Tölvumál - 01.05.1987, Blaðsíða 7
- AlþjócSleq samvinna. Hugmyndir eru um aá fylgjast
nánar með í IFIP og sér Anna Kristjánsdóttir um
það. Tengslin við norrænu systrafélögin eru i
höndum Lilju Olafsdóttur og er von á merkum
tíðindum þaðan.
- ISDATA 89. Ákveðið hefur verið að halda næstu
ISDATA-ráðstefnuna i byrjun september 1989 og
verður fljótlega skipað i undirbúningsnefnd.
Unnið er að ýmsum öðrum hugmyndum og verkefnum, svo
sem nýju skipulagi, stofnun Fagráðs, aukinni upp-
lýsingamiðlun og annarri þjónustu fyrir félagsmenn,
fjölgun félaga o.fl. Þá er ástæða til að geta
þess, að í apríl 1988 eru liðin 20 ár frá stofnun
félagsins og verður sérstakri afmælisnefnd falið að
undirbúa afmælið.
Nú kynnu einhverjir að spyrja hvernig i ósköpunum
verði hægt að anna öllu þessu. Það byggir á þremur
forsendum. Ein er sú að hin ágæti framkvæmdastjóri
okkar Kolbrún Þórhallsdóttir er nú komin í fullt
starf hjá félaginu. Hún kann vel að nýta tölvu-
tæknina og afkastar eftir þvi, en enn vantar
félagið tölvu. önnur forsenda er þvi að vel rætist
úr þeim málum (vill ekki einhver gefa félaginu
tölvu?).
Þriðja forsendan snýr að þér, félagi góður. Innan
vébanda félagsins er mikið rými fyrir athafnasemi
og einstaklingsframtak. Þvi ekki að stofna sérhóp
eða klúbb um þitt áhugasvið. Komdu við á hinni
nýju skrifstofu félagsins eða sláðu á þráðinn til
okkar stjórnarmanna. Þú hefur hér að ofan séð hvað
félagið hyggst gera fyrir þig. En hvað ætlar þú að
gera fyrir félagið?
Páll Jensson
formaður
7