BFÖ-blaðið - 01.01.1967, Page 18
^rá deiidum og félagsstarfi
Mótmæli gegn tóbaksauglýsinguxn
Með bréfi sínu til Alþingis, dags. 15. nóv.
1966, mótmælti Bindindisfélag ökumanna
mjög eindregið öllum tóbaksauglýsingum og
fór fram á það í bréfinu að slíkar auglýs-
ingar yrðu lögbannaðar.
Með dreyfibréfi sínu þ. 17. nóv. s.l. skor-
aði skrifstofa BFÖ á aliar deildir að mót-
mæla, hver í sínu lagi, þessari ósvinnu. Mót-
mælabréf frá tveimur deildum hafa borizt
til skrifstofunnar. Hin hafa sjálfsagt verið
send til Alþingis.
Glitmerki
Sú hugmynd hefur komið fram hjá stjórn
BFÖ að vinna að því, að glitmerki verði
lögboðin í þéttbýli. Hefur nokkuð verið
byrjað að vinna að þessu máli.
Norrænt bindindisþing hér árið 1969
Á fundi sambandsstjórnar 10. janúar 1967
var iagt fram bréf Stórstúku fslands o. fl.,
dags 9. des. 1966 (móttckið af BFÖ um
áramótin), þar sem frá þvx var greint, að
fyrirhugað væri að há hér norrænt bindind-
isþing, hið 24. í röðinni, árið 1969 og til
þess mælzt, að BFÖ yrði þátttakandi að
þessu þingi og kysi af sinni hálfu 2 fulitrúa
í undirbúningsnefnd.
Á þessum sama fundi sambandsstjórnar
voru þessir menn kjörnir sem fulltrúar: Sig-
urgeir Albertsson, formaður sambandsstjórn-
ar BFÖ, Seljavegi 27, Reykjavík og Jóhann
Björnsson, forstjóri, varaformaður Reykja-
víkurdeildar BFÖ, Þykkvabæ 15, Reykjavík.
Oktan 87 til 93
Hinn 21. des. s.l. ritaði BFÖ öllum olíu-
félögunum hér á landi varðandi það, sem
fyrirhugað er og senn mun ske, að hætt
verði að selja benzín með oktantölu 87 en að
framvegis verði aðeins á boðstólum benzín
með oktantölu 93. Taldi BFÖ að þetta gæti
reynzt varhugavert varðandi einstaka bíla-
gerðir, einkum rússneskar, og fór fram á
það við félögin að ekki yrði með öllu hætt
að selja hér hið oktantölulægra benzín. Svar
hefur nú borizt frá öllum olíufélögunum og
telja þau yfirieitt að ógerlegt sé að selja
hér nema eina tegund benzíns, enda muni
bílhrcyflum ekki stafa hætta af. Er eftir að
sjá, hvort svo reynist.
Reykjavíkurdeildin
Eins og um gat í BFÖ-blaðinu, 2. tbl.
1966, var þessi deiid þá með undirbúning
að því að halda uppryfjunarnámskeið fyrir
ökumenn. Var það haldið rétt fyrir og eftir
mánaðamótin nóv.-des. s.l. og tókst vel. Er
nú í undirbúningi annað slíkt námskeið í
febrúarmánuði og liggja þegar fyrir all-
margar umsóknir. Þetta cr prýðilegt félags-
starf og þarf að halda því áfram á hverju
ári. Svona uppryfjunarnámskeið munu vera
alger brautryðjendastarfsemi hér á landi.
Hin nýju rúðumerki BFÖ
Nú eru þau loksins komin og hafa þegar
verið send víða út um land. Félagar Reykja-
víkurdeildarinnar eru hér með beðnir að
taka þau hið fyrsta á skrifstofu Ábyrgðar hf.
- og koma þeim á bílana.
18
BFÖ-BLAÐIÐ