Tölvumál - 01.02.1986, Qupperneq 19

Tölvuorðasafninu. Orðin bendill og bendir eru nokkuð
lík og virðast vera notuð til skiptis sem þýðingar á
cursor og pointer. En fyrst fólk vill endilega nota
þau og virðist vera búið að gleyma því að bendlar eru
notaðir til þess að binda saman op á sængurverum og
koddaverum viljum við þó leggja til þá verkaskiptingu
að bendill sé þýðing á cursor og bendir sé þýðing á
pointer. Við viljum einnig leggja til að orðið trít-
ill verði áfram notað um cursor fyrir þá sem það
vilja.
í 26. tbl. SKÝRR frétta ræðir óttar Kjartansson m.a.
um hugsanlegar þýðingar á hard copy. Skilgreina mætti
hard copy sem afrit af e-u efni sem læsilegt er berum
augum. Hér getur t.d. verið um að ræða afrit af
skjámynd á pappír. Okkur dettur ekki í hug nein betri
þýðing en pappírsafrit því að væntanlega er þetta
afrit tekið á einhverskonar pappír. Skjárit finnst
okkur ekki heppilegt nema í því tilviki að um sé að
ræða afrit af skjámynd.
í sama tölublaði SKÝRR frétta greinir óttar
Kjartansson einnig frá "nafnlausri sendingu" sem hann
kallar svo þar sem koma fram ýmsar ábendingar um
þýðingar. Þessa nafnlausu sendingu hefur óttar sent
Orðanefndinni og vil ég því gera skil nokkrum
athugasemdum sem þar koma fram. Sendandinn ræðir um
þýðingar á pointer og cursor sem ég hef þegar gert
skil. Sendandinn ræðir einnig um þýðingu á default. í
Tölvuorðasafninu var gefin þýðingin sjálfgildi á
default value. Einnig mætti segja sjálfgefið gildi
og finnst okkur það ennþá "sjálfgefið".
Sendandi ræðir einnig um þýðingu á orðinu byte. Væri
því ekki úr vegi að gera aðeins grein fyrir því máli.
Samkvæmt mínum heimildum mun orðið byte fyrst hafa
verið notað er IBM setti á markað 360-vélarnar á
sjöunda áratug aldarinnar. Þar var orðið byte notað
um átta samliggjandi bita sem unnið var með sem
einingu. Enda er orðið byte dregið saman úr þy eight.
Síðar tóku aðrir tölvuframleiðendur upp þessa hugmynd
og opinber (ISO) skilgreining á byte varð 'strengur
tvíundastafa (bita) sem er venjulega styttri en
vélarorð og meðhöndlaður sem eining'. Þegar menn hafa
reynt að halda því fram að byte sé mælieining sem
ekki eigi að þýða hef ég hampað þessari skýringu. Ég
19