Tölvumál - 01.02.1989, Blaðsíða 11
FYRSTA FJÖLÞJÓÐLEGA RÁÐSTEFNAN
UM TÖLVUR f SKÓLASTARFI
HALDIN A ÍSLANDI í JÚNI 1989
Dagana 18. - 22. júní n.k. verður haldin í húsakynnum Kennarahá-
skóla íslands ráðstefnan Educational Software at Secondary Level-
to be used in and out of school. Að undirbúningi dagskrár er unnið
á vegum vinnuhóps innan International Federation for Information
Processing (IFIP), en hér á landi er það einkum Kennaraháskóli íslands
og Skýrslutæknifélag íslands (aðili að IFIP) sem að ráðstefnunni standa.
Undirbúningsnefnd er þó skipuð aðilum frá fleiri stofnunum en í henni
sitja Anna Kristjánsdóttir KHÍ, formaður, Ásgeir Guðmundsson náms-
gagnastjóri, Ásgerður Magnúsdóttir kennari og tölvunarfræðingur, Baldur
Sveinsson áfangastjóri VÍ, Helgi Þórsson forstöðumaður RHÍ og Hildur
Hafstað yfirkennari Hjallaskóla.
Ráðstefnan mun eins og heitið gefur til kynna fjalla um námshug-
búnað fyrir nemendur á aldrinum 11 - 20 ára og verða þátttakendur
innan við 100, þar af eiga íslendingar 20 sæti. Hér verður um vinnu-
ráðstefnu að ræða í háum gæðaflokki. Erindi ráðstefnunnar og niður-
stöður umræðuhópa verða eins og venja er, gefin út í bók frá North
Holland útgáfufyrirtækinu. Ritstjórar bókarinnar verða þeir David
Tinsley frá Bretlandi og Tom van Weert frá Hollandi.
Dagskrárnefnd ráðstefnunnar er skipuð 12 manns víðs vegar að úr
heiminum og veitir Peter Bollerslev frá Danmörku henni forystu. Til
ráðstefnunnar er boðið og er hún þegar fullbókuð hvað erlenda aðila
varðar. Boðsbréf til íslendinga verða send í byrjun febrúar. Alls
munu fulltrúar frá nær 30 löndum sækja þessa ráðstefnu.
í kjölfar ráðstefnunnar mun menntamálanefnd IFIP halda hér á landi
ársfund sinn, en innan vébanda IFIP eru alls 58 þjóðir. -AK.
TÖLVUMÁL / 11