Vísir - 09.10.1962, Blaðsíða 7

Vísir - 09.10.1962, Blaðsíða 7
VÍSIR . Þriðjudagur 9. október 1962. Innan skamms má bú- ast við, að aðalbókaút- gáfa ársins hefjist, svo sem venja er tií, þegar líða tekur á haust. Vísir hefur því leitað til helztu bókaútgefeneL &1 þess að komast eftír því, hvers sé helzt að vænta bókakyns á þessu hausti. Flestar út- gáfurnar hafa nú gefið okkur svör sín, en ekki voru allar tilbúnar með ákveðin svör enn sem komið er. Þess vegna er þessi listi ekki tæmandi, auk þess sem alltaf eru einhverjir að fást við að gefa út bækur án þess að vitað sé af því fyrirfram. Engu að síður er hér all- gott yfirlit yfir þær bæk- wy sem út munu koma fyrir hæstkomandi jól. Almenna bókafélagið. Bretland í bókaflokknum Lönd og þjóðir verður septemberbókin. Jón Eyþórsson veðurfræðingur þýddi. Októberbókin verður Fram tíð manns og heims eftir Pierre Rousseau, próf. við Sorbonne i París, í þýðingu dr. Brodda Jó- hannessonar. í nóvember kemur svo fyrsta bindi í verki próf. Ein- ars Ól. Sveinssonar um íslenzkar bókmenntir í fornöld. í þessu fyrsta bindi verður fyrst inngang- ur að bókmenntasögunni allri, al- mennt yfirlit yfir kveðskap ÍS- lendinga í fornöld og loks verður svo þáttur um eddukvæði. Bókin verður um 500 bls. að stærð, prýdd fjölda mynda. Desember- bókin verður Helztu trúarbrögð hcims, stór o^ mikil bók með ógrynni mynda, jafnframt því sem hinum einstöku trúarbrögð- um er lýst og rakin saga þeirra. Sr. Sigurbj. Einarsson biskup sér um texta bókarinnar. Gjafabók A. B. í ár verður Galdramálin í Thisted eftir Árna Magnússon. Bókin var tekin saman að tilhlut- an háskólaráðsins í Höfn og hafði mikil áhrif til þess að draga úr galdratrú á Norðurlöndum og Þýzkalandi. Kom bókin fyrst út um aldamótin 1700, en hefur aldrei fyrr verið þýdd á íslenzku. Er það Andrés Björnsson, sem hefur þýtt bókina. Loks koma 2 bindi af skáldverkum Gunnars Gunnarssonar. Er hér um að ræða 5. og 6. bindi, og eru þá eftir tvö bindi af heildarsafni skáldverka Gunnars. í 5. bindinu eru sögurnar Fóstbræður og Jörð, en í því 6. Hvíti Kristur, Kon- ungssonur og Grámann. Bókaverzlun Sigfúsar Eymundssonar. Bókaverzlun Sigfúsar Eymunds sonar gefur að þessu sinni út 4 bækur: Réttur er settur er rúss- nesk skáldsaga um 100 bls., gefin út undir dulnefninu Abram Tertz, en handritinu var smyglað út úr Sovétríkjunum ásamt fleiri verk- um höfundar, en hann vill ekki láta nafns síns getið. Þýðinguna hefur Jökull Jakobsson gert. Þá er brezk skáldsaga eftir Constan- tine Fitz-Gibbon í þýðingu Her- steins Pálssonar ritstjóra. Endan- legur titill á íslenzku hefur enn ekki verið ákveðinn, en á ensku nefnist bókin When the Kissing Had to Stop. Þetta er ástarsaga, sem kemur inn á atburði í brezk- um stjórnmálum síðari ára. Finn- ur Sigmundsson og Tómas Guð- mundsson sjá um útgáfu á úrvali úr greinasafni Snæbjarnar Jóns- sonar, og er þetta safn greina hans gefið út í tilefni af 75 ára afmæli höfundar, sem var á þessu ári. Þá er ljóðabókin Á 17 bekk eftir Pál H. Jónsson, og er þetta önnur bók hans. fsafold. ísafoldarprentsmiðja h. f. gefur að vanda út mikinn f jölda bóka á þessu hausti. Ekki eru tök á að nefna þær allar hér, en þær helztu eru þessar: Verkamenn í vln- garði eftir Guð- mund Danfelsson og er þetta sam- talsbók, önnur samtalsbókin frá hans hendi. Ferða bók eftir Sigurð A. Magnússon, er nefnist Við elda Indlands, en hann [ fór til Austur- landa á síðasta I ári. Guðmundúr L. Friðfinnsson birtir nú smá- sagnabók, Baksvipur mannsins. Þorbjörn Björnsson á Geitaskarði ritar minningar sínar, og kallar hann þær Að kvöldi. Halldór Pét- ursson rekur