Eimreiðin - 01.09.1921, Blaðsíða 32

288
ÞJÓÐGARÐAR
[EIMREIÐIN
í sambandi við það, sem áður er sagt má minnast
□okkrum orðum á náttúru vors eigin Iands. Naumast
verður sagt að vér íslendingar höfum fengið orð fyrir að
vera sérlega náttúruelskir eða hrifnir af fegurð landsins.
Minsta kosti hefir oss ekki þótt taka því, að friða nátt-
úru landsins á einhverjum ákveðnum bletti, hvað þá
heldur í stærri stíl. Fegurð landsins sjá margir útlend-
ingar, sem hingað koma, og geta sumir hverjir aldrei dá-
samað hana nógsamlega. Sannast hér sem oftar, að glögt
er gestsaugað.
Hér gera menn yfirleitt lítið að því að ferðast um
landið til að skoða náttúru þess; og örfáir, til þess að
gera, hafa séð fegurstu og tilkomumestu staðina á land-
inu, þó að þeir séu sumir hverjir í grend við þjóðbraut.
Ameríkumenn segja: Skoðum fyrst vort eigið land, áður
en vér förum til útlanda. Og þeir hafa ekki látið sér
nægja að horfa á laudið og dáðst að því, heldur hafa
þeir sýnt það i verkinu, að þeir meta fegurðina, með því
að varðveita um aldur og æfi hið fegursta, sem til er í
náttúru þess. í þessu erum vér eftirbátar þeirra, eins og
á fleirum öðrum sviðum. En hins vegar höfum vér látið
oss sæma að ræna ýmsum náttúrugæðum landsins úr
hófi fram. Þar höfum vér drýgt svo stóra synd gagnvart
landinu, að seint verður afplánuð. Er nóg að benda á
hvernig vér höfum farið með skógana og ýmsan annan
jurtagróður, og hvernig vér höfum spilt dýralifinu undan-
farnar aldir og áratugi, og gerum enn. Með ránshendi
höfum vér látið greipar sópa um bygðir og ób}rgðir, þar
sem einhverra náttúrugæða var von, og engri skepnu hlíft,
hvort sem hún hafði nokkuð verðmæti fyrir oss eða ekki.
Ótal dæmi mætti nefna sem sanna, að vér höfum níðst
á náttúrugæðunum, ekki síður en sumar aðrar þjóðir. En
vegna þess hve veðráttufarið hér á landi er bæði kalt og
óstöðugt, hættir oss við að kenna því um, hvað landið
er hrjóstrugt, beinabert og gæðasnautt, þó að sökin sé
hjá oss, sem landið byggjum.
Hér verður ekki hjá því komist að geta þess, að nú
eigum vér bráðum á bak að sjá tveimur ránfuglategund-