Vísir - 19.10.1962, Blaðsíða 4
4
V í S I R . Föstudagur 19. október 1962.
LOCRCClUST
UR BYCCB
• ®
Gerð hefur verið 5 ára áætlun
um byggingu lögreglustöðvar í
Reykjavík og að þeim tíma iiðnum
á bæði götulögreglan ásamt yfir-
mönnum sínum, svo og rannsókn-
arlögreglan, útiendingaeftirlitið,
kvenlögreglan og umferðardóm-
stóllinn að flytja í hin nýju húsa-
kynni við innanverða Hverfisgötu.
Seinna er og ráð fyrir því gert að
sakadómaraembættið flytji þangað
líka.
I viðtali við Vfsi í gær sagði lög-
reglustjóri, Sigurjón Sigurðsson,
að með þeirri áætlun sem gerð
hafi verið um byggingu lögreglu-
stöðvarinnar væri farið inn á
merkilega og nýja braut, sem ekki
hafi áður verið gert um opinberar
byggingar hér á landi svo hann
vissi til. Þetta er sem sé í fyrsta
skipti í sögu þjóðarinnar, sem gerð
er fyrirframáætlun til nokkurra
ára um fjáröflun og framkvæmdir
opinberrar byggingar. Fyrir bragð-
ið verður auðveldara að taka ýms-
ar framtíðarákvarðanir sem byggj-
ast að meira eða minna leyti á
framkvæmdunum.
Ríkisstjórnin hefur látið gera
sérstaka fjárhagsáætlun vegna
þessara framkvæmda og tryggt
lánsfé til þeirra en í fjárlagafrum-
varpinu fyrir næsta ár er gert ráð
fyrir 3 millj. kr. fjárveitingu úr
ríkissjóði til byggingarinnar.
Eins og þegar er kunnugt hefur
lögreglustöðinni verið valinn stað-
ur á gasstöðvarlóðinni gömlu milli
Snorrsbrautar og Rauðarárstígs
en norðan Hverfisgötu. Þetta er
mjög stór lóð, eða 7500 fermetrar
og m. a. er gert ráð fyrir 130 bif-
reiðastæðum á henni. Verður ekki
annað sagt en að hér gæti mikiliar
framsýni og að vel sé séð fyrir
þessari hlið málsins.
Byggingamar eru nokkuð dregn-
ar inn í lóðina og með því fæst á-
kveðin vídd í götuna og gott rými
fyrir framan þær.
Ekki er endanlega búið að ganga
frá húsaskipan á lóðinni, má vera
að seinna verði byggð þar einhver
viðbótar- eða aukabygging, en það
sem nú er unnið að, er lögreglu-
stöðvarbyggingin sjálf, og verður
hún byggð f þremur áimum. Meg-
inbyggingin snýr framhliðinni að
Hverfisgötu, en síðan kemur áima
á mótum Hverfisgötu og Snorra-
brautar og önnur álma niður með
Snorrabrautinni. Gólfflötur þeirr-
ar síðustu verður 440 fermetrar,
en 560 fermetrar hvorrar hinnar.
Kjallari verður undir álmunum.
Snorrabrautarálman og álman á
mótum Hverfisgötu og Snorra-
brautar verður hvor um sig byggð
á tveim hæðum ofan á kjallara, en
aðalbyggingin verður fjórar hæðir
til að byrja með. Seinna er gert
ráð fyrir tveimur heilum hæðum
ofan á aðalbygginguna og loks
inndreginni hæð þar ofan á, svo
að alls verður þetta 7 hæða hús.
Kúbikmetrafjöldinn í þessari byrj-
unarbyggingu er 188001, en þegar
húsið er fullbyggt allt verður það
263661.
Útboð var á slnum tíma gert um
bygginguna og hefur verið samið
við þá aðila sem hagkvæmust boð
gerðu. Það er annars vegar Verk-
legar framkvæmdir, sem taka að
sér að gera húsið fokhelt eða
raunar vel það fyrir kr. 11.394,-
000.00 sem er um 40% af áætluð-
um heildarkostnaði byggingarinnar
allrar. Flins vegar hefur og verk-
samningur verið gerður við fyrir-
tækið Volta s.f. um pípulagnir,
rafmagn, síma og fjarskiptitæki.
Hljóðaði tilboð þeirra á kr. 259,-
500.00.
