Skólablaðið - 01.07.1912, Blaðsíða 13
SKOLABLAÐIÐ
109
Kvæðakver fyrir börn.
(Gamankvæði, leikir o. fl.)
Þar eð við kennarar við barnaskólann hér á Akureyri höf-
um eignast þó dálítið af gamankvæðum og leikjum fyrir börn
á undanfarandi árum, og fjöldamargt er til af þess háttar til og
frá í b!öði:m og bókum, þá langar okkur til að koma svona
löguðu kveri út innan skamms, ef kringumstæður leyfa. En
margt kann að vera til í fórum einstakra manna, sem gæti átt
vel við í safn þetta, ýmislegt sem aldrei hefur verið prentað,
eða er í fárra manna höndum, þó prentað hafi verið.
Væri okkur mjög mikil þökk á, ef kennarar, eða aðrir góðir
menn, sem þetta lesa, vildu senda okkur það, sem þeim þætti
vel viðeigandi, eða benda okkur á það. En æskilegt væri að
það gæti orðið sem allra fyrst.
Vel má vera að einhver annar sé á leiðinni með sams-
konar kver. Hver baukar í sínu horni! Væri ekki gottað leggja-
saman, þegar svona stendur á?
Akurevri í maí 1912.
Halldóra Bjarnadóttir.
Stafsetningarmálið.
Stúdentafélagið á Akureyri hefur nýlega hreyft því máli
með því að skrifa fræðslumálastjórninni, og biðja hana hlutast
til um
1. að lögboðin verði einhver ákveðin stafsetning á íslensku
og skuli þeirri réttritun fylgt í öllum skólum, á öllum
skólabókum, á öllum ritum, er stjórnarráðið gefur út sjálft
og ölluin bókum, sem gefnar verða út með styrk af lands-
fé; og
2. að hún láti hina færustu íslensku-fræðinga semja handhæga
stafsetningarorðabók, sem síðan yrði gefin út á kostnað
landssjóðs, fyrirskipuð sem leiðbeinandi bók í öllum skól-
um og seld við svo vægu verði sem unt er.