Eimreiðin - 01.09.1920, Qupperneq 123

EIMREIÐINJ
RITSJÁ
379
aö hér sé um örstutl ágrip að ræöa, heldur eru þetta ítarlegar
æfisögur, þetta frá 30 og upp yfir 100 bls. hver, og myndir af
flestum, sem um er ritað. Eru fjölmargir afþessum ágætu mönn-
um svo aö segja þjóðkunnir á íslandi. Margir munu þekkja
Hauge, Wergeiand, Welhaven, Óla Bull, Kjerulf, Vinje, Grieg,
Björnson og Ibsen, og hafa gaman af að lesa nákvæmlega og vel
sagt frá þeim, og þá er líka gaman að kynnast hinum, sem minna
hafa verið áður þektir hér. Bókin kostar ób. kr. 21,60.
3. Frú H. Schönberg Erken : Stor Kokebok. Priðja útgáfa 1919.
Bókin ber nafn með rentu, Því Eimreiðin er nú eins gömul
og á grönum má sjá og hefir þó aldrei séð jafn stóra og vand-
aða »kokkabók« og þessa. Hún er hvorki meira né minna en
704 blaðsíður í mjög stóru broti. Og hún er með myndum, er
sýna, hvernig krásirnar eiga að líta út á borðum og þeim svo
góðum, að vatnið kemur í munninn við að horfa á þær.
Hér sýnist flest vera týnt saman, sem góðri húsmóður getur
dottið í hug að gæða á, enda stendur framan á bókinni að hún
leiðbeini i »Kokning, Bakning, Syltning, Vinlægning, Slagtning,
Hermetik, Sykekost, Menuer, Anretning«.
»Matur er manns megin« segir gamalt máltæki, og þegar þess
er gætt, sem skáldið segir að »það kvað liggja vegur til hjartans
gegnum magann«, þá sést hvílíkur fjársjóður það er, að eiga
slíka matreiðslubók. Og hún kostar ekki meira en ein sæmileg
máltíð handa fjölskyldu kostar nú í dýrtiðinni, kr. 27,60 ib.
4. Om utnyltelse av mindre vandfald heitir bók ein, ekki mjög
stór (153 bls. 8vo), sem gefin hefir verið út að ráðstöfun stjórn-
arinnar norsku. Ætti hún að eiga erindi hingað, þvi að hún
ræðir einmitt efni, sem nú er mjög ofarlega á dagskrá hér á
landi. Og það er víst, að bókin er mjög vönduð. Þó að hún
sé ekki stór, er hún samt skrifuð af þremur »fagmönnum«, og
það, að stjórnin gengst fyrir útgáfu hennar, er bæði trygging
fyrir áreiðanleik hennar og sönnun þess, að hún má að gagni
verða, því að Norðmenn eru búnir að fá mikla reynslu í þessu
efni og eru hættir fálminu. Myndir og uppdrættir eru í bókinni
öllu til skýringar. Bókin er algerlega sniðin eftir þörfum þeirra,
sem eru ólærðir sjálfir í þessum fræðum, og engum greindum
tnanni er ofraun að hafa gagn af henni. Verð hennar er að
eins kr. 3,60, og er það varla helmingur sannvirðis.
Loks skal minnast hér á stærstu bókina, sem er:
5. Aschehougs Konversations Leksikon, I. bindi. A— Blinde plet.
Hér býðst ágætt tækifæri fyrir þá, sem eignast vilja verulega
vandaða alfræði orðabók, en hafa ekki efni á að kaupa eða pláss
í skápnum fyrir hið mikla Salómonsens leksikon. Petta »kon-
versations leksikon« verður 9 bindi og koma út 2 á ári. Bókin er
i mjög stóru broti og hver blaðsíða tvídálkuð, og eru dálkarnir