Alþýðublaðið - 08.09.1964, Blaðsíða 2

Ritstjórar: Gylfl Gröndal (áb.) og Benedikt Gröndal. — Fréttastjórl:
Ami Gunnarsson. — Ritstjórnarfuiltrúi: Eiður Guðnason. — Slmar:
14900-14903. —, Auglýsingasiml: 14906. ' — Aðsetur: Alþýðuhúsið við
Hverfisgötu, Reykjavík. — Prentsmiðja Alþýðublaðsins. — Áskriftargjald
ltr. 80.00. — I lausasölu kr. 5.00 eintakið. — Útgefandi: Alþýðuflokkurinn.
SVARIÐ ER NEI!
LANDSÞING hernárnsandstæðinga, sem kalla
sig svo, var haldið við Mývatn um helgina eftir
að undirbúningsfundir höfðu fram farið á nokkrum
stöðum á landinu. Hefur aðsókn verið mjög lítii
og bera þessi fundahöld öll merki þess, að hér sé
um fámenna hreyfingu að ræða, sem ekki fær hljóm
grunn hjá þjóðinni.
Það er athyglisvert, að hreyfing, sem slær svo
mjög á strengi ættjarðarástar og þjóðemiskennd-
ar, skuli hljóta svo lítið fylgi. Stafar þetta ekki af
því, að tilfinning íslendinga fyrir frelsi sínu og
þjóðerni hafi dofnað, heldur sér þjóðin í gegnum
þessi samtök og þekkir eðli þeirra. Kommúnistar
ráða þessari hreyfingu og beita henni fyrir vagn
sinn, enda þótt ýmsir góðir íslendingar, sem ekki
eru kommúnistar, hafi ljáð henni fylgi sitt. Þetta
veit þjóðin. Þess vegna er fylgi hreyfingarinnar
svo lítið.
íslendingar vita, að kommúnistar eru í hjarta
sínu andvígir hlutleysi, og ætla sér aðeins að nota
hlutleysið til að draga frjálsar þjóðir inn í biðsal
Ikommúnismans., Þeir bjóðast ekki til að gera Ung-
verjaland hlutlaust, heldur tóku þeir ungverska
hlutleysissinna af lífi. Þeir vilja ekki gera Norður
Viet-Nam hlutlaust, af því að það er þegar á valdi
þeirra.
íslendingar vita einnig, að kommúnistar fyrir-
líta þjóðerniskennd og reyna að útrýma henni, til
dæmis í Eystrasaltsríkjunum. Skáld og rithöfundar.
sem hér á landi styðja svokallaða hemámsandstæð
inga og krefjast hlutleysis, eru einmitt sú mann-
tegund, sem í Eistlandi, Lettlandi og Lithaugalandi
hafa lent í fangelsum eða verið sendir til Síberíu.
Ferill íslenzkra kommúnista sýnir þjóðinni, að
þeir trúa ekki á hlutleysi, heldur er það þeim ein-
göngu pólitísk hentistefna. Þeir voru með hlutleysi
íslands um 1930 og vildu ekki, að landið gengi í
Þjóðabandalagið, af því Rússar voru ekki í því.
Þeir snerust á móti hlutleysi íslands 1937, af því
að Rússar vildu þá bandalag gegn nazistum. Þeir
tóku hlutleysisstefnuna aftur upp 1939, þegar Hitl-
er og Stalín gerðu vináttu- og griðasáttmála, og
fleygðu stefnunni enn frá sér, þegar nazistar réð-
ust á Sovétríkin 1941. Eftir ófriðmn tóku íslenzkir
kommúnistar enn upp hlutleysishugmyndina í and-
vara kalda stríðsins, en sviku hana, meðan þeir
sátu í ráðherrastólum vinstri stjórnariimar.
Er hægt að taka menn alvarlega, ,sem hafa
slíkan feril að baki. Er hægt að treysta slíkum
mönnum til að móta utanríkisstefnu íslenzka lýð-
veldisins?
Svar íslendinga er nei.
SKÓÚTSALAN
heldur áfram.
KVENSKÓR - KARLMANNASKÓR
Mikill afsiáttur — Gerið gó'ö kaup
SKÓVERZLUNIN Framnesvegi 2.
ic Trjárækt og blómaskrúff.
Minnkandi áhugi einstaklinga í borginni fyrir garS- |
í rækt. |
if Landnám í Mosfellsdal.
ir Erfitt sumar — uppgjöf.
