Tölvumál - 01.09.1989, Blaðsíða 4
Tölvumál september 1989
Frá
formanni
Halldór Kristjánsson,
formaöur SÍ
Batnandiástand?
Sumarið er nú liðið og vetrarverkin
að hefjast. Tölvu- og
hugbúnaðarsala hefur tekið kipp í
september eftir dauft sumar. Hvort
það er einhver vísbending um
veturinn skal ósagt látið en vonandi
eru bjartari tímar framundan. Það er
þó víst að þeim öra vexti sem
tölvufyrirtæki áttu að fagna er lokið
að sinni.
Notendur tölvubúnaðar og -kerfa
virðast nú leggja á það áherslu að
nýta betur þann búnað sem fyrir er
og endumýjun vera skotið á frest.
Þá hlýtur sameining fyrirtækja og
gjaldþrot að hafa í för með sér
einhvem samdrátt í sölu nýrra kerfa
en aukningu á framboði notaðra
kerfa.
Sameining fyrirtækja
Sameining fyrirtækja og
upplýsinga- og tölvukerfa þeirra
hefur verið mál málanna á liðnum
mánuðum og samdóma álit þeirra
sem að hafa staðið að upplýsinga-
kerfin séu lykilatriði í sameining-
unni. Við fyrirhugum fund um
sameiningu upplýsingakerfa síðar í
vetur.
Tölvuveirurog
13. október
Föstudagurinn þrettándi október er
mjög umræddur af þeim sem eiga
og reka tölvur því þann dag munu,
að sögn Friðriks Skúlasonar
tölvunarfræðings, illskey ttar
tölvuveirur láta til skarar skríða.
Hvort þetta verður svartur dagur í
íslenskri tölvusögu skal ósagt látið,
en við teljum málið það mikilvægt
að haldinn verður sérstakur fundur
um það í byrjun október (sjá nánar í
auglýsingu).
Nýttfyrirkomulagá
fundum
Stjóm hefur haft af því nokkrar
áhyggjur hversu illa félagsfundir
hafa verið sóttir. Þegar best lætur
hafa 40 manns sótt fundina en oftar
eru þeir innan við tvo tugi. Því
verður reynt nýtt fyrirkomulag og
breytt fundartíma og öðru
fyrirkomulagi, eins og fram kcmur í
auglýsingu hér í blaðinu.
Ætlunin er að halda fund í hádeginu
og bjóða léttar veitingar. Er það von
stjómar að þetta mælist vel fyrir hjá
félagsmönnum SÍ og að fundurinn
verði vel sóttur.
Hjörtur Hjartar hættir
Hjörtur Hjartar, varaformaður SI,
mun láta af stjómarstörfum í lok
september. Hann flyst búferlum til
Rotterdam þar sem hann verður
yfirmaður skrifstofu Eimskipa.
Hjörtur hefur setið í stjóm SÍ frá
1983, fyrst sem skjalavörður en
síðan sem varaformaður frá því í
janúar 1988. Þá hefur hann verið
varafulltrúi okkar í stjóm NDU og
aðalfulltrúi frá 1989 auk annarra
trúnaðarstarfa sem hann hefur gegnt
fyrir félagið. Hirti þökkum við gott
starf fyrir SÍ og óskum honum
velgengni á nýjum vettvangi.
Anna Kristjánsdóttir
varaformaður
Anna Kristjánsdóttir, sem verið
hefur varamaður frá árinu 1987
tekur við embætti varaformanns til
aðalfundar í janúar 1990. Anna
hefur verið mjög virk í stjóm og er
ánægjulegt að hún skuli nú taka við
þessu embætti en Anna er fyrsta
konan sem gegnir því.
Þórunn ritstjóri hættir
Þórann Pálsdóttir, ritstjóri
Tölvumála, er á förum til
Vestfjarða, og mun því hætta starfi
sínu sem ritstjóri tímaritsins. Er þar
mikið skarð fyrir skildi, því að
öðrum ólöstuðum, hefur hún átt
mestan þátt í þeim breytingum sem
orðið hafa á tímaritinu auk þess sem
á hennar herðum hefur hvflt að
koma því út í hverjum mánuði.
Þórunni óskum við velfamaðar á
nýjum slóðum og vonumst til að
mega eiga hana að síðar.