Tölvumál - 01.02.1986, Blaðsíða 21

'staður þar sem t.d. lögn liggur inn í hús'. Merking
orðsins inntak er því langt frá því sem input felur í
sér. Einnig þykja orðin inntak og úttak nokkuð stirð.
Þegar unnið var að undirbúningi fyrstu útgáfu
Tölvuorðasafnsins var lögð töluverð vinna í að finna
betri þýðingar. Baldur Jónsson lagði m.a. til
þýðingarnar ílag og ílags- og frálag og frálags-.
Þessi orð komust inn í Tölvuorðasafnið en ekki hafa
þau farið víða. Nú hef ég setið við í eitt ár og
skrifað skilgreiningar á hugtökum í tölvutækni. Að
fenginni þeirri reynslu finnst mér þýðingarnar ílag
og frálag reynast best í samfelldu máli. Mér skilst
að aðrir í öðrum herbúðum hafi komist að sömu
niðurstöðu. Input data yrði þá ílag eða ílagsgögn,
input process ílagsferli og input device ílagstæki.
Output data yrði frálag eða frálagsgögn, output
process frálagsferli og output device frálagstæki.
Legg ég til að tölvunotendur hugleiði hvort þessi orð
séu ekki vel nothæf.
Sigrún Helgadóttir
I
21