Eimreiðin - 01.01.1918, Side 103
Eimreiðin]
PHOCAS
103
hugsaSi að eins um það, hvernig hann gæti látiS fara sem best
°g þægilegast um aökomumennina.
— ViS erum á ferö í einkennilegum erindagerðum, sagöi annar
þeirra, — og fremur ógeöslegum mun virðast, nú er við sitjum
hér i slíkri ró og næði. Fengi maður að eins að fylla kvið sinn,
karl minn, og hvíla limi sína og ekkert annað, þá væri heimur-
inn ekki svo vitlaus. En maður verður að gera sitt af hverju til
þess að halda í sér lífinu.
Phocas kinkaði kolli vingjarnlega og alvarlega. — það verður
maður. En þar eð hann var algerlega laus við forvitni, spurði
hann ekki hvaða starf það væri, sem þeir hefðu nú með höndum.
— Menn taka upp á svo mörgum illum og óguðlegum nýjung-
urn, sagði annar aðkomumanna frekjulega, og reri um leið með
klunnalegum hausnum, eins og hann gæti ekki komið neinni
hugsun af stað með öðru móti en því. Það má ekki halda svo
áfram, og hver sá, er hefir hnefa, verður að nota hann til þess
að stöðva það.
Já, menn taka upp á mörgu, hugsaði Phocas með sér, og mundi
þá aftur eftir hinum ljóta orðasveim, er honum hafði borist. En
samt sem áður vildi hann ekki fara að samsinna neinum útskúf-
unardómi um meðbræður sína, sem guð hafði skapað.
— Maður verður að taka því með stillingu og athuga rás
tímans, góði minn, sagði hann að eins. — Allir ætla þeir sér
víst eitthvað gott, þótt þeir gleymi því í flýtinum. Það er oft
leiðinlega næðingasamt á haustin, en það er til þess að fræin
geti borist með vindinum.
Maðurinn hlustaði ekki á hann, heldur hélt áfram.
— Nú erum við sendir út til að handsama þrjót einn, sem
kvað vera verstur allra með að breiða út villukenningar og ginna
aðra menn í glötun. Við eigum að flytja hann til borgarinnar
og þar verður hann að gæta sin að rispist ekki á honum bjórinn.
Við verðum að eins vingjarnlegir förunautar hans, síðan muu
hann víst fá nægju sína, ha ha .... Það var leiðin til hans,
sem við vorum að leita að, en þá vorum við gabbaðir og mættum
hvarvetna hinu argasta falsi og illvilja. Hann heitir Phocas, ef
til vill gætir þú sagt okkur hvar hann er að finna?
Phocas var að bera fram þrýstin, rauð epli í fallegustu leir-