Tölvumál - 01.01.1977, Blaðsíða 7

tölvumAl
7
fyrir stóru tölvunni, sem óskað hafði verið eftir í upphafi
heldur aðeins fyrir lítilli tölvu. NÚ og framleióendur litlu
tölvanna létu þetta gullna tækifæri auðvitað ekki sér úr greipum
ganga. Þeir tóku að dubba upp á jaðartækin fyrir litlu tölvurnar
og bjóða upp á diska, segulbönd og flest það, sem áður hafði
aðeins verið unnt að hengja utan á stóru tölvurnar. En nú dugði
ekki lengur að selja vélarnar hugbúnaðarlausar. Stýrikerfi urðu
til, svo hægt væri að hafa hemil á öllum blessuðu jaðartækjunum
og öðrum fínheitum. Auk þess fann einhver orðasmiðurinn á
Madison Avenue' i New York upp slagorðið: "grow as you need" eða
auktu við þig eftir þörfufn. Þessar tölvur áttu að geta gert flest
það, sem þær stóru höfðu gert áður en á miklu lægra verði. Þetta
var á sama tíma og pilsin voru sem stytzt og minipilsin voru það
eina, sem varið var í. Slagorðið auktu við þig eftir þörfum
hleypti lika fjöri i söluna á minitölvunum. Hugmyndin var sem sé
sú, að byrja smátt, t.d. aðeins með miðstöðina og minnið eitt.
Sxðar mætti alltaf bæta við litlum diski eða diskum, ef á þyrfti
að halda. Eða þá að byrja með eitt hægvirkt segulband, síðar
mætti fá stóra diska i stað litlu diskanna og hraðvirkari
segulbönd í stað hinna hægvirku, þegar á þyrfti að halda eða
fjárhagurinn leyfði. Siðan þetta kom fram, hefur mikið vatn
runnið til sjávar og menn eru reynslunni ríkari. Pilsin hafa
síkkað og úr því, sem átti að vera Mini er líka orðin Midi.
Niðurstaðan hefur því orðið sú, að í ár hallast menn meir og
meir að þvi, að bæði litlar tölvur og stórar tölvur eigi jafnan
rétt á sér en það sé fyrst og fremst verkefnið, sem ráða eigi
ferðinni. NÚ eru það ekki aðeins notendurnir, sem hafa komist
að þessari niðurstöðu heldur einnig framleiðendurnir. í þessu
sambandi má benda á, að flestir framleiðendur stóru tölvanna
hafa hafið framleióslu á litlum tölvum líka. í þeim hópi eru
til dæmis fyrirtækin IBM, Control Data og Honeywell. Einnig
hafa sigurstranglegustu framleiðendur litlu tölvanna farið að
fikra sig að minnsta kosti upp í Midi og sumir allt upp í Maxi.
Dæmi um hið fyrra eru fyrirtækin Hewlett Packard og Data General
en um hið síðara er Digital Equipment Corporation. En það sem
framleiðendum litlu tölvanna reyndist erfiðast, var hugbúnaðurinn
og sú gífurlega fjárfesting, sem lá að baki hans. Mun láta nærri,
að allt að þrír fjórðu hlutar kostnaðar við nýja minitölvu, hafi
verið fólgnir í hugbúnaðinum einum eða stjórnkerfi, þýðendum og
fleira sliku. En neyðin kennir naktri konu að spinna og fram-
leiðendurnir fundu nýjar leiðir til að lækka kostnaðinn og jafn-
framt til að varna því, að þegar öllu var á botninn hvolft, að
vélin gerði lítið annað en að snúast um sjálfa sig.
Þessar aðferðir hafa sumir framleiðendur stórra tölva tekið upp
síðar. En oft reyndist útkoman sú, að í stað þess að setja á
markaðinn eitt stýrikerfi til allra hluta, þá urðu til fleiri en
eitt kerfi fyrir hvern hlut.
Allt þetta brölt og allir þessir miklu vaxtaverkir fóru ekki
alveg framhjá notendum. Það sem oftast byrjaði sem lítil og
snotur Mini, var innan skarnms orðin að Midi eða Minimaxi og þá
með öllum þeim vandamálum, sem stóru tölvunum fylgja og lýst var
hér í upphafi. Veslings maðurinn, sem ætlaði sér eingöngu að
stýra vatnsmiðlunarkerfinu, var allt í einu farinn að reka
þjónustustarfsemi vegna gagnavinnslu og þá einnig með þeim vanda-
málum í sambandi við mannskap og rekstur, vandamál, sem ég gat
um áðan og stóru tölvunnar áttu flækjuna miklu að þakka.