Vísir - 10.10.1962, Blaðsíða 3
V í S IR . Miðvikudagur 10. október 1962.
HIÐ
ÞÖGLA
ÞING
Fæstir gera sér grein fyrir
hve umfangsmikið fyrirtæki það
er að reka Alþingi okkar íslend-
inga, þar sem þingmönnunum
sleppir, Starfsfólk er alls milli
40 og 50 um þingtímann. Þetta
fólk vinnur störf sín í þögn, sem
óft er mikil mótsetning við þing
mennina.
Þar starfa ellefu þingverðir,
um tfu sendisveinar, þrjár stúlk-
ur vinna f fatageymslu o. s. frv.
þrjár vinna í eldhúsi, og
baka allar kökur sjálfar. Kökur
þessar eru án efa einhverjar
þær beztu, sem völ er á, og
höfum við fyrir því eigin
reynslu. Drekka þarna kaffi
milli 50 og 100 manns á degi
hverjum.
Hreingerningar fyrir hvert
þing taka heilan mánuð. Auk
þess er föst manneskja við
hreingemingar allt árið.
Útgáfa þingtíðinda er ekkert
smáfyrirtæki. Nema þau um
2400 blaðsíðum á ári, en eru
nokkuð mismunandi ár frá ári.
Þrjár stúlkur vinna á síma
um þingtímann og hafa nóg að
gera. Fimm stúlkur vinna svo
við að vélrita þingræður upp af
segulböndum og er það gert í
öðm húsi, því rúm er takmark-
að í Alþingishúsinu. Skal engan
undra það, því að húsið var tek-
ið í notkun árið 1881 og hefur
ekki verið stækkað síðan, nema
sem nemur boganum sunnan á
húsinu.
Margt af þvf fólki, sem þama
vinnur, hefur verið þar um ára-
tugi og lætur vel af vinnu sinni.
Segist það hvergi vijja frekar
vinna og lætur mjög vel af sam-
vinnu við þingmenn.
Á efstu myndinni sjást, talið
frá vinstri: Ólafur Ólafsson full-
trúi, Friðjón Sigurðsson, skrif-
stofustjóri Alþingis, og Jóhann-
es Halldórsson, f sal Sameinaðs
þings.
Til hægri sjást nokkrir af
starfsmönnum þingsins drekka
í kaffistofunni. Talið frá vinstri,
sólarsinnis: Friðjón Sigurðsson
skrifstofustjóri, JóhanneS Hall-
dórsson fulltrúi, Kjartan Berg-
mann skjalavörður, Ólafur ÓI-
afsson fulltrúi, Ólafur Þorvalds
son þingvörður, Jakob Jónsson
yfirþingvörður, Ólafur A. Sig-
geirsson eftirlitsmaður með
þingskriftum, og Markús Jóns-
son húsvörður.
Neðst til hægri: Margrét
Valdemarsdóttir hefur verið í
eldhúsi þingsins í tuttugu ár og
bakar afburða góðar kökur.
Méð henni er (til vinstri) Sal-
björg Aradóttir, sem hefur séð
um hreingerningar og hirðingu í
Alþingishúsinu í 23 ár.
Neðst til vinstri: Markús Jóns
son húsvörður við matarlyftuna,
sem flytur góðgerðir úr eldhús-
inu upp í kaffistofuna.
Önnur mynd frá vinstri: Sig-
ríður Bjarklind hefur unnið á
skrifstofu Alþingis í tuttugu ár
og hefur skrifað bréf um allt
milli himins og jarðar fyrir al-
þingismennina. Enginn þeirra
hefur þó beðið hana að skrifa
ástarbréf.