Þjóðhvellur - 01.12.1907, Blaðsíða 4

68
PJÓÐHVELLUR
kom inn. Eg ruddtst samt í gegnum
fylkingar og margfalda mannhringa og
neitti ósleitulega olnboganna. Mér
fanst eg hafa fullan rétt til þess eins
og aðrir, sem eitthvað láta af hendi
rakna til viðreisnar þessum bæ. Karl-
arnir urðu vondir og sögðu sem svo,
að það tæki naumast fyrir neinn að
ryðjast svona miskunnarlaust inn á
»Stjána«, því fyrst og fremst þyldi
hann engar misþyrmingar — það
mundi vera búið að koma svo við
kaunin hans, og í öðru lagi væri fund-
urinn allur í óreiðu og hreinasta »húm-
búkk«, eins og þeir væru yfirleítt þessir
borgarafundir hér. — Og það var líka
orð og að sönnu, því undir eins og
eg er búinn að koma mér í notalegar
stellingar, veit eg ekki fyrri til en Kr.
O. Þ. vaggar uþþ á þall og skammar
Hannes tetrið Hafliðason svo dæma-
lausum ruddaskömmum, út af fram-
komu hans í borgarstjóramálinu, að eg
stóð steini lostinn og verður mér þó
ekki bumbult af beiskyrðum að jafn-
aði. Svo steig Hannes í »þontuna« og
helti skömmunum í þundatali yfir kon-
súlinn, svo ósleitulega, að það hlýtur
að verða hverjum viðstöddum minnis-
stætt fram yfir næstu bæjarstjórnar-
kosningar. — Báru þeir brigslum hver
annan og má eg óhætt fullyrða, að
verri skömmum hafl fáir geflð fram-
rás, þótt leitað væri með logandi ljósi
í þingmála- og borgarafundasögu bæj-
arins næstliðin 50 ár. Sumir virtust
skemta sér þarna ágætlega, en aftur
aðrir, sem fanst fátt um þetta ástæðu-
litla (?) skítkast fulltrúanna, auk eins
eða tveggja ræðumanna, er létu íljósi
megna vanþóknun sina yflr þessari
vanbrúkun tungunnar. —
Jeg skemti mér ágætlega og get ekki
annað sagt, en að báðir stæðu sig vel.
— En almenningur tekur ekki hart á
skömmum, eins og kunnugt er, enda
væri það ranglátt gagnvart þessum
tveim fulltrúum, þvi báðir eru sóma-
menn. Eða hver skyldí svo sem vera
að tala um það, þótt sannfæring þeirra
H. og Kr. kynni svona öðru hvoru að
snúast nokkuð ört um möndul sinn í
hinum ýmsu atriðum, er fyrir koma i
deilumálum dagsins? — Begar til al-
vörunnar kemur, —• bjóst þingheimur
þessa fundar við því, að heyra rök-
réttar umræður um borgarstjórann og
vatnsveituna, en ekki sótsvartar sóða-
skammir. En mér vitanlega töluðu
ekki aðrir af viti og þekking i þeim
málum, utan þeir Jón Magnússon skrif-
stofustj. og Jón Porláksson verkfræð-
ingur; sá fyrnefndi aðallega um bæjar-
stjórann og bæjarstjórnarkosningarnar,
en liinn um síðustu úrslit vatnsveitu-
málsins í bæjarstjórninni. — Atkvæða-
greiðsla, bandvitlaus, fór þarna fram,
um það, hvort borgarbúar vildu fá
vatnsveitu, og sætta sig við málið, eins
og bæjarstjórnin hefði skilið við það.
Var það samþykt með 130 gegn 30, en
þó voru um 400 borgarar á fundinum,
en eftir því hefur ekki nema Vi hluti
þeirra greitt atkvæði.
Ef að marka má liljóðið í tilgátum
manna, þá virðist svo sem Kr. O. hafl
haldið þennan fund í þeirri von, að
»slá sér uþþ«, og afla sér almennrar
lýðhylli, og hafi svo verið, misheþn-
aðist það algerlega í þetta sinn, því
hann varð svo greinilega undir, og
gáfu flestir máli hans örlítinn gaum,
honum í vil. Ætti það að verða full-
komin bending til Kr. O. um það, að
vera ekki að þessu borgarafundabrölti
framvegis. Annar vegur sennilega hag-
kvæmari fyrir hann, til að hæklta sig
í verði, en að gerast höfundur mögu-
legra og ómögulegra borgarafunda hér
í höfuðstaðnum.
