BFÖ-blaðið - 01.01.1967, Qupperneq 13

Enda þótt árangur væri betri á
hinum varðstöðvunum, var hann
slæmur á þeim öllum.
Mönnum virðist ganga erfiðlega
að læra að aka rétt hægri beygjur og
að lítil framför sé enn á því sviði.
Útkoman leggur þessa alvarlegu
spurningu fyrir ökumenn: hvað má
hér til varnar verða vorum sóma?
4. Vinstri beygjur.
Búast hefði mátt við að ökumenn
tækju og ækju vinstri beygju rétt. Og
það gerðu flestir þeirra er þátt tóku
í keppninni. En þó bar allmikið á
því, að ekið væri of langt frá gang-
stéttarbrún. Einnig hér þarf betur
að gera.
5. Gangbrautir.
Athugunarstöðvar þrjár. Athug-
un á því efni sýndi vítavert tillits-
leysi margra þátttakenda. Á einni
athugunarstöðinni voru 61,9% þátt-
takenda, sem ekki virtu rétt gang-
andi fólks, meira að segja 23,9%
þátttakenda ruddust áfram án þess
að taka nokkurt tillit til gangandi
fólks. Svipuð útkoma var á hinum
varðstöðunum.
Ein prófraunin var í því fólgin, að
komast að því hvernig þátttakendur
notuðu sjálfir merktar gangbrautir.
Þeir áttu að leggja bíl sínum á bíla-
stæði, og ganga svo ásamt þeim sem
í bílnum voru með þeim (fjölskyldu)
yfir götuna. Aðeins einn þátttakandi
notaði gangbrautina. Hinir fóru yfir
götuna þar sem þeir komu að henni.
Þetta sýnir virðingar- og tillits-
leysi ökumanna fyrir gangbrautun-
um.
Margir þátttakenda eru viður-
kenndir góðir ökumenn, og hinir all-
ir verða að teljast hafa treyst sér í
góðaksturskeppni. Fyrst árangur
varð slíkur hjá þessum mönnum, við
hverju er þá að búast hjá ýmsum
öðrum ökumönnum?
6. Hjálp í viðlögum.
Spurningar um hjálp í viðlögum
voru fáar, en úrlausnir lélegri en bú-
ast hefði mátt við. 66,7% spurninga
var rétt svarað, en 33,3% rangt. Það
einkennilega var að allir þátttakend-
ur svöruðu rétt 66,7% spurninga.
Allir svöruðu jafnmörgum spurning-
um rétt. En það var alveg sitt á hvað,
hverjum spurningum hver þátttak-
andi svaraði.
7. Umferðarreglur.
Spurnigar um umferðarreglur
voru lagðar fyrir keppendur. Enginn
svaraði öllum spurningunum rétt.
Fjórir keppenda, eða 19%, svöruðu
þó flestum spurningunum rétt, en 5
þátttakenda mjög fáum rétt, en
gáfu alveg röng svör við hinum.
8. Akstur samkv. umferðarmerkjum.
Svæði fyrir austan Háskólabíó.
Umferðarmerki voru 13.
76,2% keppenda óku alveg rétt.

BFÖ-BLAÐIÐ