Vísir - 18.10.1962, Blaðsíða 6

6
V í S IR . Fimmíudagur 18. október 1032.

Ný reglugerð um flokk
un og mat grænmetis
28. sept. s. 1. gaf landbúnaðar-
ráðherra, Ingólfur Jónsson, út
nýja reglugerð um Grænmetisverzl-
un landbúnaðarins, mat og flokkun
kartaflna og grænmetis. Þá skip-
aði landbúnaðarráðherra Eðvald
B. Malmquist, ráðunaut, yfirmats-
mann frá síðustu mánaðamótum,
og hefur hann síðan ferðazt um
sveitir Árness- og Rangárvalla-
sýslna, haldið fundi með framleið-
endum og leiðbeint þeim við flokk-
un og meðferð kartöfluuppskerunn-
ar samkvæmt hinni nýju reglugerð.
Eins og kunnugt er, þá hefur
komið fram allverulegur ágreining-
ur frá kaupmönnum og Neytenda-
samtökum í Reykjavík um flokkun
og gæði þeirra kartaflna, sem á
markaði voru nú snemma í haust.
Það þótti þvf sérstök ástæða til að
endurskoða hina gömlu reglugerð,
sem gilt hefur fram að þessu, og
gera á henni nauðsynlegar endur-
bætur til að stuðla að meiri vöru-
vöndun og betra eftirliti með fram
leiðslunni og dreifingu hennar.
f 17. gr. reglugerðarinnar segir,
að Grænmetisverzlun landbúnaðar-
ins skuli í samráði við Framleiðslu-
ráð stuðla að því, að markaðurinn
nýtist sem bezt og að sanngjörnum
óskum framleiðenda og neytenda
verði sem bezt fullnægt. Skipu-
leggja skal dreifingu og sölu þann-
ig, að Grænmetisverzlunin ákveði
sölusvæði hvers. umboðsmanns.
Verði þannig komizt hjá óþarfa
flutningum og undirboðum frá því
verði, sem Framleiðsluráð hefur
auglýst á hverjum tíma.
í hinni nýju reglugerð er heitið
úrvalsflokkur fellt niður, en í stað
þess kemur I. flokkur og síðan II.
og III. flokkur. Breyting þessi tek-
ur þó ekki gildi fyrr en um næstu
áramót, og verða því umbúðir í
smávöruverzlunum hér í Reykjavík
auðkenndar skv. gömlu reglugerð-
inni þangað til, þ. e. a. s.: Úrval,
I. fl. o. s. frv
Þá er enn fremur gert ráð fyrir
því, að smáar kartöflur (ca. 25 gr.)
úr úrvals afbrigðum, s. s. Ólafs-
rauðs og Gullauga, verði seldar
á almennum markaði, en það hefur
sýnt sig undanfarið, að fólk sækist
eftir þessum kartöflum, enda eru
þær sízt lakari hinum stærri og
auðvitað miklu ódýrari vara.
Allar innlendar kartöflur, sem
seldar eru til manneldis, skuiu vera
aðgreindar í þrjá gæðaflokka.
Smásöluverzlanir 1 Reykjavík, á
Suðurnesjum, Akranesi og nágrenni
þessara staða eiga að kaupa kart-
öflur frá Grænmetisverzlun iand-
búnaðarins eða umboðsmönnum
hennar, eftir því sem henta þykir
hverju sinni og Grænmetisverzlun-
in ákveður.
i á er verzlunum gert að skyldu
að hafa aðeins á boðstólum kart-
öflur í greinilega merktum umbúð-
um, þar sem sjáist í hvaða gæða-
flokki kartöflurnar eru og hvaðan
þær eru keypta: í heiidsölu. Skulu
umbúðirnar vera áprentaðar nafni
Grænmetisverzlunar landbúnaðar-
ins hér í Reykjavík og nágrenni.
Þá er matsmönnum gert að
skyldu að hafa eftirlit með því, að
kartöflur séu ekki seldar ómetnar
né ómerktar í smásöluverzlunum.
