Tölvumál - 01.02.1989, Blaðsíða 18

Erlend samvinna:
Ýmsir þættir í starfi Skýrslutæknifélagsins eru ekki eins áberandi eða
þekktir meðal félagsmanna eins og fundir og ráðstefnur, en engu að
síður mikilvægir. Mig langar til að kynna hér slíka þátt sérstaklega,
sem er alþjóðlegt samstarfs.
Skýrslutæknifélagið er eins og kunnugt er aukaaðili að International
Federation for Information Processing. Þau samtök ná til allra sviða
sem upplýsingatækni og tölvuvæðing setja svip sinn á og eru aðildarlönd
58 alls.
Á síðasta starfsári hafa tengsl Skýrslutæknifélagsins við IFIP aukist
verulega, einkum á sviði menntamála. Fulltrúi Skýrslutæknifélagsins
gagnvart IFIP, Anna Kristjánsdóttir dósent, átti sæti í dagskrárnefnd
European Conference on Computers in Education sem haldin var í
Sviss í júlí 1988. Ráðstefnuna sótti óvenju stór hópur íslendinga.
í júní 1989 verður haldin hér á landi fyrsta IFIP ráðstefnan og hefur
verið unnið lengi að undirbúningi hennar. Yfirskrift ráðstefnunnar er
Educational Software at Secondary Level - to be used in and out of
School. Dagskrárnefnd er skipuð 12 manns víða að úr heiminum og
er undir forystu Peter Bollerslev frá Danmörku. Undirbúningsnefnd
á íslandi leiðir Anna Kristjánsdóttir. Hér er um að ræða vinnuráðstefnu
í háum gæðaflokki og verða erlendir þátttakendur frá nær 30 löndum.
íslenskir þátttakendur verða 20.
í kjölfar áðurnefndrar ráðstefnu mun menntamálanefnd IFIP halda
ársfund sinn hér á landi en I menntamálanefnd eiga sæti fulltrúar
frá öllum aðildarlöndum samtakanna.
Um þessar mundir er verið að senda sérstakt kynningarbréf til nokkurra
aðila innan Skýrslutæknifélags íslands til þess að vekja athygli á
starfi IFIP og kanna áhuga manna á tengslum við nefndir þess og
vinnuhópa. Væntir stjórn SÍ þess að slík tengsl eigi eftir að koma að
verulegu gagni í framtíðinni á fleiri sviðum en í menntamálum.
SÍ tekur einnig þátt í norrænni samvinnu og er með fullgilda aðild
að Nordisk Data Union, NDU. Fulltrúi íslands, Lilja Ólafsdóttir er
nú formaður NDU og er okkur mikil ánægja og heiður að því.
18 / TÖLVUMÁL