Alþýðublaðið - 19.06.1965, Side 9
Brasilía Brancos
CAESELO Branco marskálkur,
forseti Brasiliu, hefur heitið nýj-
um þingkosningum bráðlega, en
er staðráðinn í því að vinstrisinn-
ar fari ekki með sigur af hólmi.
Kosningarnar fara fram í októ
ber og verður m. a. kosið um 11
fylkisstjóra. Búizt er við, að for-
setakosningar fari fram á næsta
ári.
Það var Castelo Branco sem
stjórnaði byltingu hersins gegn
vinstristjórn Goularts forseta 1.
apríl í fyrra. Öngþveiti ríkti í
landinu, en horfurnar í efnahags-
málum eru mun bjartari nú en
fyrir einu ári. En þótt stjórnin sé
traust í sessi játa fylgismenn
hennar, að henni hafi ekki tekizt
að fá öllu því framgengt, sem hún
ætlaði sér.
Stefna stjórnarinnar var ein-
föld: Að brjóta kommúnista, sem
komust til áhrifa í stjórnartíð
Goularts, á bak aftur, stöðva verð-
bólguna og útrýma spillingu. Að-
eins fyrstnefnda atriðið hefur ver-
ið auðvelt viðureignar, ekki sízt
vegna þess að kommúnistar eru
klofnir í Peking- og Moskvu
kommúnista og að leiðtogi þeirra
Luis Carlos Prestes er kominn á
efri ár.
•k Fallizt á
stjórnina.
Branco hóf stjórnarferil sinn
með því að svipta 67 af 409 með-
limum þingsins stjórnmálaréttind
um næstu tíu árin, og þrír fyrr-
verandi forsetar, Kubitschek, Qua-
dros og Goulart, sættu sömu með-
ferð. Minniháttar uppreisn var
bæld niður á Amazon-svæðinu án
þess að til vandræða kæmi, svo og
minniháttar herhlaup skæruliða
frá Uruguay.
Yfirleitt sætti hinn sundurleiti
hópur brasilskra stjórnmálamanna
sig furðanlega vel við byltinguna.
Jafnvel flokkur Goularts og Varg
asar, hins gamla einræðisherra,
PTB, hét því að verða jákvæður í
gagnrýni sinni á stjórnina. Blöðin
eru frjáls og gagnrýnin og Castelo
Branco, sem er heiðvirður maður
en ef til vill með takmarkaða
stjórnmálahæfileika, ræðir við
helztu stjórnmálaleiðtogana um
tillögur sínar.
Um þessar mundir vinnur hann
að samningu nýrra kosningalaga.
Hann vill, að lögin verði til þess
að hinum mörgu stjórnmálaflokk-
um fækki, en samt er talið að hlut
fallskosning verði ekki afnumin.
Búist er við að sett verði ákvæði
um ákveðið lágmarksfylgi til þess
að flokkar fái þingmenn kjörna.
Þótt sumir stuðningsmenn
Brancos hafi vonað að marskálk-
urinn gerði róttækari ráðstafanir
er almennt álitið, að ef umbætur
hans verði langlífar muni minni
spillingar gæta í stjórnarfarinu og
að völd stjórnmálaforingja í
sveitum landsins minnki.
★ Mistök.
Stjórnin hefur aldrei verið vin-
sæl og hefur gert skyssur. Nýlega
. var níu Kínverjum vísað úr landi
fyrir njósnir eftir löng réttar-
höld, þar sem verjandinn gerði
harða hríð að sækjandanum, og
Miguel Arrais, fv. fylkisstjóri í
Pernambuco, var látinn laus gegn
tryggingu unz réttarhöld fara
fram í máli hans vegna ákafrar
baráttu. fyrjr málstað fylkisstjór-
ans érlendis. í einu kosningunum,
sem fram hafa farið í ár, borgar
stjórakosningunum í Sao Paulo,
vann E. Lima yfirburðasigur á
frambjóðanda „byltingarsinna“
með því að berjast fyrir því, að
Jaio Quadros fengi aftur réttindi
sín í heimaborg sinni. En formæl-
endur stjórnarinnar telja þetta
ekki skipta miklu máli, ekki
Kortið sýnir legu Brasilíu.
fremur en áframhaldandi andstaða
háskólastúdenta.
Forsetinn, sem er fæddur í
Norðausturhéraðinu, þar sem
mikil örbirgð er ríkjandi, og
barðist undir forystu bandaríska
hershöfðingjans Mark Clarks í
brasilska herliðinu á Ítalíu í heims
styrjöldinni, hefur komizt að raun
um, að efnahagsmálin eru erfið-
ust viðfangs. Verkalýðslög frá
dögum Vargasar leiða til atvinnu
leysis og of fjölmenns starfsliðs,
einkum hjá hinu opinbera, svo að
margir stunda aukastörf. Þó eru
lægstu laun aðeins um 1000
krónur á mánuði í nokkrum fylkj-
um.
★ Erfið barátta.
Baráttunni gegn verðbólgunni
miðar hægt áfram, enda liggja ræt
ur hennar djúpt. í árslok 1964
hafði framfærslukostnaðurinn
hækkað um 86.6% miðað við
1963 og í Rio de Janeiro hækkaði
kostnaðurinn um 7.8% í marz mið
að við 5.8% í febrúar.
Stjórnin vonast til að geta lagt
fram hallalaus fjárlög 1966, hef-
ur komið á fót nýjum landsbanka
og á í viðræðum við grannríki um
möguleika á stofnun sameiginlegs
markaðar Suður-Ameríku. En
erfitt er fyrir útlendinga að
skilja mótsögnina, sem í því felst,
að í landi sem er eins auðugt og
Brasilía, er mikil örbirgð og 55%
ibúanna ólæsir og óski-ifandi. Það
sem valdið hefur byltingarmönn-
um hvað mestum vonbrigðum er,
að árangur þeirra leiddi ekki til
meiri erlendrar fjárfestingar en
raun varð á.
Framliald á 15. siðu
Ferðamenn afhugið
Hótel Akureyri tekur á móti gestum til gistingar.
Matur afgreiddur allan daginn.
Sjálfsafgreiðsla. — Góð og fljót þjónusta.
HÓTELAKUREYRi
SÍMI 12525.
Verkakvennafélagið Framsókn
Félagsfundur á morgun, sunnudaginn 20. júní, í IÐNÓ
kl. 3 e. h.
FUND AREFNI:
1. Skýrt frá samníngaviðræffum.
2. Önnur mál.
Félagskonur! Fjölmennið og mætið stundvíslega.
Verkakvennafélagið Framsókn.
VERKSMIÐJA VOR
*
verður framvegis lokuð á Iaugardögum.
★
H.f. Raftæklaverksmiðjan
Hafnarfirði.
Hafnfirðingar!
Allt / ferðalagið
Tjöld — Svefnpokar — Bakpokar — Vind-
sængur — Ferðasett — Gastæki o. m. fl.
Kaupfélag Hafnfirðinga
Vesturgötu 2 — Sími 5Ö292.
GOLFTEPPI
íslenzk gólfteppi — Wilton.
Ensk gólfteppi — Wilton, Axminster.
Sýnishorn fyrirliggjandi. — Athugið verð
og gæði.
GóEfteppageréin h.f.
Skúlagötu 51. — Sími 23570.
(Hús Sjóklæðagerðar islands).
Augiýsingasími
ALÞÝÐUBLAÐSINS
er 14906
ALÞÝÐUBLAÐIÐ - 19. júní 1965 {}