sögu draugs í bók- inni Saga Eyjafellsmóra. Þá gefur ísafold út tvær þýddar skáldsög- ur Mærin gengur á vatninu eftir finnsku skáldkonuna Eeva Joen- pelto í þýðingu Njarðar P. Njarð- vík og Herragarðslíf eftir norsku skáldkonuna Anitru í þýðingu Stefáns Jónssonar námstjóra. Þá kemur endurútgáfa á ræðum Guð mundar Finnbogasonar, Mann- fagnaður, ásamt nokkrum ræðum, sem ekki hafa birzt áður, en dr. Finnbogi Guðmundsson annast út gáfuna. Einnig kemur 3. bindi af Ljóðmælum Sigurðar Breiðfjörðs og Númarímur hans. Ennfremur barna- og unglingabækur. Menningarsjóður. Menningarsjóður býður m. a. upp á bókina HundraS ár í þjóð- mihjasafni eftir dr. Kristján Eld- járn, stóra bók með 100 heilsíðu- myndum. ívar Orgland, sem var sendikennari í norsku við háskól ann hér um all- langt skeið, ritar fyrra bindi af Ævisögu Stefáns frá Hvítadal. Þá kemur annað bindi af Ritum Jóns Sigurðsson- ar. Arni Óla skrif ar bókina Þúsund ára sveitaþorp á íslandi. Lundurinn helgi nefnist bók eftir Björn Blöndal, eru það frásagnir, endurminningar að nokkru færðar í söguform. Ný ljóðabók kemur eftir Þórodd Guðmundsson frá Sandi, nefnist húh Sólmánuður, og einnig koma smásögur eftir Jökul Jakobsson í flokknum Smábækur Menning- arsjóðs, en ekki hefur enn verið ákveðinn titill bókarinnar. Af þýddum bókum má nefna Játn- ingar Ágústínusar kirkjuföður i þýðingu sr. Sigurbjarnar Einars- sonar biskups, 50 ljóð úr Rig- Veda, sem Sören Sörenson hefur þýtt úr sanskrít og Maður í hulstri, smásögur eftir Anton Tsékov í þýð. Geirs Kristjáns- sonar. Fróði. Af útgáfubókum Fróða í ár má nefna 2. bindi af Breiðfirzkutn sögnum eftir Bergsvein Skúiason, ferðasögu eftir danskan höfund, Jens Kruse, Þau óku suður I þýð- ingu Andrésar Kristjánssonar, bók eftir franska landkönnuðinn Paul Emil Victor í þýðingu Jóns Sskars, og nefnir hann þýðing- una Upp á líf og dauða og hina frægu skáldsögu sænsku skáld- konunnar Sara Lidman, sem hún nefnir Sonur minn og ég og fjall ar um kynþáttavandamálið í Suð- ur-Afríku. Einar Bragi þýddi bók- ina. Loks er að nefna unglinga- bókina Sögur, sem Jesús sagði, endursagðar af danska skáldinu Kai Munk en sr. Sigurbjörn Ein- arsson biskup þýddi. Iðunnarútgáfan. Meðal útgáfubóka hjá Iðunnar- útgáfunni er fjórða bindið af ís- lenzku mannlífi eftir Jón Helga- son ritstjóra. Þá er endurútgáfa á Öldinni okkar I —II og 3. útg. af 79 af £ Ymni eftir Indriða G. Þorsteinsson með myndum úr kvikmyndinni. Af þýddum bókum kemur ný bók eftir Alistair Mac- lean í þýðingu Andrésar Kristj- ánssonar. Titill þýðingarinnar er enn ekki ákveðinn, en á ensku heitir bókin H. M. S. Ulysses. Einnig kemur ný útgáfa af Ben Hur í þýðingu sr. Sigurbjarnar Einarssonar biskups. Er það fyrsta bók í nýjum bókaflokki, sem einkum er ætlaður ungu fólki, en f þeim flokki verða ýms- ar úrvalsskáldsögur, sem margar hverjar hafa komið út fyrir mörg um árum og eru orðnar klassísk- ar. Ennfremur barna- og unglinga bækur. .. , Setberg. Setberg sendir frá sér 14 bæk- ur á þessu hausti, og þær helztu eru þessar: Jóhannes Helgi ritar bók um sjómanninn Andrés Matt- híasson, en Jóhannes Helgi skrif- aði í fyrra samtalsbók við Jón Engilberts, sem mikla athygli vakti. Vilhjálmu. S. Vilhjálmsson ritar bókina Fimm konur, og er hún endurminningar fimm kvenna, sem hafa frá margvís- legri lífsreynslu að segja. Þor- steinn frá Hamri skrifar þætti úr íslenzku þjóðlífi og af sérkenni- legu fólki fyrr á tímum, en í þeirri bók eru ennfremur frá- sagnir af löngu liðnum söguleg- um atburðum. Hendrik Ottósson sendir frá sér bókina Hvíta strfð- ið, sem fjallar um atburði, er gerðust á haustmánuðum 