Skal matsmönnum heimilt að skoða
kartöflubirgðir verzlana þegar
þurfa þykir, og er_ seljanda, þ. e.
kaupmönnum’:s’kyli-á8”láta mats-
mönnum í té upplýsingar og alfa'
aðstoð við skoðunina.
Framleiðendum er gert að skyldu
að flokka sölukartöflur í þrjá
flokka, eins og áður getur, sam-
kvæmt þeim fyrirmælum, sem í
reglugerðinni eru. Allar kartöflur
skal afhenda til heildsala í þurrum,
hreinum og gisnum pokum, sem eru
að þyngd 25 eða 50 kg. nettó eftir
því sem Grænmetisverzlunin ákveð
ur.
Loks skal tekið fram, að með
brot á reglugerð þessari skal farið
að hætti opinberra mála, og varða
,þrot allt að 10.000 kr. sekt, nema
þyngrL refsing liggi við togum sam
kvæmt.
Samkvæmt þeim uprplýsingum,
sem fyrir liggja, um kartöflu-
sprettu, þykir sýnt’ að miklu minni
heildarupp.kera verður á þessu
hausti en s. 1. ár. I Eyjafirði var
:. retta að vísu sem næst í meðal-
lagi, en frost hafa þegar rýrt upp-
skeruna til muna. Verður hún af
þeim sökum ódrjúg mjög, þegar ti!
á að taka að setja hana á markað.
í uppsveitum sunnanlands var vor-
ið kalt og næturfrost snemma á
Framhald á bls. 13.
Skúrinn féll af bílnum
Þegar verið var að flytja þennan vinnuskúr inn í portið við kirkju
Fíladelfíusafnaðarins í morgun féll hann af bílnum. Gólfið sprakk og
einhverjar fleiri skemmdir urðu. Verið er að rétta skúrinn við.
'Ssm
Þessi mynd er frá töku á einu atriði myndarinnar, sem var að
vísu ekki notað, (það var tekið upp aftur annars staðar), og sýnir
er Gógó (Kristbjörg Kjeld) kemur í heimsókn til Guðmundar (Róbert
Arnfinnsson) og biður hann að aka með sér eftir Ragnari.
„79 af stöðinni44
Um fátt er meira rætt þessa
dagana en -kvikmyndina 79 af
stöðinni og sýnist 'sitt hverjum,
,og er ekkert óeðlilegt við það.
En þegar gagnrýnendur blað-
anna telja lýsingu myndarinnar
slæma og jafnvel ónákvæma,
finnst mér nokkuð langt gengið.
Undirritaður átti þess kost að
fylgjast að nokkru með töku
myndarinnar og getur borið um,
að fyllstu nákvæmni var gætt.
Það, sem var tekið yfir daginn,
var jafnharðan sent út til fram-
köllunar og kom svo aftur að
tveim dögum liðnum og var
sýnt. Og ef það þótti ekki nógu
gott, var takan endurtekin.
Balling kaus að hafa mjúkt ljós
og eðlilegt alla myndina út í
gegn.
Myndin gerist að miklu leyti
á kvöldin og nóttinni sbr. akst-
ursatriðin, enda ekki nema eðli-
legt, þar sem myndin fjallar um
leigubílstjóra. Sem dæmi má
nefna akstur Ragnars til Kefla-
víkur með Ameríkanann, þar
sem hann er látinn segja eitt-
hvað á þessa leið: Will it never
get dark (Dimmir aldrei hér).
En í fyrrgreindri ökuferð og öðr
um notar Balling leikstjóri hina
dásamlegu töfrabirtu íslenzkrar
sumarnætur stórkostlega vel.
Þá er komið að „yfirlýstu“
köflunum í myndinni, en þar
munu gagnrýnendur eiga við
kaflann, sem tekinn er á Þing-
völlum. Ég átti þess kost að
fylgjast að nokkru með þeirri
töku. Belling hefði verið í lófa
lagið að taka myndina undan
sól, en hann tók hinn kostinn
og tók á móti sól og fær þann-
ig mýkri mynd.