GARÐARNIR OKKAR hafa ekki
orSiö fagrir í sumar. Sumrin eru
orðin okkur erfið. I*að er ekki ann
að sjáanlegt en að áhugi fyrir
fögrum görðum hafi minnkað síð-
astliðin tvö til þrjú ár. Ekki varð
maður var við að nokkur verðlaun
væru veitt á afmælisdegi Reykja-
víkur fyrir fegurstu garðana, enda
eru nú sumir þeirra, sem lilutu
verðlaun fyrir nokkrum árum,
orönir að malbikuðum eða malar-
bornum bifreiðastæðum. — Já,
svona er ástandiö í borginni. Mér
þótti því vænt um að fá eftirfar-
andi bréf í gær:
J. E. E. skrifar: „Það er ekki
oft sem ég sézt við ritvélina
mína og fer að skrifa í blöðin, en
ég fór að hugleiða margt í sam-
bandi við ársþing Skógræktarfél-
ags íslands, sem var haldið nú ný-
verið. — Tilefni þessara hugleið-
inga minna var, að ég og konan
fórum fyrir nokkru upp í Mos-
fellsdal, ætluðum til Þingvalla, en
okkur var svo tafsamt í dalnum,
við að skoða þar margt, að við
komumst ekki mikið lengra, enda
er ég ekki mikill ökufantur, held-
ur fer liægt yfir og skoða hvern
stað af því meiri nákvæmni.
ÞEGAR EKIÐ er inn Mosfells-
dal gnæfir Gljúfrasteinn Halldórs
Laxness við, hvítt og fagurt hús
I sem skáldið flóðlýsir á góðviðris-
kvöldum til yndis þeim er um veg
inn fara. Allmikið hefur Halldór
gróðursett af trjám og blómum og
verður garður hans unaðsreitur
öllum er árin líða. Hinsvegar veg-
arins er að vaxa upp mjög fagur
skógur við sumarbústað Ammend
runs-fjölskyldunnar, Dalakofan-
um og er nú að því að mér er tjáð
búið að gróðursetja trjáplöntur í
um fjóra liektara lands og munu
vera um það bil 30-40 mismun-
andi trjátegundir, auk óteljandi
fjölda blóma. Auk þess er þarna
s'órt og mikið vermihús með alls
kyns jurtum og sem einnig er not
að til tilraunastarfsemi.
ÞAÐ ERU UM 15-20 ár síðan
hafizt var handa um ræktun þarna
og eru hæstu tré milli 5-S metra
og þrátt fyrir miklar skemmdir í
fyrra af völdum versta kuldakasts
• (vorhrets) sem hér hefur komið á
síðari árum er ekki sjáanlegt að
mikið hafi skemmzt. Það sem mér
finnst þó mest um vert í þessum
garði er að fjölskyldan hefur ekki
keypt neinn vinnukraft heldur
unnið hvert handtak sjálf, og þetta
skapar nánust tengsl við jörðina.
Á kvöldin er garðurinn upplýstur
af mislitum perum og fyrir mig,
sem ekki er sliku vanur er slík
ljósdýrð í skógarrjóðri hrein opin
berun.
SKAMMT FRÁ er bústaður
Baldvins Jóns onar, sonar Jóns
Baldvinssonar og hefur hann einn
ig gróðursett mikið af trjám, þótt
enn sé garðurinn ungur að árum,
og má sjá hann og fjölskyldu hans
vinna hörðum höndum eftir
strangan vinnudag við að hlúa
að hinum unga gróðri. Skammt of
an við Dalakofa er bústaður Frí-
manns Helgasonar hins vinsæla
íþróttafrömuðar, og hefur hann á
nokkrum árum unnið þar hiS
mesta starf og skapað sér fagran.
gróðurreit, þar sem dugnaður hans
og útsjónarsemi njóta sín vel.
ÉG HELD ÞVÍ fram, að slíkir
staðir eða sælureitir getið opnað
augu okkar betur fyrir þeim mögu
leikum sem eru til að skrýða land-
ið okkar bæta því öll sárin er við
höfum veitt því með ofbeit og
taumlausum ágangi okkar og
bent okkur á að styrkja skógrækt
rikisins í því starfi okkar að fegra
og betra landið okkar.
ÞAÐ FÓLK sem hefur unnið
slík þrekvirki eins og þetta fólk í
Mosfellsdal því hlýtur að líða vel,
að sjá trén vaxa og fylla landiið
fuglasöng, og þótt við eigum ekki
neitt land eða höfum aðstöðu til
að gera slíkt hið sama, þá er skóg
ræktin áreiðanlega fegin hverri
hönd sem til hjálpar er rétt.“
SÆNSKUR TÆKNIFRÆÐINGUR
óskar eftir 2—3 herbergja íbúð sem fyrst.
Þrennt í heimili.
Upplýsingar fást hjá pöst- og simamálastjórninni í síma
221 gegnum 11000.
Rannsóknarkona óskast
Rannsóknarkonu (laborant) vantar nú þegar til starfa i
Kleppsspítalann. Laun samkvæmt reglum um laun opin-
berra starfsnvanna.
Nánari upplýsingar veittar í spítalanum, sími 38160.
Skrifstofa ríkisspítalanna.
2 8. sept, 1964 - ALÞÝÐUBLAÐIÐ