Alþýðublaðið - 25.06.1965, Blaðsíða 4
Ritstjórar: Gylfi Gröndal (áb.) og Benedikt Gröndal. — Ritstjórnarfull- ,
trúi: Eiður Guðnason. — Símar: 14900 - 14903 — Auglýsingasími: 14906. j
Aösetur: Alþýðuhúsið við Hverfisgötu, Reykjavík. *- Prentsmiðja Alþýðu- |
blaðsins. — Askriftargjald kr. 80.00. — I lausasölu kr. 5.00 eintakið.
Utgefandi: Alþýðuflokkurinn.
Sparnaður og lífeyrir
NORSKA STÓRÞINGIÐ fjallar þessa daga um
lífeyrissjóð fyrir alla landsmenn og telja jafnaðar-
menn, sem málið flytja, það vera mestu félagslegu
umbótalöggjöf í sögu Noregs. Ætlunin er, að hið nýja
ikerfi taki til starfa 1. janúar 1967. Byggist það á
jöfnum ellilaunum til allra, en viðbótarellilaunum,
.sem verða mismunandi eftir tekjum manna á beztu
.starfsárum þeirra, þó að vissu hámarki. Þannig á að
tryggja gamla fólkinu jafnrétti og veita því sem
líkust lífskjör í ellinni og það hafði á beztu árum
sínum.
Um mál þetta var í aðalatriðum ekki deilt í
norska þinginu. Hins vegar reyndust vera skiptar
skoðanir um þá sjóði, sem hið nýja tryggingakerfi
myndar, og notkun þeirra. Var það sama saga og í
■Svíþjóð, þar sem hægri flokkarnir reyndust hafa allt
aðrar skoðanir en jafnaðarmenn á því, hve mikil
sjóðsmyndun trygginganna mætti vera og til hvers
mætti lána sjóðina.
Slíkt kerfi fyrir heila þjóð safnar á fáum árum
milljarðasjóðum. í Noregi segja jafnaðarmenn, að
þessa sjóði eigi að nota til að tryggja viðgang efna-
hagslífsins í heild og bæta afkomu þjóðarinnar.
Benda þeir fyrst á húsnæðismál og síðan á ráðstaf-
anir til að tryggja skynsamlega byggð landsins. Eigi
að beina fénu til ákveðinna verkefna, en láta það
renna um ríkisbankana.
Um leið og heil þjóð kemur á fót slíku trygg-
ingakerfi sjálfri sér til tryggingar, er að sjálfsögðu
<um að ræða almennan sparnað, og sjóðirnir eru spari-
fé fólksins sjálfs. Það hefur tekið á sig nýjar greiðsl-
ur til að koma tryggingunum á fót. Því ber að nota
sjóðina fólkinu til góðs.
Um leið og hið nýja kerfi kemur til framkvæmda
í Noregi, hækka ellilaunin um allt landið, en þau
hafa allir fengið sjötugir og eldri. Verður launaupp-
hæð hjóna 8.100 norskar krónur, en er í dag 6.300.
Var það algert skilyrði jafnaðarmanna, að þessi hækk
un yrði gerð um leið og nýja kerfið kemur til fram-
kvæmda. Við þessa tryggingu bætist með tímanum
viðbótartryggingin, sem verður mismunandi eftir
því, hvað menn hafa til hennar lagt á beztu árum
sínum. Þó verður þar nokkur jöfnun, svo að lág-
launafólk fær á elliárum hærri prósentu af fyrra
kaupi sínu en hálaunafólk.
íslendingar eru enn stytzt komnir hinna nor-
rænu þjóða í þessu máli, en ríkisstjórnin hefur látið
fram fara á því ítarlega athugun. Er vert að kanna
ekki aðeins félagslega hlið sjálfs ellilífeyrisins, held-
ur og hvaða áhrif stóraukinn sparnaður og möguleik-
ar til útlána gætu haft, til dæmis á sviði húsnæðis-
mála. Sú hlið líftrygginga hefur jafnan haft mikil
áhrif á áhuga íslendinga á lífeyrissjóðsmálum.
