Eimreiðin - 01.09.1921, Blaðsíða 103
EIMREIÐIN] HÆGRI HÖNDIN 359
að orsakaleiðin milli þessara tveggja atvika sé dálítið önnur
en sú, sem fyr var nefnd.
Auðvitað má ýmislegt íinna að þessari skýringu, en þó
sýnist svo, sem hún ætli að halda velli. En sé hún rétt,
verður auðsætt, að yfirburðir hægri handarinnar eiga sér
fastar og djúpar rætur, sem ekki er víst að verði slitnar að
ósekju eins og sumir hafa haldið fram, sem vilja láta
venja alla við, að nota jafnt báðar hendur. Þess verður
vel að gæta, að mannslíkaminn er fíngerð vél, miklu fín-
gerðari en þeir menn sýnast halda, sem vilja öllu breyta
með uppeldi og æfingum. Má t. d. minna á eitt atriði. í
vinstra helmingi heilans, þar sem stjórnarstöð hægri hand-
arinnar er, er líka stöð sú, sem stjórnar málfærinu — hjá
þeim sem eru hægri handar menn. Það er því samband
milli hægri handarinnar og málfærisins, og þetta getur
haft sínar afleiðingar. Það hefir komið í ljós, að ákafar
tilraunir til að gera báðar hendur jafnvígar, hafa valdið
alvarlegum truflunum á málfæri, svo að menn hafa farið
að stama. Kemur það af því, að æfing vinstri handar
veldur því, að í hægri helming heilans hefir farið að
myndast ný málfærisstöð, en það orsakar tvískiftingu og
truflun í stjórn málfærisins. Því hefir verið veitt eftirtekt,
að örvhentir menn stama oft og einatt, og ætti það þá að
stafa af því, að verið er að reyna að þvinga þá til þess
að nota hina höndina.
Það er hættulegt að ætla að neyða jafn viðkvæma vél
og mannslíkamann út úr eðlilegri rás. Og — með allri
lotningu fyrir likamsmentun og heilbrigðisæfingum — þá
verður að gæta þess vel, að það verði ekki til þess að
koma af stað því sem ef til vill er enn þá alvarlegra en
stamið. Það skyldi ekki vera þetta sem er þess valdandi,
að hinir ágætu kappar og heimsfrægu íþróttamenn eru oft
og einatt alt annaö en sérstök gáfnaljós.