Tölvumál - 01.03.1986, Blaðsíða 12
farþegi hafði sjálfur keypt miða sinn. Hið kunna
gataspjald Holleriths var hins vegar stærra en
farseðiil. Það var jafn stðrt og fimm dollara
seðill. Enn þann dag í dag þekkja flestir þetta
gataspjald.
Hollerith seldi ekki vélar sínar heldur leigði þær.
Það skapaði fyrirtæki hans, sem hlaut nafnið
Tabulating Machines Company, ákveðna erfiðleika en
reyndist einnig styrkur. IBM hélt þessum hætti.
Fram til þessa dags hefur leiga tækja og hugbunaðar
verið ríkur þáttur I starfi IBM.
Tabulating Machines Company þandist mjög út á fyrstu
árum aldarinnar. Árið 1905 höfðu 100 miljðn spjöld
verið seld til notkunar við úrvinnslu úr manntölum.
Vélar voru einnig framleiddar fyrir stórfyrirtæki og
notkun þeirra breiddist út. Þrátt fyrir það átti
fyrirtækið 1 erfiðleikum. Stjðrnfyrirkomulagi var
ábótavant, sölukerfi var ekki til og fjármálin voru
erfið.
Árið 1910 sameinaðist Tabulating Machines Company
tveimur öðrum fyrirtækjum. Þau nefndust Inter-
national Time Recording Company og Computing Scale
Company of America. Þau voru bæði stærri en
Tabulating. International Time var þá leiðandi I
framleiðslu á klukkum fyrir fyrirtæki. Ársvelta þess
var liðlega miljðn dollarar. Computing Scale
framleiddi vogir. Hið sameinaða fyrirtæki hlaut
nafnið Computing-Tabulating-Recording, CTR.
Aðalmaðurinn í þessu nýja fyrirtæki nefndist Charles
Flint. Á þessum tlma var hann velþekktur
athafnamaður vestanhafs. Hermann Hollerith varð
yfirverkfræðingur hins nýja fyrirtækis og lagði til
verkfræðiþekkingu. Áhrif þessara tveggja manna voru
þð skammvinn þvl árið 1914 kom til sögunnar sá maður,
sem kalla mætti föður IBM: Thomas Watson eldri tðk
þá við stjðrn CTD fertugur að aldri.
THOMAS WATSON ELDRI
Þrátt fyrir erfiða stöðu Tabulating 1 þrleykinu vöktu
gagnavinnslutækin mesta athygli Watsons. Sú tegund
tækja var honum ekki með öllu ðkunnug. Watson hafði
12