Tölvumál - 01.10.1989, Blaðsíða 4

Tölvumál október 1989
Frá
formanni
Halldór Kristjánsson,
formaðurSÍ
Nýjir ritstjórar
Helgi Þórsson, Reiknistofnun HÍ og
Ágúst Úlfar Sigurðsson, SKÝRR,
hafa verið skipaðir ritstjórar
Tölvumála auk þess sem ritnefndir
hafa verið sameinaðar. Þeim
félögum óskum við heilla og
ritnefnd velgengni.
Fjölgar í félaginu
Að undanfömu hefur félögum
Skýrslutæknifélagsins fjölgað
nokkuð. Er það ánægjuleg þróun
sem vonandi verður áframhald á.
104 sóttu veirufund
Skýrslutæknifélagið hélt fund um
tölvuveirur hinn 11. október
síðastliðinn að Hótel Lind.
Fundurinn var einn sá fjölsóttasti í
sögu félagsins. Fundurinn var
hádegisfundur og var borinn fram
léttur hádegisverður.
Á fundinum flutti Friðrik Skúlason
erindi um veirur í PC tölvum og
kom fram í máli hans að mikill
fjöldi veira er til sem getur valdið
usla. Jafnframt sagði hann frá tilvist
íslenskrar veiru. Var það almennt
mál manna að það væri miður að
veira af íslenskum toga væri komin
fram og væri það okkur síst til
framdráttar, en grunur leikur á að
hún hafi þegar borist til údanda.
Þá flutti Einar Reynis erindi um
veirur í Macintosh tölvum og sagði
hann m.a. að engin þeirra veira sem
þekkt væri í Macintosh ylli
óbætanlegu tjóni. Einar og Friðrik
gáfu góð ráð um hvemig mætti
verjast veirum svo og hvemig hægt
er að greina algengustu veirur.
Að lokum hélt Oddur Benediktsson
ágætt erindi um siðferðilegar og
lagalegar hliðar veiruvandamálsins.
Ekki var annað að sjá en að
fyrirkomulag fundarins mæltist vel
fyrir hjá fundargestum og er því
ætlunin að halda fleiri fundi með
þessu sniði.
122 á
hugbúnaðarráöstefnu
Félagið stóð fyrir ráðstefnu á Hótel
Sögu um breytt viðhorf og bætt
vinnubrögð við hugbúnaðargerð 25.
október síðastliðinn. Var ráðstefnan
mjög fjölsótt.
Haldin voru sjö erindi um hugbúnað
og hugbúnaðargerð. Daði Jónsson,
VKS, fjallaði um stjómun
hugbúnaðarverkefna, Oddur
Benediktsson, HÍ, um gæðastjómun
í hugbúnaðargerð og Bjami
Júlíusson, HP, um staðlaðar aðferðir
við kerfísgerð. Þá hélt Halldór
Friðgeirsson, Þróun, erindi um
Synon hönnunarhugbúnaðinn,
Baldur Johnsen, SKÝRR, um
hönnun hugbúnaðar með CASE
2000, Jón Freyr Jóhannsson,
SKÝRR, um Automate, verkfæri
fyrir LSDM aðferðina og Bergur
Jónsson um fjórðukynslóðarmál.
Erindin voru mjög áhugaverð og
fróðleg og vil ég þakka fyrirlesurum
og fyrirtækjum þeirra fyrir þetta
framlag til félagsins.
Veg og vanda að undirbúningi
ráðstefnunnar höfðu Guðbjörg
Sigurðardóttir, tölvudeild
Ríkisspítala, og Snorri Agnarsson,
prófessor við HÍ.
Fundurum
viröisaukaskatt
Hádegisfundur um virðisaukaskatt
og áhrif hans á tölvumál var haldinn
að Hótel Loftleiðum 15. nóvember
síðastliðinn. Þar héldu erindi Ólafur
Nilsson, Endurskoðun hf, Friðrik
Skúlason, TölvuMyndum hf og
Hálfdán Karlsson, fslenskri
forritaþróun hf.
Þeir gáfu glögga mynd af þessu
máli sem nú er efst á baugi hjá
flestum okkar. Ólafur fjallaði um
lög og reglugerðir, Friðrik um áhrif
virðisaukaskattsins á
samkeppnisstöðu hugbúnaðarhúsa
og Hálfdán Karlsson um þær
breytingar sem nauðsynlegt er að
gera á viðskiptakerfum.