1921, þegar gert var herútboð í Reykja vik. Einnig eru í bókinni nokkrar myndir frá þessum atburðum. Af þýddum bókum má nefna ferða- bókina Örlagaleikur við Amazon eftir Leonard Clark og bókina Sjö menn við sólarupprás eftir brezka blaðamanninn Alan Burgess. Einnig sendir Setberg frá sér nokkrar barna- og unglingabæk- ur. Skuggsjá. Af útgáfubókum Skuggsjár f Hafnarfirði eru þessar helztar: Garðblóm í litum og Tré og runn- ar í litum, báðar eftir Ingólf Da- víðsson. Lúðvík Kristjánsson rit- ar bókina Úr heimsborg í grjóta- þorp, sem er ævisaga Þorláks O. Johnson. Guðmundur G. Hagalin skrifar annað bindi af endurminn ingum Kristínar Kristjánsson, Margt býr í þokunni, en f fyrra kom út fyrra bindið undir nafn- inu Engin þörf að kvarta. Einnig ritar Hagalín bókina Af Sjónar- hóli, og eru það minningar Björns Eiríkssonar tíkipstjóra og bifreið- arstjóra í Hafnarfirði. Jónas Þor- bergsson fyrrverandi útvarps- stjóri skrifar bókina Líf er að loknu þessu, sem gefin er út í til- efni af 25 ára miðilsstarfi Haf- steins Björnssonar. Þá er 2. bindi af ritgerðasafni Grétars Fells, Það er svo margt, og einnig kemur út eftir hann Ijóðabókin Ljóðvængir. Ævar Kvaran hefur safnað og endursagt þætti í líkingu við út- varpsþætti hans, og nefnist sú bók Fólk og forlög. Af þýddum bókum má nefna endurminningar Grænlandsfarans Ejnars Mikkel- sens: Af hundavakt á hundasleða í þýðingu Hersteins Pálssonar, ástarsöguna Tvísýnn leikur eftir Theresu Charles í þýðingu Andrés ar Kristjánssonar og söguna það vorar að Furulundi í þýðingu Skúla Jenssonar. Helgafell. Helgafell gefur út um 20 bæk- ur á þessu hausti. Hæst ber að þessu sinni málverkabækur þeirra Asgríms Jónssonar og Gunnlaugs ., Blöndal. I bók Ás gríms birtist ny gerð af endur- '~~,;_ minningum hans, sem Tómas Guð- Ml|í mundsson skráði :f rétt áður en hann dó. I bók Blön- dals er hins veg- ar ritgerð eftir Eggert Stefáns- son. Þá er að nefna leikritið Prjónastofan Sól- in eftir Halldór Kiljan Laxness, sem væntanlegt er í þessum mánuði, en Helgafell mun einnig gefa nú Ut endurút- gáfu á bók hans Dagleið á fjöll- um, sem ófáanleg hefur verið um árabil. Hannes... Pétursson sendir! frá sér nýja ljóðal bók, Stund og I staðir, mun hún | væntanleg í 'l næsta mánuði. Þá § kemur skáldsag-1 an Benóní eftir f Knut Hamsun f j þýðingu Jóns Sig urðssonar frá Kaldaðarnesi og einnig kemur út | vísnasafn Jó- hanns frá Flögu, er hann nefnir Höldum gleði hátt á Ioft. Þrjú skáld senda í fyrsta skipti frá sér Ijóðabækur hjá forlagi Helgafells í ár, eru það Kristján Árnason, Þóra Magnea, sem aðeins er 16 ára að aldri, og Guðmundur Sig- urðsson, er áður er þekktur fyrir gamanvfsur. Nöfn þessara þriggja ljóðabóka eru enn ekki ákveðin. Rannsókn lokið Gísli Gestsson, starfsmaður Þjóðminjasafnsins, sem fór vestur um haf í sumar vegna rannsókn- anna á fornmenjunum á Nýfundna landi, er kominn heim aftur. Rúm vika er síðan Gísli kom heim, en hann varð eftir, þegar þeir Kristján Eldjárn þjóðminja- vörður og Þórhallur Vilmundarson prófessor héldu heimleiðis fyrir nokkrum vikum. Vann Gísli áfram við uppgröftinn ásamt Helge Ing- stad, sem fann staðinn og bauð Islendingum að taka þátt í rann- sóknum þar 1 sumar, og konu hans. Vísir hefir átt stutt samtal við Gísla, en hann kvaðst eiginlega engu hafa við það, að bæta, sem þeir Kristján og Þórhallur skýrðu blöðum og útvarpi frá, þegar þeir ko.nu heim á sínum tíma. Rann- sóknum væri að mestu leyti lokið Frh. á 10. bls.

x

Vísir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vísir
https://timarit.is/publication/54

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.