Það skal tekið fram að 1 samn-
ingnum við Verklegar fram-
kvæmdir felst steypa á álmunum
báðum og fjórum neðri hæðum að-
albyggingarinnar, en ekki á steypu
efri hæðanna þriggja, sem ráðgert
er síðar meir að byggja ofan á.
Grunngreftrinum að bygging-
unni Iauk að veruiegu leyti á árinu
sem leið. En það tafði nokkuð
framkvæmdir og jók jafnframt
kostnað, umfram það sem ætlað
hafði verið, að í klapparlögunum
í grunninum er dalverpi eða far-
vegur sem Rauðaráin hefur grafið
smám saman gegnum aldirnar.
Seinna hefur farvegurinn fyllzt
upp með leirlögum og hefur orðið
að grafa niður úr þeim til að kom-
aát niður á tryggan jarðveg. Lög-
reglustjóri kvað þetta hafa gert
nokkurt strik i reikninginn hvað
kostnaðarhliðina snerti og jafn-
framt seinkað nokkuð framkvæmd-
um.
í byrjun septembermánaðar hófu
Verklegar framkvæmdir vinnu af
fullum krafti á lóðinni og þessa
dagana er verið að steypa undir-
stöðu undir aðalbygginguna. Það
er ælutnin að Verklegar fram-
kvæmdir ljúki verkefni sínu, þ. e.
þeim áfanga byggingarinnar sem
þær tóku að sér, á tveimur og
hálfu ári. Á þessu ári á að ganga
frá öllum undirstöðum svo og frá
kjaliarahæð aðalbyggingarinnar. Á
næsta ári er reiknað með að kom-
izt verði langt með að steypa upp
tvær hæðir á öllum álmunum, en
það sem þá verður ólokið verði
byggt á árinu næsta á eftir og því
þá skilað eins og um var samið.
Lögreglustjóri kvaðst vonast til
að öllum byggingarframkvæmdum
utan, húss og innan yrði lokið á
5 árum og yrði þá unnt að flytja
í það að öllu leyti, en jafnvel fyrr
í einhvern hluta byggingarinnar.
Um fangarými hinnar væntan-
legu lögreglustöðvar sagði lög-
reglustjóri, að það myndi ekki
verða 1 kjallaranum eins og í
gömlu stöðinni f Pósthússtræti,
heldur uppi á 2. hæð Snorrabraut-
arálmunnar. Þar er gert ráð fyrir
28 klefum fyrir karla og 5 klefum
fyrir konur, er verða í algerlega
aðskildum deildum.
Gert er ráð fyrir þeim mögu-
leika að seinna verði unnt að
byggja eina hæð ofan á þessa
álmu og með því myndi fangarým-
ið tvöfaldast. Að ekki var ráðizt í
það strax var það, að nýbúið var
að byggja fangageymslu f Síðu-
múla. En þegar stöðin kemst upp
VERÐ-
5 ÁRUM
er hugmyndin að breyta Síðu-
múlahúsinu í hverfis-lögreglustöð
fyrir Austurbæinn með nokkrum
fangaklefum. Var húsið í upphafi
byggt með slíkar breytingar í huga.
Á kjallarahæð Snorrabrautar-
álmunnar verður tekið á móti
föngum, þar verða þeir og yfir-
heyrðir í sérstöku herbergi og þar
verður og möguleiki á læknisskoð-
un ef ástæða þykir til. Lögreglu-
stjóri kvað óþarft að taka fram, að
hér væri engan veginn um hegn-
ingarhús að ræða heldur aðeins
um næturgeymslu eða fanga-
geymslu eins og það er venjulega
kallað.
Vísir innti Sigurjón lögreglu-
stjóra að því hvort gamla lög-
reglustöðin í Pósthússtræti yrði
með öllu lögð niður þegar flutt
yrði í nýju stöðina. Sigurjón kvað
ekkert vera ákveðið með það enn
þá, það færi eftir skipulagi mið-
bæjarins og öðrum aðstæðum, en
hjá hinu yrði ekki komizt að hafa
hverfis-lögreglustöð í miðbænum,
hvar svo sem hún yrði til húsa.
Rjúpunni mun
fara f jölgandi
til 1966
Rjúpnastofninn er mjög stækk-
andi um þessar mundir, og fram
til 1036 ætti að verða um hrað-
vaxandi rjúpnaveiðar að ræða.
Dr. Finnur Guðmundsson, for-
stöðumaður Náttúrugripasafnsins
sagði þetta við Vísi í gær, þegar
blaðið átti stutt viðtal við hann
um rjúpustofninn og horfur á veið
um, þar sem veiðitíminn er nú
hafinn og mikill hugur sagður í
mönnum.
