Eimreiðin - 01.09.1921, Blaðsíða 27

KIMREIÐIX]
ÞJÓÐGARÐAR
28.‘í
ofanjarðarlækur, eða á, féll í eða úr vatninu, svo silungar
gætu komist í það. Steel byrjaði á því 1888 að ílytja
ferskvatnsíiska í það. Hann bar smá silungsseiði á bakinu,
í tilluktu vatnshylki, um 103 km vegar og slepti þeim í
vatnið, þetta varð fyrsti vísirinn til veiði í vatninu. Eftir
að þjóðgarðurinn var stofnaður tók stjórnin við og kost-
aði fiskiklak nálægt vatninu og fylti það með silungi; er
þar nú ágæt veiði. Ekki bætti Steel fyr en hann kom því
til leiðar, að þingið veitti nægilegt fé til þess að leggja
akveg kringum alt vatnið, svo að ferðamenn gætu notið
þar sem best náttúrufegurðarinnar. Steel var gerður að
umsjónarmanni garðsins 1913 og varð það til 1920, þá
varð hann fulltrúi garðsins fyrir hönd Bandaríkjanna.
Á nokkrum stöðum í Klettafjöllunnm hafa þjóðgarðar
verið stofnaðir til að vernda æfagömul mannvirki, kletta-
bústaði eftir Rauðskinna eða einhverja horfna þjóðflokka.
Merkastir þeirra eru »Mesa Verde« og »Casa Grande Ruin«
þjóðgarðarnir. Hér er ekki rúm til að lýsa þeim.
Bandaríkin eiga eyjuna Hawaii í K}'rrahafinu. Þar er
Hawaii þjóðgarðurinn, hann var stofnaður 1916 og er
rúmlega 305 Qkm að stærð. Garðurinn er í rauninni á
þrem stöðum. Tveir hlutar hans eru á aðal eynni, en einn
hlutinn á eyjunni Maui. Hið merkasta í þjóðgarðinum er
»Kilavea« eldgigurinn; hann er fullur af vellandi eld-
hrauni, nokkurskonar »eilífðar víti«. Á Maui eynni er
Haleakala eldgígurinn, óviðjafnanlega fagur og tignarlegur.
Hann er fjórði stærsti eldgígurinn á jörðinni, 12 km á
lengd en 3—4 km á breidd. (2 eru á Ítalíu og 1 á Japan,
og er sá stærstur).
Mount Mc Kinley þjóðgarðurinn var stofnaður 1917.
Hann er í Alaska og er 5700 Qkm að stærð. Liggur hann
hér um bil á sama breiddarstigi og ísland, eða lítið eitl
sunnar. Hæsta fjallið heitir Mc Kinley, það er 6200 m hátt.
Á árunum 1894—’96 ferðuðust menn mikið um Alaska,
bæði til dýraveiða, leita að gulli og til jarðlaga rann-
sókna. Var þá fjallinú gefið þetta nafn og kent við ötul-
asta og ótrauðasta gullnemann norður þar. Jöklar eru
töluverðir á fjallinu og vetrarríki mikið í þjóðgarðinum,