Tölvumál - 01.02.1989, Blaðsíða 4

Ólögleg afritun og dreifing forrita
alvarlegt vandamál?
"Við þekkjum hann öll. Hann er hress og kátur, alltaf
reiðubúinn að hjálpa, yfirleitt snyrtilegur og kemur vel fram -
en hann er afbrotamaður! - Hann dreifir ólöglegum afritum
forrita."
Eitthvað á þessa leið er innihald auglýsinga nokkurra
bandarískra samtaka hugbúnaðarframleiðenda þegar þeir
eru að vekja athygli á því gífurlega vandamáli sem ólögleg
afritun forrita er orðið þar í landi.
í grein sem birtist nýlega í bandarísku tölvutímariti er þeirri
fullyrðingu varpað fram að fyrir hvert eitt selt forrit séu níu
ólögleg afrit í notkun. Ekki skal fullyrt um réttmæti þessarar
fullyrðingar hér. Það er hins vegar ljóst að um verulegar
upphæðir er að ræða í töpuðum tekjum framleiðenda og
höfunda hugbúnaðar vegna þessa.
Hvernig er ástandið hér á landi? Er líklegt að við séum betri
eða verri en nágrannar okkar í vestri að þessu leyti? Því
miður bendir margt til þess að ástandið hér á landi sé síst
betra en annars staðar.
Einn hugbúnaðarinnflytjandi fullyrðir að hann viti um
ólögleg afrit af þeim hugbúnaði sem hann flytur inn að
verðmæti um 100.000.000,- króna.
Annar segist hafa selt 80 eintök af hugbúnaði sem sé í notkun
hjá nær öllum þeim sem eiga ákveðna tölvutegund. Hann
telur verðmæti ólöglega afritaðra eintaka af þessu eina forriti
vera nálægt þrjátíu milljónum. Jafnframt segir hann
ástandið síst betra varðandi aðra titla sem hann selur, en þeir
fylla á þriðja tuginn.
Þó að þetta sé erfitt að staðfesta fer ekki hjá því að spumingar
vakni við fullyrðingar þessara manna. Getur það verið að
verðmæti ólöglega afritaðra forrita hér á landi megi telja í
hundruðum milljóna króna?!
Hug- og vélbúnaðarsalar sem ég hef rætt við segja að þeim sé
mikill vandi á höndum, þeir hafi stundum grun um að notuð
4 TÖLVUMÁL