Skólablaðið - 01.04.1912, Blaðsíða 2
50
SKÓLABLAÐIÐ
fengið til hans mann, sem fylli það tilfinnanlega skarð, er Sig-
urgeirs Asgeirssonar misti við; en hans verk er það — honum
að þakka að skóíinn hefur lifað og starfað.
Það er einmitt vandinn að fá mann til þessa skóla, sem hafi
vilja og kraft til að halda honum uppi, og það er einmitt vand-
inn að fá til unglingaskóla þeirra, sem verið er að stofna af
nýju, menn er færir séu um að stjórna þeim og kenna í þeim.
Það stoðar auðvitað lítið að hrófa upp skólum án þess að
eiga kost á sæmilegum verkamönnum við þá. Það fylgdist að,
að stofnaður var kennaraskóli og sett ný lög um aukna barna-
fræðslu. Mátti síst seinna vera að stofna kennaraskólann. Hann
hefði að réttu lagi þurft að vera stofnaður Iangtum fyr. Frá
kennaraskólanum má búast við full færum mönnum til barna-
kenslannar, þó að þeir verði auðvitað misjafnir. En þeim er
ekki meira ætlað en að verða á þessum afar stutta tíma — ein-
um 18 ntánuðum — færir um að leggia Tyrsta grundvöllinn,
og ekki meira ætlandi.
Unglingaskólarnir eru að svo stöddu mjög á reiki einnig
að því er frœðslukröfurnar snertir, eins og að líkindum ræður þar
sem þeim er enn ekkí með lögum markað neitt ákveðiðsvið. í
sumum þeirra lítið kent annað en það sem ætlast er til að börn
um 14 ára aldur hafi lært, og síst meira en þau hafa lært í
hinum betri barnaskólum. En takmarkið verður að setja hærra.
Og þá verður og að setja hærra mark fyrir mentun þeirra
manna, sem eiga að stýra þeim og vinna við þá.
Hvaða markmið ættu unglingaskólarnir að setjasír? Undir
því er auðvitað komið, hvernig mentun kennarar þeirra eiga að
hafa fengið.
Gætum að á hvaða aldri Jrað fólk mun alment verða, sem
sækir þessa skóla. Fyrst um sinn verða þeir eflaust sóttir af
fólki á mjög mismunandi aldri; en með tímanum mun það
verða á aldrinum 14—18 ára, yfirleitt. Þeir sem æft hafa náms-
gáfur sínar nokkuð til niuna á barnsaldri, t. d. með því að
ganga í barnaskóla eða farskóla, eða notið nokkurrar verulegrar
heimafræðslu, eru á þessum aldri orðnir vel hæfir til náms og
hafa fengið þroskaðan skilning. Þeim má því ætla talsvert mikið
nám á tiltölulega stuttum tíma,