Tölvumál - 01.01.1977, Blaðsíða 2

Tölvumál - 01.01.1977, Blaðsíða 2
TÖLVUMAL Vafalaust hefur það komiö mörgum fundargesta á óvart, hve tölvustarfsemi Flugleiöa er umfangsmikil. Hér í Reykjavxk starfrækir félagið tölvudeild, kerfis- fræöi- og forritunardeild og gagnaskráningu. 1 tölvudeildinni er notuö tölva af gerðinni IBM 370/125, með öflugum búnaði. Að auki er þar svo lítil tölva, Burroughs L 2000. Gagnaskráningarkerfið er fyrst og fremst svonefnt "key to disk" af gerðinni CMC 5. Auk þess gatarar, IBM 129.- T New York reka Flugleiðir litla tölvudeild, sem annast bókhald, uppgjör við söluaðila o.f1. Þar er vélbúnaður- inn IBM System 3, model 10. Loks eru svo Flugleiðir aðili að merkilegu fjarvinnslu- kerfi, sem nefnt er GABRIEL. Aðilar að þe'ssu sama kerfi eru mörg önnur flugfélög og þau ekki öll af minni sortinni. Miðstöð kerfisins er í Atlanda í Bandaríkjunum, en það tengist síðan aðalskrifstofunni hér í Reykjavík og söluskrifstofum vítt og breitt í Bandaríkjunum og Evrópu. Beinir starfsmenn tölvudeildanna eru um 15 talsins. Gagna- skráningatæki eru alls 29, þar af eru CMC-stöðvarnar 24. Góður rómur var gerður að.erindum flutningsmanna og svöruðu þeir spurningum fundargesta að lokum. Að endingu voru svo málin rædd nánar yfir góðum kaffibolla, í boði félagsins. INNHEIMTA FELAGSGJALDA Gjaldkerinn hefur beðið TÖLVUMAL að "skjóta" því að félagsmönnum, að nú hafa verið sendir út gíró- seðlar v/innheimtu félagsgjalda fyrir árið 19 76. Þar sem innheimtan er í seinna lagi á ferðinni, er það ákaflega vel þegið, að menn greiði gjöldin hið fyrsta. Raunar skal það tekið skýrt fram og þakkað margfaldlega, að nú þegar hafa margir (flestir) gert góð skil á gjöldunum. En svona litlir reikningar, eins og gíróseðlarnir frá félaginu eru, geta jú auðveldlega grafist innan um önnur stærri skjöl á borðs- horninu og gleymst þar. FELAGATALIÐ Gert var ráð fyrir, að félagatal Skýrslutæknifélagsins, yrði birt nú í þessu tölublaði TÖLVUMALA. Nú þykir ritnefndinni hentugra að geyma það til næsta blaðs, og vonar að það komi hvergi að sök, en biður velvirðingar á drættinum.

x

Tölvumál

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tölvumál
https://timarit.is/publication/239

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.