Eimreiðin - 01.09.1910, Blaðsíða 23

179
arinnar. í’yngdin yfirvinnur þó smátt og smátt þessa mót-
spyrnu, og vélin líður skáhalt niður, þangað til hún að lokum
nemur við jörðu.
Pegar vindur er, leggur oft gust upp hæðir og fjallshlíðar.
Pegar svo stóð á, tókst Knúti að svífa talsvert upp fyrir þann
stað, sem hann lagði frá, því þegar vindurinn blés undir svifþynn-
urnar, lyfti hann vélinni upp á við. Auk þess sem Knúti tókst
að gera svifvélar sínar einfaldar, þá bætti hann þær að ýmsu
leyti, svo að þær urðu að öllu betri en vélar Lilienthals, og eigi
eins hættulegar í meðförum, þegar hvast var.
Loks koma til sögunnar tveir Ameríkumenn, bræðurnir Or-
ville og Wilbur Wright; þeir hafa átt mestan þátt í framför-
um flugvélanna. Peir voru reiðhjólasmiðir. Árið 1900 byrjuðu
þeir að gera tilraunir með svifvélar. Eftir tveggja ára tilraunir
tókst þeím að bæta svo svifvélar sínar, að þær tóku þeim eldri
mjög fram; þeir gátu svifið miklu lengra en öðrum hafði tekist,
og auk þess svifið ýmsa króka í loftinu. Vélar þeirra voru með
tveim svifþynnum og svipaði að mörgu til þeirra, er Knútur hafði
gjört.
Nú mátti segja, að annar aðalþáttur flugsins væri rakinn, því
nú gátu menn svifið að minsta kosti eins vel, ef ekki betur, en
flugíkorninn. Þá var eftir að auka loftskrúfum og hreyfivélum
við svifvélarnar, og gera þær að reglulegum flugvélum.
Fyrsta tilráun í þá átt, að smíða flugvél með loftskrúfum og
mótor, var gerð árið 1843 af enskum manni, er hét H e n s o n;
um og fyrir 1890 voru frekari tilraunir gerðar af frakkneskum
manni, að nafni Ader, og enskum hugvitsmanni Hiram Maxím.
Allar þessar tilraunir mistókust gjörsamlega. Enda voru svif-
vélarnar þá ekki búnar að ryðja brautina.
Dálítið betur tókst Ameríkumönnunum Herring 1898 og
Whitehead 1901. Þeim tókst sem sé að gera flugvélar með
loftskrúfum, sem gátu lyft sér aðeins lítið eitt frá jörðu.
Frægur vísindamaður í Ameríku, er Langley hét, bjó til
litla flugvél, og reyndi hana 1896. Vélin, sem vóg um 25 pund,
hafði 4 vængi (svifþynnur) og 2 loftskrúfur, sem knúnar voru af
lítilli eimvél. Honum tókst að láta vélina fljúga 1^/2 kílómetra, en
auðvitað var hún mannlaus.
Seinna gerði hann aðra flugvél, miklu stærri, sem átti að geta