Verkamaðurinn - 04.01.1964, Blaðsíða 2

Á siónskífunni
„Nú árið er liðið í aldanna skaut
og aldrei það kemur til baka.“
Og þó koma þau til baka þessi
Iiðnu ár. í minningu okkar sitja
þau föst og leita á aftur og aftur
með slys sín og mistök, með sigra
sína og sælustundir. Af hvort
tveggja var þetta gengna ár ríkt
eins og flest önnur. Af slysförum
á sjó og landi var þetta ár eitt hið
versta og er það ískyggileg þróun.
Óvenjumargir bátar og skip hafa
farizt og 105 manns létu lífið af
slysum. Hér þyrfti alvarlegra
rannsókna og ráðstafana við.
Allmikil kauphækkun hefur átt
sér stað á árinu hjá embættis-
mannastéttunum, fengin með
dómi. Lægra launaðar stéttir
knúðu einnig fram nokkra leið-
réttingu með verkfalli, en þá
gerðist það undarlega, að hinir
virðast ekki þola það og heimta
einnig þá hækkun prósentvís
handa sér. Þetta virðist í fljótu
bragði ills viti. Er það tilfellið að
draumur um róttæka stéttaskipt-
ingu eigi rætur í sálum manna
hér? Eða er þjóðfélaginu þannig
stjórnað að hinar dæmdu kaup-
hækkanir embættismanna séu
þegar uppétnar í dýrtíð?
Svartfuglsvilla.
Sú undarlega svartfuglsvilla
hefur komið fram hjá ýmsum at-
vinnurekendum, einkum þeim
yngri, að kaupgjaldsbaráttan og
verkföll, séu einhver persónuleg
árás á þá. Verkfall er afleiðing.
Orsakarinnar er að leita hjá ríkis-
valdinu og þangað ættu þeir að
snúa geiri sínum.
Menn standa ekki og steyta
hnefann gegn náttúruhamförum
eins og eldgosinu við Vestmanna-
eyjar, en í sjálfu sér eru þjóð-
félagsátök af svipuðum rótum.
Vaxtarverkir ungra þjóðfélaga
geta verið sársaukafullir, en þeir
miða til góðs og eru af eðlilegum
rótum runnir. Þeim verður að
taka eins og náttúruhamförum,
með stillingu og skilningi. Orsak-
anna verður að leita og kappkosta
að afnema agnúana.
Hér á landi er stéttaskipting
raunar óþekkt fyrirbæri. En
launamálin í dag eru í óreiðu.
Hugmyndalega séð gæti verið
hætta á, að verið sé að vinna að
aukinni stéttaskiptingu gegnum
launamál og er þá mj ög illa farið.
Ég veit ekki, hvort menn gera
sér Ijósa þá hættu, sem fylgir mis-
rétti í launum. Alveg sérstaklega
er slík tilhneiging ótímabær ilú,
er heimurinn stefnir fram til jafn-
réttis og aukins andlegs þroska
allra.
Verkföllin miklu um daginn
fóru fram hér á Akureyri eins og
bezt mátti verða. Það fagnaði
þeim enginn, það er algjörlega
óþekkt að menn heyi verkfall að
gamni sínu. Þau eru og verða
nauðvörn fjöldans gegn sér óvin-
veittu þjóðfélagi. Þetta verða allir
að skilja og taka hlutunum með
sanngimi. Enda var samúð allra
með verkafólki í þetta sinn. En
það náðist aðeins hálfur sigur.
Við þurfum að fá ríkisstjórn, sem
ber hagsmuni allra jafnt fyrir aug-
um. Skipta um.
Hver er þín skylda?
Óvenjulega margir hafa kvart-
að yfir því við blaðið, að þeir
hafi orðið að lifa sem bónbjarga-
menn um hátíðina. Veitingahúsin,
sem einhleypingar sækja alla
virka daga, voru lokuð um hátíð-
ina, og þeir urðu að leita á náðir
kunningjanna um mat og drykk.
Það má einkennilegt kallast, að
hægt sé að loka slíkum stöðum
að geðþótta. Hafa veitingahús
engar skyldur við sína kostgang-
ara? Stafar lokunin af því að
þjónustufólkið neiti að vinna?
Stafar hún af því að það borgi sig
ekki að hafa opið um hátíðir
vegna hærri kaupgreiðslna. Eða
er þetta bara venjulegt hugsunar-
leysi eigenda veitingahúsanna?
Spyr sá, er ekki veit.
Hvernig verðurórið 1964?
Það er örðugt að spá. En þetta
mun gott ár. Búast má þó við
minnkandi sjávarafla og minni
og minni eftirtekju bænda af heyi
af túnum sínum. Stafar hvort-
tveggja af því, að meira er tekið
en má. Rányrkja er hér í fullum
gangi og þarf skjótt að stinga við
fótum.
Það er vandalaust að skapa
sömu verðmæti úr miklum mun
minni sjávarafla, sé fiskurinn
unninn í góða vöru til manneldis,
og bændur verða að fá stórbætta
aðstöðu til að fylgjast með því,
hvað jarðveginn skortir af áburð-
artegundum. Það er gott að afla
mikils, en það má ekki verða á
kostnað framtíðarinnar.
Arið 1964 mun verða gott.
Verði það ykkur öllum til góðs og
gleði.
Bilstruð húsgögn h.|.
AMARÓHÚSINU, AKUREYRI
óska öllum viðskiptavinum sínum
GLEÐI LEGS NÝÁRS
og þakka viðskiptin ó liðnu óri.
Alltaf vöruúrval.

Farsælt komandi ór!
Þökkum viðskiptin á árinu.
Verzl. Bernh. Laxdal.

Farsælt komandi ór!
Þökkum viðskiptin á árinu.
Valbjörk h.f.

HEIÐRUÐU VIÐSKIPTAMENN!
Gott og
farsælt komandi ór!
Beztu þakkir fyrir ánægjuleg viðskipti
á árinu sem er að líða.
Tómas Steingrímsson & Co.
Óskum öllu starfsfólki okkar og viðskiptavinum
GÓÐS KOMANDI ÁRS
Farsælt komandi ór!
með þökk fyrir viðskiptin.
Verzlunin Eyjafjörður h.f.

Farsælt komandi ór!
Þökkum viðskiptin á árinu.
Slippstöðin h.f.
Þökkum viðskiptin á árinu.
Almennar tryggingar h.f.

2) Verkomaðurinn
Lougardagur 4. janúar 1964