Tölvumál - 01.02.1992, Blaðsíða 29

Febrúar 1992
heitið Apple því að þróa
PowerPC örgjörva fyrir notkun í
ódýrum einmenningstölvum og
vinnustöðvum. Mun Motorola
framleiða þennan örgjörva sem
er samhæfður við stóra bróður
frá IBM og hafa heimild til að
selja hann hverjum sem er. Með
þessu eru tvær flugur slegnar í
einu höggi. IBM stækkar
markaðinn fyrir Power gjörvann
og Apple fær aðgang að öflugum
RISC örgjörva. Bæði IBM og
Apple munu framleiða tölvur
með hinum nýja örgjörva og
keppa um markaðshlutdeild.
Nú kann einhver að spyrja hvað
verði um Macintosh eins og við
þekkjum hann í dag og PS/2 tölvur
IBM. Bæði fyrirtækin gera sér
grein fyrir að útkoma
samstarfsins er sýnd veiði en ekki
gefin. Því hafa þau bæði gefið
út yfirlýsingar um það að þau
muni halda áfram að framleiða,
þróa og selja tölvur af þeim
gerðum sem við nú þekkjum.
Þær muni verða til meðan
einhver vill kaupa þær. Makkinn
er því ekki úr sögunni - enn.
Það sem öllum er ekki ljóst hins
vegar er að þetta sainstarf mun
þegar á næsta ári skila árangri
fyrir bæði Apple og IBM þó nýjar
tölvur og stýrikerfi líti ekki
dagsins ljós fyrr en 1993-94. IBM
mun leggja áherslu á að gera
Apple kleift að gera
Macintoshtölvur tengjanlegar
við IBM hug- og vélbúnað til
jafns við PC tölvur. Apple getur
því státað af góðum tengjanleika
viðlBM og Digital tölvur en við
þá hefur Apple átt gott samstarf
um margra ára skeið. (Til þess
var reyndar stofnað til að klekkja
á IBM) Það er best varðveitta
leyndarmál UNIX heimsins að
Apple selur mjög gott UNIX
stýrikerfi, A/UX fyrir Macintosh,
sem keyrir allan Macintosh
hugbúnað auk UNIX hugbúnað-
ar. Þessi tækni verður sameinuð
AIX stýrikerfi IBM fyrir RISC
tölvur þeirra þannig að þegar á
næsta ári verða UNIX tölvur IBM
færar um að keyra Macintosh
hugbúnað. Þetta opnar IBM
auðvelda leið að miklu úrvali
vandaðs notendahugbúnaðar.
En hverju mun þetta samstarf
breyta um framþróun tölvutækni?
Það ræðst af því hversu vel tekst
til um samvinnuna, hvort aðrir
framleiðendur fást til þess að
framleiða tölvur og nota stýri-
kerfið, hvað aðalkeppi-
nauturinn, Microsoft, gerir en
fyrst og fremst af því hvað
markaðurinn vill.
Hver sem niðurstaðan verður er
ljóst að aukin harka er nú að
færast í samkeppnina um
stýrikerfi framtíðarinnar. Og
hvort sem það verður Microsoft,
Apple/IBM eða einhver annar
sem verður ofan á þá er ljóst að
notendur eiga að halda sig við
það sem þeir þekkja þar til þeir
sjá hvað út úr þessurn slag kemur.
Árið 1992
I ljósi þeirra svartsýnisumræðu
sem nú á sér stað í þjóðfélaginu
þá verður því miður að spá því
að árið 1992 verði slakt ár fyrir
þá sem selja tölvuvörur og -
þjónustu. Ujósl er að mikill
niðurskurður í ríkiskerfinu mun
hafa áhrif á kaup á tölvum og
hugbúnaði. Samdráttur í fram-
kvæmdum á vegum hins opinbera
og minni afli hefur
keðjuverkandi áhrif á
þjónustugreinarnar í landinu og
líkur á að áhrifa þessa samdráttar
gæta fram á árið 1993. Má að
mörgu leyti líkja þessu tímabili
við þann tíma þegarþjóðarsáttin
var gerð en þá var svipaður
hræðsluáróður hafður uppi með
þeim árangri að samdráttur stóð
yfir í nærfellt eitt ár.
Þá er og til þess að líta að margir
hafa á þessu ári endurnýjað
tölvukost sinn og því líklegt að
auðveldara verði fyrir þá að
halda að sér höndum á næsta ári
þegar harðnar á dalnum. í trausti
þess að menn muni ekki leggja
árar í bát ætla ég að velta því
aðeins fyrir mér hver þróun
verður á næsta ári.
Tölvurnar
Helsti vaxtarbroddurinn verður í
fartölvum sem nú hellast yfir
markaðinn á lágu verði. Þessar
tölvur eru orðnar jafn öflugar og
borðtölvur og skjá- og geymslu-
tækni hefur fleygt frain og mun
það verða til þess að margir
kaupa fartölvu sem aðaltölvu til
nota heima og í vinnu.
Draga mun verulega úr sölu á
einmenningstölvum og búast má
við að 386sx tölvur falli í
skuggann af 25 til 33 MHz 386
tölvum eða 486sx tölvum. Þetta
má rekja að hluta til aukinna
krafna um reikniafl vegna
Windows og OS/2 og mikillar
verðlækkunar á þessum gerðum
tölva á næstu misserum.
Almennt verða þessar tölvur svo
og Macintosh tölvur með 4 MB
ritminni sem lágmark og algeng
diskstærð verða 100 MB þegar
líða tekur á árið.
Stýrikerfi
Ég hefi því miður ekki trú á að
OS/2 muni ná neinu verulegu
flugi á árinu, hvað sem síðar
kann að verða. Má fyrst og
fremst rekja það til fyrri hrakfara
29 - Tölvumál