunum skuluð þið
þekkja þá44
Það fer ekki hjá því við lestur greinarinnar í Al-
þýðumanninum, „Ekki er fríður flokkurinn“, eftir
Braga Sigurjónsson, að maður fær góða yfirsýn um
hugarfar og innra ástand mannsins. Það má með
sanni segja, að: „Af gnægð andans mælir munnurinn."
Enda mun honum ekki hafa fundizt, að hann með
sinni háfleygu illkvittni og takmarkaða sannleika
væri að bera á borð fyrir lesendur Alþýðumannsins
neina andlega grænjaxla þann daginn.
Vegna þess, hve Bragi beinir orðum sínum og til-
vitnunum sérstaklega til mín, er eg tilneydd að svara
með nokkrum orðum, þó að dregist hafi nokkuð á
langinn.
Það er sem sé augljóst mál, að tilgangur hans er sá,
að leiða athygli lesenda frá sjálfum sér og sínu rök-
þrota öngþveiti, en benda á mig, sem eitthvert við-
undur, sem hafi orðið mér til skammar með minni
umræddu yfirlýsingu.
Þannig fer honum, sem manninum er tekur í hálm-
stráið, hann grípur í pilsfaldinn, og hyggst með því
fleyta sér yfir foraðið, en ætlar mér að standa eftir í
aurnum. I þetta skipti mun hann þreifa á því, að pils-
faldurinn er afsleppari en reynzlan hefur kennt hon-
um.
Þegar Bragi hefur svalað sinni pólitísku fanatík
með því að birta nöfn okkar 10 af 11, sem fundinn
sátu, og benda á okkur sem sérstæð afbrigði um
flokksþjónkun, og fullyrða, að við höfum ekki í nafni
hinna ýmsu stéttarfélaga komið saman, bætir hann
við: „En svo er það enn, hvort þessi ágæti fundur var
nokkru sinni haldinn.“
Þarna er sem sé hundurinn grafinn. Á bæjarstjóm-
arfundi, sem haldinn var á Akureyri í marzmánuði,
sagði Bragi, að 3 af 5 kommúnistum úr stjórn AN
hefðu skotizt saman og gert ályktun, sem birt hefur
verið frá stjórnarfundi AN. Þetta eru ummæli Braga
Sigurjónssonar mér til handa, sem eg lýsi yfir að séu
ósannindi, og eg enduitek það, að eg á ekki sæti í
stjórn á sama bekk og þeir 5 stjórnarmenn, sem hann
virðist eiga við. Eg er hins vegar ein meðal þeirra 10,
sem kalla má til utan af landinu til skrafs og ráða-
gerða um þau mál, sem til umræðu og afgreiðslu
kunna að koma milli þinga, en þing er haldið annað
hvort ár. Við stjórnarkjör eru 5 stjórnarmeðlimir
kosnir algerlega sérstaklega, og hafa þeir forgöngu
um framkvæmdir og allt starf sambandsins milli
jinga, eins og stjórnir allra félagssamtaka gera.
Hjá hinum ýmsu stéttarfélögum er forystustarfinu
sann veg háttað, að 2 eða fleiri ( eftir meðlimafjölda
félaganna) eru tilnefndir til starfs með stjórninni, er
það þá kallað trúnaðarráð og er formaður viðkom-
andi félags formaður þess. Þegar svo ber við, að ræða
þarf aðkallandi mál milli funda, kallar formaður sam-
an trúnaðarráðsfund, og hefur þá fundurinn fullt
lagalegt umboð til að gera þær ráðstafanir, sem
þurfa þykir og samkomulag næst um. Það er kannski
öruggara að taka það fram, að þetta er því aðeins
gert, að ekki sé tími til að ná saman félagsfundi. Á
sama hátt getur forseti AN kallað saman þá 4 menn,
sem með honum voru kosnir til að hafa forgöngu um
stjórnarstörf, og þá einnig okkur 10, sem úti á land-
inu búum, þegar honum þykir ástæða til. Og það var
gert í umrætt skipti.
Og vegna þess, að Bragi hefur sérstaklega óskað
eftir að fá nánari upplýsingar um þennan fund, vil eg
segja honum eftirfarandi: Það var sent út skriflegt
fundarboð og þar í birt dagskrá fundarins og óskað
eftir því, að við, sem til var talað, ræddum dagskrár-
efnið á félagsfundi, hvert í sínu félagi, og leituðum
þannig álits viðkomandi félaga um þau mál, er til
umræðu yrðu á fundinum. Persónulega get eg svarað
því til, að eg hélt bæði stjórnarfund og félagsfund
um dagskrána og fór með skriflega ályktun frá félagi
mínu um afstöðu þess.
Og eg þekki ekki nokkurn mann, sem myndi gera
veður út af því, eins og þá var og nú er háttað við-
horfi til lífsafkomu og hagsmuna íslenzkrar alþýðu,
þó að komið sé saman og rætt og athugað, hvað hægt
er og hvað heppilegast er að gera. Enda segir mér
hugur um, að þetta hafi aðeins verið inngangur að
því, sem koma skal, og þá vil eg nú biðja allar góðar
vættir að vera vel á verði um jafnvægi Braga.
(Framhald á 4. síðu.)