4 25. júní 1965 - ALÞÝÐUBLAÐIÐ
Ný bók eftir Ólaf Jóh. Sigurðsson
Verð ób. kr. 230 — ib. kr. 280 — (+ söluskattur)
HEIMSKRINGLA
hannes ©©
á horninu
AF TILEFNI UMMÆLA í pistíi j
mínum í gær í bréfi frá G, um
tryggingamál skal það' tekið fram: |
í v'aisahandbókinni eru allar helztu
upplýsingar um tryggingakerfið
að finna. Allar upplýsingar er og
hægt að fá lijá umboðsmönnum
Tryggingastofnunarinnar um íög
og meginreglurnar. Þó að þessir
umboðsmenn séu trúnaðarmenn
stofnunarinnar og umboðsmenn
hennar, eiga þeir vitanlega að
veita allar upplýsingar og aðstoð
isem þeir ge!a í té látið til þeirra,
sem þurfa að leita hjálpar-
TRYGG-INGAKERFIÐ hefur
undanfarna áratugi verið í sköpun
og br-eytingar hafa verið svo 'örar
á lögunum og þó fyrst og fremst
á upphæðum til hinna tryggðu
til dæmis vegna verðbólgunnar, að
varla hefur verið þornuð prent
svertan á reglunúm þegar þeim
hefur verið breytt. Þetta hefur
meðal annars orðið til þess, að
erfitt hefur verið að gefa út bækl
inga eða rjt með nákvæmum upp
lýsingum. ,
ÞÁ ER ÞESS AÐ geta, að það
mun reyna^t næstum ókleift að
gefa tæmandi upplýsingar um
reglur sem farið er eftir og þá
einna helzt í sambandj við slysa
tryggingarnar vegna þess, að mat
þeirra fer svo mjög eftir eðli
síysa, aðstæðum og a*burðum. Allt
slíkt verður að metast af sérfróð
um mönnum í hverju tilfelli. Hins
vegar er vitanlega farið eftir lög
um og meginreglum-
EF MAÐUR VERÐUR fyrir slysi
og veikindum af völdum þess, verð
ur umboðsmaður trygginganna ut
an Reykjavíkuj- að veita viðkom
andi allar upplýsingar, sem þörf
er á, og síðan að gefa skýrslu um
slysið og byggja á umsögn lækn
is eða lækna, en senda síðan
Tryggingastofnuninni. Það skal
að lokum tekið fram, að rætt hefur
verið um útgáfu upplýsingarita.
Nú er í þann veginn að hefjast úl
gáfa á sérstöku tímariti Trygg
ingastofnunarinnar um félagsleg
málefni og í því verður allt birt
sem snertir tryggingarnar, rétt
indi og skyldur hinna tryggðu og
lög og reglur, sem trygginarnar
lúta.
i
ÉG IIEF HLUSTAÐ af mikilli á
nægjú á leikrit Gunnars M. Magn
úss um Bólu Hjálmar- Þetta er
vel gert útvarpsleikrit og bæði
höfundi og leikstjórn, einnig leik
endum til mikils sóma. Þet+a er
tv-'mælalaust bezta ritverk skálds
ins. Það er hnitmiðað, skýtur ekki
Upplýsingar um
tryggingamál.
★
Mjög örar breytingar.
★
Umboðsmennirnir og
Tryggingastofnunin.
★
Leikrit Gunnars M.
Magnúss um
Bólu-Hjálmar.
yfir markið, er nærfærið og raun
sætt og hvert atvik og tilsvar
trúverðugt. Það er vandi að semja
svona verk, en Gunnari hefur tek
izt það og er þetta miklu betra
leikrit heldur en fyrra útvarps
leikrit hans, í múrnum.
i
ÉG VIL FYRST og fremst þakka
Gunnari M- Magnúss fyrir leikrit
ið. Mér datt í hug að upp úr þessu
leikriti væri hægt að semja ágætt
leikhúsverk. Ég hygg, að á þann
hátt væri hægt að skapa leikrit
fyrir leiksýningar, sem lengi
mundu lifa, verða klassiskt og ó
gleymanlegt. Hannes á horninu.
Kðupum hreinar tuskur
PRENISMIÐJA ALÞÝÐUBLAÐSINS