BFÖ-blaðið - 01.01.1981, Blaðsíða 4

Félagafjölgun
Nú hafa allflestir télagsmenn fengið heimsenda
gíróseðla vegna félagsgjalda og hvetjum við þá sem enn
eiga eftir að greiða gjaldið að gera það sem allra fyrst.
Með gíróseðlunum voru litlar blokkir með umsókn í
félagið. Gefst félagsmönnum kostur á að safna nýjum
félögum og vera þannig með í þeirri söfnunarherferð
nýrra félaga sem nú stenduryfir. Þeir sem safna þannig
félögum á tímabilinu 1. febrúar - 1 5. maífá heimsendan
happdrættismiða fyrir hvern félaga sem þeir koma með í
félagið. Höfðu í lok febrúar 20 nýir félagar bæst í
hópinn, en þeir fá einnig heimsendan happdrættismiða.
Hér gefst tækifæri fyrir félaga að fá fjölskyldur sínar með
í félagið en fjölskyldufélagar greiða Vi félagsgjald, það
sama gildir um félaga yngri en 17 ára.
Við viljum einnig vekja athygli á því að hægt er að nota
umsóknareyðublöðin seinna meir og ekki eingöngu
fram í maí.
Afsláttarlisti
Afsláttarlisti félagsmanna á ýmiskonar þjónustu er með
í blaðinu. Tekið skal fram að fyrirtækjum hefur fjölgað
sem veita félagsmönnum afslátt. Félagsmenn eru
hvattir til að nýta sér þennan afslátt. Munið að sýna
félagsskírteinin.
Ökuleikni '81
Nú er hafinn undirbúningur á Ökuleikni '81. Er ætlunin
að halda keppnir á 20-25 stöðum um landið og verður
keppnin uppbyggð á svipaðan hátt og í fyrra en þó með
nokkrum breytingum.
Leggjum okkur fram við söfnun nýrra félaga.
Eins og fram kemur hér á undan, þá stendur nú yfir
söfnun nýrra félga.
Ég skora á félagana hvern og einn að taka á sig rögg og
safna nýjum félögum.
Ræðum málið við vini og kunningja og höfum
eyðublöðin við hendina þegar færi gefst.
Það er auðveldara en margur hyggur að ræða um
bindindi og bætta umferðarmenningu.
Hver veit nema að sá sem þú ræðir við vilji leggja lið og
gerast félagi í BFÖ.
Tökum málið alvarlega.
Söfnum liði. Gunnar Þorláksson
forseti BFÖ
Akstur tveggja bíla af sömu gerð 2800 km, eða sömu
vegalengd og tvisvar hringinn í kringum landið.
Hámarkshraði bílanna mátti vera, A = 90 km/kl. B = 130
km/kl B lendir 25-30 sinnum oftar í hættu, en fer þó
aðeins 3 km lengra á klukkutíma. Tilraun þessi var gerð í
Sviss.
I. Tími sem tók aö aka.
II. Bensíneyðsla
III. Ekið fram úr vörubílum
IV. Ekið fram úr fólksbílum
V. Ekið fram úr dráttarvélum.
VI. Snarhemlað.
VII. Slit á hjólbörðum.
Síðustu ár hefur aukist mjög áhugi manna fyrir því að
spara bensínið við notkun einkabíla. Margir hafa leyst
þetta vandamál með því að kaupa minni og sparneytnari
bíla. Hefur sú ráðstöfun gefist vel hjá mörgum en þó ekki
öllum og hafa menn verið mjög óánægðir með bílana
þegar þeir hafa farið að bera sína eyðslu saman við það
sem umboðin gefa upp. Kemur það til af því að ekki er
sama hvernig bílnum er ekið. Allir bílar hafa sinn
kjörhraða sem er á flestum fjölskyldubílum 50 til 70
km/kl. Þegar bíl er ekið hraðar eða hægar eykst eyðslan
og getur munað all verulega eða um 60%við 100til 110
km hraða.
Það er sama hvaða rannsókn við skoðum allar benda til
hins sama, að bensíneyðsla sé meiri eftir því sem hraðar
er ekið.
Við höfum hér tvö súlurit sem sýna okkur vel hver áhrif
hraðans eru á bensíneyðslu bíla.
A. sýnir okkur hvernig bensíneyðslan eykst við meiri
hraða. Þarsegjum viðaðbílleyði 100við70km hraða og
þá sést að eyðsla hefur aukist um 19% við 90 km hraða
og 59% við 110 km hraða. Þegar verið er að minnka og
auka hraða á víxl er um enn meiri eyðslu að ræða og er
því heppilegast að aka á sem jöfnustum hraða eftir
aðstæðum. Þá er ekki um að ræða tímasparnað í
samræmi við hraðari akstur. Það sjáum við á súluriti B.
þar sem tveir eins bílar voru látnir aka 2800 km á vegum
í Swiss eða sem svarar tvisvar hringveginn um (sland.
Bíll A mátti fara hraðast á 90 km/kl. og var meðalhraði
hans 62.1 km/kl. Til að komast 3 km lengra á klst. er B.
25 til 30 sinnum oftar í hættu en A. og eyðir 20% meira
bensíni.
það mætti segja mér að flestir hafi vitað þetta áður og
það gerum við, en ekki er nóg að vita, ef ekki er farið eftir
því. Brynjar Valdimarsson.