Þannig er það líka með inn-
anhússatriðin, þar notar hann
mjög mjúka lýsingu og gjarnan
dagsbirtu með hjálp endurskins-
skerma. Og að mínu viti gefur
þessi aðferð við lýsingu myndar
innar henni aukið gildi, því
þetta gerir myndina raunveru-
legri og sannari.
Ástæðan fyrir því, að gagn-
rýnendur dagblaðanna o. fl. fell
ur ekki lýsing myndarinnar er
sennilega sú, að þeir eru orðnir
vanir flóðlýstum skrautatriðum
ýmissa erlendra kvikmynda.
Ingimundur Magnússon.
Sjómæfíngar í Faxafléa
í gær hafði Pétur Sigurðsson
forstjóri Landhelgisgæzlunnar fund
með blaðamönnum um borð í varð-
skipinu Þór. Skýrði hann frá sjó-
mælingum, sem fram hafa farið í
Faxaflóa í sumar.
Tildrög þessara mælinga voru
þau, að Bandaríkjamenn fóru þess
á leit við sjávarútvegsmálaráðherra
að fá að framkvæma sjómælingar á
Faxaflóa. Var leyfið veitt með því
skilyrði, að íslendingar tækju þátt
í mælingunum og fengju allar nið-
urstöður að þeim loknum. Áætlað
var að hefja mælingar um mánaða
mótin júní—júlí, en úr því varð
ekki vegna þess, að Bandaríkja-
mönnum seinkaði eitthvað, og auk
þess kom ekki nema annað skip
þeirra af tveim, sem nota átti við
mælingarnar. Var það Requisite,
gamall tundurduflaslæðari, undir
stjórn Commander McKee.
Týr, eini íslenzki sjómælingabát-
urinn er mjög lítill og því ónothæf
ur til mælinga á miklu dýpi. Var
því horfið að því ráði að fá varð-
skip til mælinganna og varð Þór
fyrir valinu og var við mælingar ■
rúman hálfan mánuð. Á þeim tímá
sigldi hann tæpar 3500 mílur og
gerði um 6000 staðarákvarðanir.
Þar sem svo grunnt var að Þór
komst ekki að var María Júlía not-
uð.
íslendingar og Bandaríkjamenn
skipta með sér verkum, og tóku
íslendingar suðurhluta þess svæðis,
sem mælt var, en Bandaríkjamenn
norðurhluta. íslendingar, sem að
þessum mælingum stóðu voru
Gunnar Bergsteinsson, Árni Valdi-
marsson og Róbert Jehsson. Mældu
þeir allt svæðið frá landi út yfir
Eldeyjarboða mjög vandlega, og
eru mælingalínur með 250—300 m
millibili. Þeir voru mjög heppnir
með veður og er árangur þessara
mælinga betri en þeir þorðu að
vona.
Svæði það, sem mælt var, hefur
ekki verið mælt síðan um aldamót,
og var það þá gert með handlóð-
um. Nú eru komin mjög fullkomin
tæki og í sambandi við þau voru
settar upp þrjár miðunarstöðvar í
landi, ein á Arnarstapa á Mýrum,
önnur á Malarrifi og sú þriðja á
Hraunsnesi sunnan við Hafnarfjörð.
Eftir merkjum frá þeim má stað-
setja á Faxaflóa þannig að ekki
skeikar meira en um tíu metrnm.
Stöðvar þessar eru af svonefndri
Loran gerð.
Mælingum þessum lauk I síðast-
liðinni viku og mun strax hafizt
handa um að vinna úr þeim. Gera
má ráð fyrir að sjókortin verði full
unnin í vor en það, sem sérstak-
Iega hættulegt má teljast verður
Tært inn á eldri kort strax. Banda-
ríkjamenn munu vinna úr sínum
mælingum og verður síðan sk:pt ó
kortum.
Um svæði þau sem nú hafa verið
mæld er mikið siglt og því mjög
þýðingarmikið að vita sem bezt um
dýpið, þannig að forðast megi skei
og annað þeim líkt. Einnig hafa
mælingar þessar mjög mikið gildi
fyrir fiskimenn, því að á þessum
svæðum eru mikil og góð fiskimið.
Megnið af Faxaflóa er þó eftir að
mæla og verður það gert slðar.
i
íUM