Kvað dr. Finnur engan vafa á
þvf, að rjúpnastofninn væri í ör-
um vexti, og. væri ekki að marka
þótt menn teldu, sums staðar, að
minna væri um rjúpu nú en á síð-
asta ári. Það gæti stafað af ýmsu,
að rjúpan virtist minni á einum
stað nú en áður — því að rjúpan
er ekki staðfugl, hún fer víða og
oft langar leiðir, og er því ekki
hægt að kveða upp heildardóm
um stofninn af útliti á einum stað.
Annars sagði dr. Finnur, að
hringrásin væri sú, að á næsta
ári ætti að verða enn meira af
rjúpu en að þessu sinni, og næstu
þrjú árin á eftir, eða 1964 — 66
ættu að verða uppgripaár fyrir
skyttur, en 1967 mundi svo aftur-
för byrja, stofninn mundi fara
minnkandi og árin 1968 og 1969
ætti rjúpan að hverfa. Sfðan
mundi henni fara að fjölga aftur.
Þannig gengur þetta koll af kolli.
lltvarp frá
Alþíngi
Ýmsir hafa rætt um það, að
vekja áhuga almennings á því sem
fer fram f Alþingi með því að
hefja útvarp beint frá daglegum
umsæðum. Eru margir þingmenn
þeirrar skoðunar að þetta sé gott
ráð, sem jafnframt muni gera um-
ræðumar hressilegri og betri.
Það hefur flogið fyrir að Mac-
millan forsætisráðherra Breta,
muni leggja svo til að umræðum
úr málstofu brezka þingsins verði
sjónvarpað. Tilgangur hans með
þessu er að hressa upp á umræð-
urnar og fá almenning til að fylgj-
ast betur með stjórnmálum. Marg-
ir brezkir þingmenn eru hneyksl-
aðir á þessari tiilögu og telja hana
brot á gömlum hefðum þingsins.
Hér heima þyrfti að breyta þing-
sköpum til að hægt væri að út-
varpa frá daglegum umræðum Al-
þingis. Margir munu telja að út-
varpsumræður í þeirri mynd, sem
þær eru nú, gefi ekki rétta mynd
af því sem fram fari á Alþingi.
Bókasafn Hafnarfjarðar 40 ára
Bókasafnið í Hafnarf. 40 ára
Bókasafn Hafnarfjarðar er 40
ára um þessar mundir, var það
stofnað 18. okt. 1922. Aðal-
hvatamaður að stofnun þess
vgr Gunnlaugur Kristmundsson
kennari og sandgræðslustjóri.
Áður en bókasafnið tók til
starfa höfðu verið gerðar til-
raunir með lestrarfélög, og þótt
til þeirra væri stofnað af van-
efnum komu þau að talsverðu
gagni.
Fyrst var safnið til húsa í
gamla barnaskólanum við Suð-
urgötu, árið 1938 flutti það í
nýja Flensborgarskóiann, og ár-
ið 1958 tók það svo til starfa í
eigin húsakynnum við Mjósund.
Þegar safnið tók til starfa,
voru í því um 1000 bindi bóka,
en árið 1958 voru þau um 15
þús. Safninu hafa borizt margar
veglegar gjafir á síðari árum,
og ber þá fyrst að nefna gjöf
hjónanna Guðlaugar Pétursdótt
ur og Friðriks Bjarnasonar. Ár-
ið 1960 arfleiddu þau hjónin
Hafnarfjarðarbæ að miklu af
eignum sínum og skyldu bæk-
ur þeirra geymdar í bókasafn-
inu. Eru það um 2000 bindi,
mest bækur um tónlist, nótur
og músikblöð. Nokkrir góðmun
ir fylgdu og bókunum, og hef-
ur þeim verið komið fyrir í
húsakynnum safnsins. Frá vina
bæ Hafnarfjarðar í Danmörku,
Frederiksberg, hafa safninu
borizt hátt á annað hundrað
bindi f prýðilegu bandi og vina-
bær Hafnarfjarðar í Svíþjóð,
Uppsala, hefur nýlega sent safn
inu um 100 bindi og er það hin
ágætasta gjöf.
Síðan 1958 hafa bókaverðir
verið tveir og eru þeir nú Anna
Guðmundsdóttir, sem er aðal-
bókavörður og Magnús Jóns-
son.