Tölvumál - 01.06.1989, Blaðsíða 4
Tölvumál júní 1989
Frá
formanni
Halldór Kristjánsson,
formaður SÍ
Norddata 19.-22. júní
„Okkar maður“
verður á staðnum.
Ný ritnefnd
Fjölmargir félagar Skýrslutækni-
félagsins hafa haft samband við mig
og lýst ánægju sinni með Tölvumál.
Færri gagnrýnisraddir hafa heyrst.
Þetta bendir til þess að við séum á
réttri leið, þó auðvitað megi ávallt
bæta.
Það er mikið starf að sjá um útgáfu
Tölvumála og því hefur það verið
ætlun okkar að tvær ritnefndir sæju
um hana. Nokkuð hefur dregist að
skipa nýja ritnefnd af ástæðum sem
ég hefi áður tíundað í þessum
dálkum.
Við höfum nú fengið til liðs við
okkur nýja ritnefnd sem sjá mun um
annað hvert blað á móti hinni rit-
nefndinni. Hana skipa Ágúst Úlfar
Sigurðsson hjá SKÝRR, Daði Jóns-
son hjá VKS og Guðríður Jóhannes-
dóttir hjá Kristjáni Ó. Skagfjörð hf.
Við bjóðum þau velkomin til starfa.
Góð aðsókn
Ráðstefna um hagnýt tölvusamskipti
var haldin 17. maí að Hótel Sögu.
Ráðstefnuna sóttu um 160 manns og
mun þetta líklega vera fjölmennasta
ráðstefna SÍ frá upphafi, ef undan er
skilin afmælishátíðin á liðnu ári.
Ég vil nota þetta tækifæri til þess að
þakka þeim sem lögðu fram ómælda
vinnu við að undirbúa og flytja
fyrirlestrana, svo og Kjartani Ólafs-
syni, gjaldkera okkar, og Helgu
Erlingsdóttur, sem bæði unnu að
undirbúningi ráðstefnunnar með
mér.
Góð aðsókn að ráðstefnum en slök
að fundum vekur til umhugsunar um
hvemig á því stendur. Líklegt er að
margt haft þar áhrif en það helst að
tímasetning funda sé röng. Því er
það ætlun stjómar að reyna nýjan
fundartíma á vetri komanda til að
sjá hvort aðsókn að fundum eykst.
Sumarferð
Kjartan Ólafsson hefur unnið að
skipulagningu á sumarferð (sjá bls.
15). Farið verður í heimsókn í
Mjólkursamsöluna 29. júní og
skoðað hvemig tölvutækni er beitt í
því fyrirtæki til hagræðingar og
stjómunar, bæði fyrirtækisins og
vinnuferla.
Þetta er áhugaverð nýbreytni og ég
er þess fullviss að félagsmenn munu
gefa sér tíma frá önn dagsins og
þiggja ágætt boð Mjólkursamsöl-
unnar. Ef vel tekst til verður áfram-
hald á fyrirtækjaheimsóknum.
Norddata 19.-22. júní
Sextán íslendingar munu sækja
Norddata ráðstefnuna. Margir taka
fjölskylduna með, til að njóta
sumarsins í Danmörku í nokkra
daga að lokinni ráðstefnunni. Þrír
stjómarmenn fara á ráðstefnuna auk
Lilju Ólafsdóttur formanns NDU,
og er ánægjulegt til þess að vita.
Fjórir fulltrúar frá íslandi munu því
sækja aðalfund NDU sem haldinn er
að lokinni ráðstefnunni, en Lilja
Ólafsdóttir mun sem kunnugt er láta
af formennsku NDU á þessum
fundi.
Til þess að fyrirbyggja mjsskilning
er rétt að taká fram, að SÍ tekur
engan þátt í kostnaði við þátttöku
okkar í ráðstefnunni. Það er einka-
framtak þeirra sem þátt taka eða
þeirra fyrirtækja sem þeir starfa hjá.
Hafi þeir (þau) þökk fyrir.
Þegar þetta er ritað í lok 23. viku
hafa tæplega 1300 manns bókað
þátttöku. Em það þeim sem að ráð-
stefnunni standa nokkur vonbrigði,
en aðsókn hefur á stundum verið vel
á þriðja þúsundið.
Ætlunin er að flytja efni frá
ráðstefnunni í næstu eintökum
Tölvumála í frásögn íslenskra
þátttakenda. Það má því segja eins
og þeir sögðu á Stöð 89, að „okkar
maður“ verði á staðnum.