— Það verður enginn borgarstjóri á
þann hátt. —
B rj ánn.
Niðurjöfnunarnefndin.
Hún heflr nú lokið starfl sínu eins
og kunnugt er; hafa blöðin flutt ágriþ
úr niðurjöfnunarskránni, en látið starf
nefndarinnar hlutlaust að öðru leyti.
— En sannarlega væri það ekki einsk-
isvert, að vekja almenna athygli á
þeirri vísdómsfullu (!) niðurjöfnun, og
þeim fáránlega ókunnugleik á högum
manna og efnahag, sem þar kemur svo
afarvíða fram.
Eg segi að vísu ekki, að nefndin hafl
vísvitandi gert uþþ á milli manna sum-
staðar, en langt frá mér er það þó
ekki.
Látum nú vera, þótt gjöldin hafl
hækkað stórum á flestöllum gjaldend-
um; það er ekki svo mikið tiltökumál,
þegar tekið er tillit til vaxandi iitborg-
ana bæjarsjóðs, vegna aukinna fram-
kvæmda, —- að ógleymdu veislugarfl
bæjarstjórnarinnar i sumar, er þening-
unum var hóflaust hent í, rétt eins og
hér væri miljónabú -— og menn eru
nú látnir blæða fyrir alment.—Veíslu-
ÞJÓÐHV. kostar io a. nr., borgast út í hönd.
Abyrgðarm. blaðsins er Hallgr. Benediktss., Berg-
staðastr. 19. Heima kl. 3—4 og 8—10 síðd.; veitir
hann viðtöku stuttum og smellnum skrýtlum og ritgerð-
um og kemur þeim til ritstj. blaðsins. A Bergst.str. 19
geta menn líka fengið blaðið keypt alla tíma dags.
aðnjótendur hér í bæ hefðu sannar-
lega átt að bera þann kostnað sjálflr,
en ekki þeir af bæjarbúum, er als ekki
komu þar nærri, eða áttu kost á því.
Þetta blað hefur þvi miður ekki
rúm til að fletta i sundur ósamræmi
niðurjöfnunarnefndarinnar, eða gera
glöggan samanburð á ýmsum gjöldum
hinna og þessa, er hafa líkar ástæður,
en mismunandi útsvör. Það tæki uþþ
alt rúm og meira. En ekki er að efa
hversu gaman það væri.
Vonandi, að bæjarstjórninni nýju
lánist, að fá valdara lið næst í þá nefnd,
er betur sje því starfi vaxinn, og leggi
sig meira eftir, að fá áreiðanlegar uþþ-
lýsingar um efni manna og ástæður,
en fari ekki eftir ágiskun einni saman,
eða óvissum skotsþónafréttum.
Pað er bæði vanþakklátt verk og
vandasamt, að jafna niður gjöldum á
náungann, en einmitt þessvegna verð-
ur niðurjöfnunarnefndin að vera hund-
kunnug högum hans, en ganga ekki
grublandi að því verki.
Borgari.
Afgreiðsla sPjöðhv.a er á
Bergstaðastræti 19, þangað leita
drengir, er selja vilja blaðið í bæn-
um. Á Hverfisgötu 5 er blaðið
ekki lengur afgreitt.
Yngri og eldri, sem þurfa að láta
skrautskrifa á jólakort, ættu að láta þann
mann gera það, sem auglýsir sig efst á
öðrum dálki, þriðju síðu, hér í blaðinu.
Hvort heldur þér þurfið að kaupa
jólagjafir eða eitthvað annað til hátíðanna,
er betra fyrir yður að hugsa yður tvisvar
um, áður en þér gangið fram hjá verzl-
unarbúðum eða verkstofum þeirra manna,
er birta nöfn sínefst í dáikum þessa blaðs.
Drengir og stúlkur, er selja
vilja „Þjóðhvell", snúi sér til ábyrgðarm.
blaðsins, er hitta má í Gutenberg, eða þá
á Bergst.str. 19. Sölulaun: 25 aurar af
krónunni.
I»jó0hv. frá byrjun, 17 blöð, geta
menn fengið keyptan. Verð : 1 kr. 5° a
Prentsmiöjan Gutenberg.